2025 წლის 28 თებერვლის მდგომარეობით, საპენსიო სააგენტოს აქტივების მოცულობამ 6.4 მილიარდ ლარს, ხოლო ჯამურმა დაგენერირებულმა ამონაგებმა 1.54 მილიარდ ლარს მიაღწია.
„აღსანიშნავია, რომ 2025 წლის იანვრის მდგომარეობით აკუმულირებული ამონაგებით როგორც ნომინალურ, ისე რეალურ რიცხვებში დინამიკური პორტფელი ლიდერობს. 2023 წლის 6 აგვისტოდან 2025 წლის 28 თებერვლის ჩათვლით პერიოდში დინამიკური პორტფელის რეალურმა ამონაგებმა 17.5% შეადგინა, იმავე პერიოდში დაბალანსებული და კონსერვატიული პორტფელების რეალური ამონაგები შესაბამისად 16.0% და 14.4% იყო.
აღნიშნულ პორტფელებს შორის მთავარი სხვაობა პორტფელებში გლობალური აქციების პროპორციაა. იანვრის ბოლოს მდგომარეობით, დინამიკურ პორტფელში აქციების წილი 49.9%, დაბალანსებულში 29.4%, ხოლო კონსერვატიულში 16.3% იყო“, - ნათქვამია საპენსიო სააგენტოს მიერ გავრცელებულ ინფორმაციაში.
საპენსიო სააგენტოს აქციების პორტფელში შემავალი 10 ყველაზე მსხვილი კომპანია (პორტფელების წილის მიხედვით) ასე გამოიყურება:
- APPLE – 3.3%;
- MICROSOFT – 2.7%;
- NVIDIA – 2.8%;
- AMAZON – 1.8%;
- META – 1.3%;
- ALPHABET – 0.9%;
- BERKSHIRE – 0.9%;
- BROADCOM - 0.8%.
- Tesla - 0.7%
- jp Morgan – 0.7%.
ცნობისთვის, ამერიკის საფონდო ბირჟებზე მსხვილი კომპანიების აქციების ფასი დაეცა. ბოლო ერთ დღეში, მნიშვნელოვნად შემცირდა შემდეგი კომპანიების აქციები:
- Tesla - ერთი აქციის ფასი 222.15 დოლარი, შემცირდა 15.43%-ით.
- Nvidia - ერთი აქციის ფასი 106.98 დოლარი, შემცირდა 5.07%-ით
- Apple - ერთი აქციის ფასი 222.48 დოლარი, შემცირდა 4.85%-ით
- Microsoft - ერთი აქციის ფასი 380.16 დოლარი, შემცირდა 3.34%-ით
- Amazon - ერთი აქციის ფასი 194.54 დოლარი, შემცირდა 2.36%-ით
- Alphabet - ერთი აქციის ფასი 167.81 დოლარი, შემცირდა 4.41%-ით
- Meta - ერთი აქციის ფასი 597.99 დოლარი, შემცირდა 4.42%-ით
- Broadcom - ერთი აქციის ფასი 184.45 დოლარი, შემცირდა 5.39%-ით.
- jp Morgan – ერთი აქციის ფასი 232.2 დოლარი, შემცირდა 4.15%-ით.
