რომელია საქართველოში ყველაზე დიდი ბრუნვის მქონე პურის 5 საწარმო. საქსტატის მიერ „კომერსანტისთვის“ მიწოდებული ინფორმაციის თანახმად, 2022 წლის წინასწარი მონაცემებით, ტოპ 5 პურის საწარმო ასე გამოიყურება (სია არ არის დალაგებული რეიტინგის მიხედვით)
- შპს ინთერნეშენალ ბეიკერ ჰაუს
- შპს იფქლი დიღომი
- შპს ლიგა +
- შპს იფქლი
- შპს ლიტვური საცხობი +
2022 წელს შპს ინთერნეშენალ ბეიკერ ჰაუსმა ხუთეულში შპს იფქლი 1
ჩაანაცვლა, 2021 წელს ხუთეული ასე გამოიყურებოდა:
- შპს იფქლი დიღომი
- შპს ლიგა +
- შპს იფქლი 1
- შპს იფქლი
- შპს ლიტვური საცხობი +
შპს იფქლი 1 შპს იფქლი დიღომიდან გამოყოფის შედეგად ჩამოყალიბდა 2012 წელს. მეწარმეთა რეესტრში 2022 წლის სექტემბერში დაფიქსირებული ბოლო განახლების თანახმად კომპანიის 34%-ს დავით ვასაძე ფლობს, 33% საქართველოსა და ისრაელის მოქალაქე რევაზ იოსებაშვილი, 33% კი ასევე საქართველოსა და ისრაელის მოქალაქე ნისან იოსებაშვილი. კომპანიის დირექტორი თამარ მაჭავარიანია.
რაც შეეხება შპს ინთერნეშენალ ბეიკერ ჰაუსს, რომელმაც 2022 წელს შპს იფქლი 1-ის ადგილი დაიკავა, მისი 55%-ის მფლობელი თემურ ჭყონიაა, 45%-ს კი თენგიზ კაპანაძე ფლობს, რომელიც ასევე კომპანიის დირექტორიცაა. აღნიშნული კომპანია წარმოადგენს საერთაშორისო სტანდარტების პურ-ფუნთუშეულის საწარმო „ბრედფილდს“ რომელიც 2021 წლის ზაფხულში გაიხსნა. „ბრედფილდი“ პურით ამარაგებს საქართველოში მაკდონალდსის ქსელის რესტორნებს და მისი პროდუქცია საცალო მარკეტებშიც იყიდება.
