ჰოლივუდის მსახიობმა დუეინ The Rock ჯონსონმა ყველაზე დიდი ჰონორარის რეკორდი დაამყარა - ის 50 მილიონ დოლარს მიიღებს ფილმში Red Head-ში შესრულებული როლისთვის. ამის შესახებ The Direct-ი იტყობინება.
ყოფილმა სპორტსმენმა ამ ჰონორარით რობერტ დაუნი უმცროსის შედეგი გააუმჯობესა. ამ უკანასკნელმა 40 მილიონი დოლარი გამოიმუშავა რკინის კაცის როლის შესრულებისთვის ფილმში „კაპიტანი ამერიკა: სამოქალაქო ომი“.
გარდა ამისა, ჯონსონმა საკუთარი რეკორდი გააორმაგა - ფილმში „ფორსაჟი: ჰობსი და შოუ" მან 2019 წელს 23,5 მილიონი დოლარი მიიღო.
მაღალანაზღაურებადი მსახიობების ათეულში არიან:
- ვილ სმიტი - $40 მლნ. - „მეფე რიჩარდი“,
- ჯონი დეპი - $35 მლნ. - „კარიბის ზღვის მეკობრეები: უცხო ნაპირებზე“,
- უილ სმიტი - $35 მლნ. - „გათავისუფლება“,
- კიანუ რივზი- $30 მლნ. - „მატრიცა გადატვირთვა“ და „მატრიცა რევოლუცია“,
- მელ გიბსონი - $30 მლნ. - „სასიკვდილო იარაღი“,
- ლეონარდო დიკაპრიო - $30 მლნ. - „ნუ ეძებ“,
- ლეონარდო დიკაპრიო - $30 მლნ. - „ყვავილების მთვარის მკვლელები“,
- არნოლდ შვარცენეგერი - $29,25 მლნ. - „ტერმინატორი 3“,
- რობერტ დაუნი უმცროსი - $20 მლნ. - „შურისმაძიებლები: ბოლო თამაში“.
