დღის TOP10 საინტერესო ამბავი:

1. რა არის ფორმატი 3+3 და არის თუ არა აქ საქართველოს ადგილი

ყარაბაღის ბოლო ომიდან 1 წლის შემდეგ, ირან-აზერბაიჯანს შორის დაძაბულობის ზრდის ფონზე, საქართველო 3+3 ფორმატში მიიწვიეს. რუსეთის, ირანის და თურქეთის პოზიციებს სამხრეთ კავკასიის სამი პატარა სახელმწიფო რომ ვერ დააბალანსებს, შეუიარაღებელი თვალითაც ჩანს.

2. რა ჯდება პილოტის მომზადება და ემუქრება თუ არა ქართულ ავიაციას კადრების დეფიციტი

საქართველოს ავიაციაში შეიძლება კადრების დეფიციტი გაჩნდეს. ამის შესახებ ,,კომერსანტთან“ ავიაციის სფეროს ექსპერტი იასე ზაუტაშვილი აცხადებს. მისი თქმით,  პანდემიური კრიზისის პირობებში მფრინავებისა და ტექნიკური პერსონალის ნაწილი სამუშაოდ სხვა ქვეყნებში წავიდა, ხოლო კომპანიებს მაღალკვალიფიციური კადრების მოძიება უჭირთ.

3. დისჰარმონია, არაპროფესიონალიზმი, ტრაფარეტული პროგრამები - როგორ ასტიმულირებენ მთავრობა და სებ-ი ეკონომიკას

ეკონომიკის სტიმულირების სამთავრობო პროგრამებზე არაერთი მარალჩინოსანი საუბრობს. ბოლო პერიოდში პრემიერ მინისტრის და ეკონომიკის სამინისტროს წარმომადგენლების მხრიდან აქტიურად გვესმის სტიმულირების პაკეტების შესახებ, რომლებიც კერძო სექტორს პანდემიური შოკიდან გამოსვლაში უნდა დაეხმაროს და ასევე მიმართულია პოსტკრიზისული გამოწვევების დაძლევაზე.

4. ყარაბაღისკენ კაპიტალი დაიძრა - რა საინვესტიციო პოტენციალი აქვთ სოხუმს და ცხინვალს დეოკუპაციის შემთხვევაში

ყარაბაღის რეგიონი საინვესტიციო ცენტრი ხდება. ინვესტორები რუსეთიდან, თურქეთიდან და სხვა ქვეყნებიდან ყარაბაღის ასათვისებლად დაიძრნენ. ამასთანავე, ისინი მზად არიან სხვადასხვა პროექტებში ჩაერთონ, დაწყებული ენერგეტიკითა და მრეწველობით, დამთავრებული სოფლის მეურნეობის სექტორით. „კომერსანტი“ დაინტერესდა, აფხაზეთის და ცხინვალის კონფლიქტის დარეგულირების შემთხვევაში როგორია საქართველოს ოკუპირებული ტერიტორიების საინვესტიციო პოტენციალი.

5. მასკის მიერ 1 წამში ნაშოვნი თანხის გამოსამუშავებლად საშუალო სტატისტიკურმა ქართველმა 69 წელი უნდა იმუშაოს

Tesla-ს აქციების ფასის ზრდის შედეგად, ილონ მასკის ქონება 25 ოქტომბერს $25.6 მლრდ-ით $255 მლრდ-მდე გაიზარდა. თუ $25.6 მლრდ-ს 24 სთ-ში არსებულ წამების რაოდენობაზე (86 400) გავყოფთ, წამში $296 000-ს მივიღებთ. ერთ სულ მოსახლეზე შემოსავალი საქართველოში $4300-ა, რაც იმას ნიშნავს, რომ საშუალო სტასტისტიკურ ქართველს იმ თანხის გამოსამუშავებლად, რაც მასკმა 25 ოქტომბერს 1 წამში მიიღო, 69 წლიანი მუშაობა დასჭირდება

6. ალიევმა და ერდოღანმა ფიზულის აეროპორტი გახსნეს

აზერბაიჯანისა და თურქეთის პრეზიდენტებმა ჰეიდარ ალიევმა და რეჯეფ ტაიპ ერდოღანმა ფიზულის საერთაშორისო აეროპორტის გახსნის ცერემონიაში მიიღეს მონაწილეობა, რომელიც სამშაბათს, 26 ოქტომბერს გაიმართა.

7. ვის ეკუთვნის და რა შემოსავალი აქვს „ვოლტს “ საქართველოში

ფინანსური მაჩვენებლებით შპს “ვოლტ ჯორჯია” საწარმოთა მესამე კატეგორიაში ხვდება. ეს კი ნიშნავს, რომ მისი აქტივების ჯამური ღირებულება 10 მილიონ ლარს, შემოსავალი 20 მილიონს, ხოლო დასაქმებულთა საშუალო რაოდენობა 50-ს არ აღემატება.

8. შქმერში მანგანუმის მოპოვების ლიცენზიების გაცემას ასაჩივრებენ

მწვანე ალტერნატივა და სოციალური სამართლიანობის ცენტრი ეკონომიკისა და მდგრადი განვითარების სამინისტროს ადმინისტრაციული საჩივრით მიმართავენ და ონის მუნიციპალიტეტში, სოფელ შქმერში მანგანუმის მოპოვების მიზნით გაცემული სასარგებლო წიაღისეულის მოპოვების ლიცენზიების გაუქმებას მოითხოვენ.

9. აფხაზეთი ტურისტული ნაკადის 5-ჯერ გაზრდას გეგმავს

მოსკოვში მორიგი სამუშაო ვიზიტის წინ ოკუპირებული აფხაზეთის ე.წ. პრეზიდენტმა ასლან ბჟანიამ რუსეთის ტელევიზიის პირველი არხისთვის მიცემულ ინტერვიუში თქვა, რომ აფხაზეთი ამ წელს 1,5 მილიონმა ტურისტმა მოინახულა, ეს კი - ბოლო 30 წლის რეკორდია. ის დეტალურად საუბრობდა სამომავლო გეგმებზეც - მისი თქმით, უახლოესი 10 წლის მანძილზე ტურისტების რაოდენობის 4-5-ჯერ გაზრდა სავსებით რეალური პერსპექტივაა იმ შემთხვევაში, თუ შესაბამისი ინფრასტრუქტურა მომზადდება.

10. ევროპა პანდემიის ახალი ტალღის მოლოდინშია

მცირე პაუზის შემდეგ პანდემიამ ევროპას ისევ შეუტია - კონტინენტზე დაინფიცირების შემთხვევათა რაოდენობა უკვე მესამე კვირაა იზრდება. ჯანდაცვის მსოფლიო ორგანიზაცია ქვეყნებს სიფრთხილისკენ მოუწოდებს და მიიჩნევს, რომ ევროპაში მოსახლეობა ნაადრევად დამშვიდდა და დაიჯერა, რომ კორონავირუსი უკვე დამარცხდა, რაც რეალობას არ შეესაბამება.