აშშ უკრაინას დახმარების ახალ პაკეტს გადასცემს. აშშ-ის პრეზიდენტის, ჯო ბაიდენის ადმინისტრაციაში განაცხადეს, რომ აგრძელებენ უკრაინელი ხალხის გვერდით დგომას, რადგან ისინი რუსეთისგან თავს იცავენ.

ამის შესახებ თეთრი სახლის პრესმდივნის მოადგილემ, ოლივია დალტონმა განაცხადა. მისი განმარტებით, უკრაინისთვის დახმარების ახალი პაკეტი საჰაერო თავდაცვის გაძლიერებას მოემსახურება.

„დახმარება მოიცავს ნაღმების გაწმენდის აღჭურვილობასა და ჯავშანტექნიკას. ის ასევე გააძლიერებს საჰაერო თავდაცვას, რათა დაიცვას თავისი ხალხი სარაკეტო თავდასხმებისგან, მიაწოდოს უკრაინას დამატებითი ჯავშანტექნიკის სისტემები და საბრძოლო მასალები სარაკეტო სისტემებისთვის, რომლებსაც უკრაინა ასე ეფექტურად იყენებს ბრძოლის ველზე“, – განაცხადა ოლივია დალტონმა.