Chevron Corp.-მა, აშშ-ის ერთ-ერთმა უმსხვილესმა ნავთობკომპანიამ, 2024 წლის მესამე კვარტალში წმინდა შემოსავლის 31%-იანი კლება დააფიქსირა შემოსავლის 6%-იანი კლების პირობებში.
Chevron-ის კორექტირებულმა მოგებამ, შემოსავალმა და წარმოებამ გადააჭარბა ბაზრის პროგნოზს.
როგორც კომპანიის პრესრელიზშია აღნიშნული, წმინდა მოგებამ ივლის-სექტემბერში 4,49 მილიარდი დოლარი შეადგინა, წინა წლის ანალოგიური პერიოდის 6,53 მილიარდ დოლართან შედარებით.
მოგება აქციაზე შემცირდა 2,48 დოლარამდე 3,48 დოლარიდან. მოგებამ ერთჯერადი ფაქტორების გამოკლებით შეადგინა 2,51 აშშ დოლარი თითო აქციაზე, რითაც გადააჭარბა FactSet-ის მიერ გამოკითხულ ანალიტიკოსების შორის კონსენსუს–პროგნოზს, რომელიც 2,42 აშშ დოლარი იყო ერთ აქციაზე.
upstream–ის სეგმენტში (მოპოვება და ძიება) Chevron-ის მოგება შემცირდა 20%-ით და 4,59 მილიარდ დოლარამდე შემცირდა, downstream-ის სეგმენტში (გადამუშავება და ტრანსპორტირება) ის 2,8-ჯერ დაეცა 595 მილიონ დოლარამდე.
Chevron-ის კვარტალური შემოსავალი 50,67 მილიარდ დოლარამდე შემცირდა 54,08 მილიარდი დოლარიდან ერთი წლის წინ. ექსპერტებმა ეს მაჩვენებელი საშუალოდ 48,86 მილიარდ დოლარზე იწინასწარმეტყველეს.
