გენდერული ანაზღაურების სხვაობა ევროპაში ჯერ კიდევ შესამჩნევია. Euronews Next -ის ანალიზით, რამდენიმე ინდიკატორი ქალებისა და მამაკაცების ანაზღაურებას შორის ბევრ სფეროში, უთანასწორობას აჩვენებს. ამასთან, ქალებზე ყველაზე მეტად ეკონომიკური ცხოვრება მოქმედებს.
“ევროპაში გარკვეული გაუმჯობესების მიუხედავად, ქალები კვლავ განიცდიან გენდერულ განსხვავებას ანაზღაურების, დასაქმებისა და სამუშაო ადგილზე იერარქიული პოზიციების გამო,“ -აღნიშნულია კვლევაში.
წარმოგიდგენთ რამდენიმე ინდიკატორს:
საშუალოდ რამდენით მეტს იღებენ მამაკაცები ქალებთან შედარებით?
ბოლო წლებში სულ უფრო ხშირად განიხილება გენდერული ანაზღაურების უთანასწორობის საკითხი. დაუზუსტებელი გენდერული ანაზღაურების სხვაობა არის მნიშვნელოვანი საზომი. გაანგარიშება არ ითვალისწინებს განათლებას, ასაკს, სამუშაო საათების რაოდენობას ან სამუშაოს ტიპს.
ევროკავშირში 2022 წელს მთლიანი საათობრივი შემოსავლის გენდერული სხვაობა 12,7%-ს შეადგენდა. სხვა სიტყვებით რომ ვთქვათ, ქალები საათში საშუალოდ 12,7%-ით ნაკლებს გამოიმუშავებდნენ, ვიდრე მამაკაცები.
ეს გვიჩვენებს, რომ ქალები საშუალოდ საათში 87,3 ევროს იღებენ, ხოლო მამაკაცები - საშუალოდ 100 ევროს. სხვაობის გამოსასწორებლად ქალებს დამატებით 1,5 თვე მუშაობა სჭირდებოდათ.
ესტონეთს ყველაზე მაღალი გენდერული ანაზღაურების სხვაობა აქვს 21.3%, შემდეგ მოდის ავსტრია (18.4%), შვეიცარია და ჩეხეთი (ორივე 17.9%).
უარყოფითი მაჩვენებლის მქონე ერთადერთი ქვეყანა იყო ლუქსემბურგი (-0,7 პროცენტი), რაც იმას ნიშნავს, რომ ქალები ოდნავ მეტს გამოიმუშავებდნენ, ვიდრე მამაკაცები.
ლუქსემბურგის გარდა, იტალიას, რუმინეთსა და ბელგიას აქვთ ყველაზე დაბალი გენდერული ანაზღაურების სხვაობა - 5%-ზე ნაკლები.
ევროკავშირის დიდი ოთხეულის ქვეყნებს: გერმანიას (17.7%) და საფრანგეთს (13.9%) ევროკავშირის საშუალო მაჩვენებელზე მაღალი სხვაობა ჰქონდათ.
მცირდება თუ არა გენდერული ანაზღაურების სხვაობა ევროპაში?
პროგრესი სტაბილურია, მაგრამ ნელი.
2012-დან 2022 წლამდე ევროკავშირის გენდერული ანაზღაურების სხვაობა 16,4%-დან 12,7%-მდე შემცირდა.
თუმცა, ექვს ქვეყანაში, კერძოდ სლოვენიაში, ლატვიაში, პოლონეთში, მალტაში, შვეიცარიასა და ლიეტუვაში გენდერული ანაზღაურების სხვაობა გაიზარდა.
ამ პერიოდის განმავლობაში გენდერული ანაზღაურების სხვაობის ყველაზე დიდი გაუმჯობესება დაფიქსირდა ესპანეთში.
2022 წელს გენდერული სხვაობა კერძო სექტორში უფრო მაღალი იყო, ვიდრე საჯარო სექტორში.
წყარო: msn.com bpn.ge
