დღის TOP10 საინტერესო ამბავი:
1. საპენსიო სააგენტოს ფონდის პირდაპირი ინვესტიციები დაუშვებელია, კანონიერი რომც იყოს
ახლახანს პრესაში გავრცელდა ინფორმაცია, რომ საპენსიო სააგენტოს საინვსტიციო საბჭო და საინვესტიციო სამსახური შესაძლოა ლობირებდნენ საკანონმდებლო ცვლილებებს, რათა კანონმა დაუშვას საპენსიო ფონდის პირდაპირი (არასაჯარო) ინვესტიციები საწარმოებში და პროექტებში, როგორც პირდაპირი სესხების, ასევე პირდპირი წილობრივი მონაწილეობის საშუალებით.
2. ბიზნესი გაზრდილი ტარიფების პირისპირ - ხარჯთან ერთად პროდუქტის ფასიც მოიმატებს
საქართველოში ენერგომატარებლების ტარიფის ზრდამ ადგილობრივ წარმოებას ფინანსური პრობლემა შეუქმნა. სამეწარმეო ბიზნესში ფასის კორექტირების შესაძლებლობებს განიხილავენ და აცხადებენ, რომ გაზრდილი ხარჯის გამო საქმიანობის გაგრძელება მომდევნო წლიდან გაუჭირდებათ.
3. 2017 წლის ყველაზე მაღალ ფასად განხორციელებული პრივატიზება წარუმატებელი აღმოჩნდა
მაშინ, როცა ქვეყანაში რთული ეკონომიკური მდგომარეობაა, ხოლო ბიზნესი მსხვილი ინვესტიციის განხორციელებისგან თავს იკავებს, კიდევ ერთი მასშტაბური პროექტი დაპაუზებულია.
4. გაძვირების ნაცვლად თხილი მოულოდნელად გაიაფდა
დასავლეთ საქართველოში თხილი ერთბაშად 1 ლარით გაიაფდა. ჯერ კიდევ აგვისტოს დასაწყისში გლეხებს მოსავლის გაყიდვა 4-5 ლარის ფარგლებში შეეძლოთ. მწარმოებლები თხილის 8-9 ლარამდე გაძვირებასაც ელოდნენ, ტენდენცია სექტემბერ ოქტომბერში გრძელდებოდა და ფასმა 6-ლარიან ნიშნულს გადააბიჯა, თუმცა მოულოდნელად თხილი ისევ გაიაფდა.
5. თურნავა - „ინტერ რაოსთან“ დავა სამომხმარებლო ტარიფებზე არ აისახება
ეკონომიკის მინისტრის ნათია თურნავას განცხადებით, როგორც არ უნდა დასრულდეს „ინტერ რაოსთან“ დავა, რომელსაც საქართველოს იუსტიციის სამინისტრო აწარმოებს, არ აისახება მოსახლეობის ტარიფებზე.
6. აუდიტის სამსახური: პრივატიზაციის პროცესში საჯარო ინტერესის გათვალისწინება არ ხდებოდა
სახელმწიფო აუდიტის დასკვნის თანახმად 2017-2018 წლებში საინვესტიციო ვალდებულების სანაცვლოდ ქონების გადაცემის პროცესმა დარღვევებით ჩაიარა.
7. საჯარო სექტორში ხელფასი დაახლოებით 10 პროცენტით გაიზრდება
2022 წელს საჯარო სექტორში ხელფასი დაახლოებით 10 პროცენტით გაიზრდება და ეს არ იქნება ერთჯერადი ცვლილება. ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
8. ბაბკო - პანდემიის დროს დაწყებული ქართული ბრენდის წარმატების ფორმულა
Babko (ბაბკო) სტარტაპია, რომელმაც სულ მცირე ხანში უამრავი ქართველი მომხმარებლის გული მოიგო და მამაკაცის სამოსის ქართულ ბაზარზე საკუთარი ნიშა დაიკავა.
9. რძის პროდუქტების ინდუსტრია ყველაზე დიდ გამოწვევად ინფლაციას ასახელებს
„სანტეს“ გენერალური დირექტორის ერეკლე გამყრელიძის განმარტებით, რძის პროდუქტების ინდუსტრიის ყველაზე დიდი პრობლემა მსოფლიო ინფლაციაა.
10. ზურულდის მთაზე ახალი საბაგირო დატესტეს
მთის კურორტების განვითარების კომპანია ზამთრის სათხილამურო სეზონზე ვიზიტორებს ახალ ინფრასტრუქტურას დაახვედრებს სვანეთში. ზურულდის მთაზე ახალი საბაგირო კომპლექსის მშენებლობა გრძელდება, ჯერ ისევ შეფუთულ გონდოლებს სატესტო შემოწმება უკვე ჩაუტარდა. ამის შესახებ ინფორმაციას გვერდი „თეთნულდი ჰაწვალი“ ავრცელებს.
საინტერესო ამბები
