მარკეტერების უმეტესობა ხელოვნურ ინტელექტს რევოლუციური ცვლილებების მომხდენ ტექნოლოგიად მიიჩნევს და ამაზე მოწმობს Kantar-ის კვლევაც. 10-დან თუ 9 ამას ამბობს, პრაქტიკაში მხოლოდ 5 იყენებს. ამიტომაც 2026 წელი ამ სტატისტიკის გამოსწორების უნდა იყოს — იფიქრეთ AI მონაცემებზე, ავტომატიზირებულ აგენტებსა და სისტემებზე, რომლებიც თქვენ სასიკეთოდ მუშაობს.
Kantar-მა ეს ციფრები 4 ანალიტიკურ სტრატეგიამდე დაიყვანა და გვითხრა, რა დაგვჭირდება 2026 წელს ბრენდის გეგმის შედგენისას:
1. გააერთიანეთ ციფრული სიგნალები არსებულ სამუშაო ნაკადებში
დღევანდელ მარკეტერებს მონაცემები არა, მაგრამ სიგნალები ნამდვილად აკლიათ. ისეთები, რომლებიც გეტყვით, როდის მერყეობს თქვენი ფასების ძალაუფლება, როდის უშლის ხელს ორგანიზაციული კულტურა კრეატიულობას ან როდის აფერხებს სწრაფი გამარჯვებები გრძელვადიან ზრდას. სინამდვილეში კი ეს ყველაფერი საძიებო ველში შეიძლება, იმალებოდეს.
Kantar-ის კვლევის მიხედვით, როცა ძიება სწორად არის გამოყენებული, კარგ ინდიკატორად გვევლინება, აქ ისეთი სიგნალები იკვეთება, როგორებიცაა ხილვადობა, რელევანტურობა და განზრახვა – „ძიება მსოფლიოში ყველაზე დიდ განზრახვების მონაცემთა ბაზას წარმოადგენს და როცა ამას კვლევის მონაცემებს დაუკავშირებთ, ზუსტად გაიგებთ, რატომ ფერხდებიან მომხმარებლები რაღაცისადმი ინტერესის გაჩენასა და შეძენას შორის. მარკეტერების უმეტესობა კი კვლავ უარყოფს ამ მნიშვნელოვან სიგნალს“.
2. პრიორიტეტი მიანიჭეთ მიზეზებს და არა, კორელაციას
კორელაცია იშვიათად გვეუბნება, რატომ განიცდის ბრენდი ზრდას ან, პირიქით, და სწორედ აქ იკვეთება მოდელირების როლი, ტექნიკის, რომელიც უბრალო კავშირების ნაცვლად, მიზეზ-შედეგობრივ ურთიერთობებს გვაჩვენებს. შესაბამისად, ბრენდის შესახებ უფრო ნათელ წარმოდგენას გვიქმნის. ხოლო AI-სა და ავტომატიზაციის წყალობით, იგი უფრო მარტივი გახდა ინტერპრეტაციებისთვისაც.
3. გამოიყენეთ სინთეზური მონაცემები
მარკეტერები დიდი ზეწოლის ქვეშ არიან, გაუგონ ახალ აუდიტორიებს და იპოვონ მათთვის ღირებული… სწორედ აქ იკვეთება სინთეზური მონაცემების როლი — სტატისტიკურ და გამოთვლით მოდელებს იყენებს, რათა ახალი მონაცემები დააგენერიროს არსებულიდან, ეს კი ბრენდებს ეხმარება, უკეთ და უფრო სწრაფად გაუგონ ადამიანებს.
ხოლო სინთეზური მონაცემების ხარისხი დამოკიდებულია მის უკან მდგომ რეალურ მონაცემებზე, ტექნოლოგიურ ინფრასტრუქტურაზე და მკაფიო რუკაზე, რომელიც გვასწავლის, როგორ გამოვიყენოთ იგი. რეალური ღირებულების მისაღებად, ბრენდებს სჭირდებათ ჭკვიანი პილოტირება, არსებულ სამუშაო პროცესებში სათანადო ინტეგრაცია და მკაფიო სტრატეგია, თუ როგორ გააძლიერონ კონკრეტული კოჰორტები და სეგმენტები. ეს მათ ეხმარებათ, უკეთ გაუგონ ნაკლებად წარმოდგენილ აუდიტორიას ისე, რომ ადამიანური მონაცემების სრულად ჩანაცვლებაც არ მოუწიოთ.
4. გახადეთ დემოკრატიული მონაცემთა ინსაითები
თუ წლების მანძილზე ინსაითებისა და ანალიტიკის გუნდები აკონტროლებდნენ, ვინ რას ნახავდა ბრენდის შედეგების შესახებ, ახლა აგენტური AI-სა და ახალი ტექნოლოგიების წყალობით, ანალიტიკაზე წვდომა მეტად დემოკრატიული გახდა, რითაც, თავის მხრივ, ცოდნა უფრო მოქნილი, მყისიერი და ფართოდ გამოყენებადი ხდება ორგანიზაციებში. ერთ-ერთი ასეთია Kantar-ის KAiA ინსტრუმენტიც…
თუმცა ამისთვის ბრენდებმა სიმამაცე უნდა გამოიჩინონ — შეცვალონ გუნდების პოზიციები, გადაამზადონ ადამიანები AI ტექნოლოგიებსა და მონაცემებში, გაწვრთნან აგენტები და ა. შ. 2026 წელს კი სწორედ ის ბრენდები გაიმარჯვებს, რომლებიც მონაცემებს კი არ დაელოდება, რომ უთხრას ის, რაც უკვე მოხდა, არამედ ისინი, რომლებიც იმოქმედებენ, გაზომავენ შედეგებს და გააგრძელებენ სვლას.
„ბრენდის მშენებლობის მომავალს თვალი კი არ უნდა ადევნოთ, არამედ უნდა მართოთ. ამიტომ, მხოლოდ წარსულს ნუ დააკვირდებით, გაიგეთ, რა შეიძლება მოხდეს შემდგომ. შეიცვალეთ ბაზრები, აზროვნება, იზრუნეთ ბიზნესის წინსვლაზე 2026 წელს, რადგან ბრენდი მართვას იმსახურებს და არა, დინების მიყოლას. და თუ კვლავ ყოყმანობთ, ეს თქვენი სიგნალია, რომ მოქმედება დაიწყოთ“, — აცხადებს მერი კირიაკიდი, Kantar-იდან.
