სტატისტიკის ეროვნული სამსახურის მონაცემებით, 2026 წლის მეორე კვარტალში, პირველ კვარტალთან შედარებით, თბილისში საცხოვრებელი ბინების ფასების ინდექსი 0.9%-ით გაიზარდა. წლიურ ჭრილში კი, 2025 წლის შესაბამის პერიოდთან შედარებით, მრავალბინიან საცხოვრებელ სახლებში ბინების ღირებულება 4.8%-ით არის მომატებული.
საქსტატის ინფორმაციით, ახალაშენებული და დასრულებული საცხოვრებელი ბინების სეგმენტში ყველაზე მაღალი ფასი მთაწმინდაზე დაფიქსირდა, ხოლო ყველაზე დაბალი – სამგორში.
2026 წლის მეორე კვარტალში თბილისის უბნების მიხედვით 1 კვადრატული მეტრი ბინის საშუალო ფასი ასეთია:
- მთაწმინდა – 6 730 ლარი;
- ვაკე – 5 914 ლარი;
- კრწანისი – 4 630 ლარი;
- საბურთალო – 4 307 ლარი;
- დიდუბე – 4 184 ლარი;
- ისანი – 4 088 ლარი;
- ჩუღურეთი – 4 064 ლარი;
- ნაძალადევი – 4 038 ლარი;
- გლდანი – 3 867 ლარი;
- სამგორი – 3 680 ლარი.
მონაცემების მიხედვით, აღნიშნულ პერიოდში ყველაზე ძვირადღირებული უბანი კვლავ მთაწმინდაა, სადაც 1 კვადრატული მეტრის ფასი 6 730 ლარს აღწევს, ხოლო ყველაზე ხელმისაწვდომი საცხოვრებელი ფართი სამგორშია, სადაც საშუალო ღირებულება 3 680 ლარს შეადგენს.
