ფინანსური მაჩვენებლებით შპს “ვოლტ ჯორჯია” საწარმოთა მესამე კატეგორიაში ხვდება. ეს კი ნიშნავს, რომ მისი აქტივების ჯამური ღირებულება 10 მილიონ ლარს, შემოსავალი 20 მილიონს, ხოლო დასაქმებულთა საშუალო რაოდენობა 50-ს არ აღემატება.
როგორც კომპანიის მიერ გამოქვეყნებული 2020 წლის ფინანსურ ანგარიშგებიდან ირკვევა, 2020 წლის ბოლოს “ვოლტ ჯორჯია” 9 747 810 ლარის აქტივებს ფლობდა.
ანგარიშგების თანახმად, გასულ წელს, პანდემიამდელ 2019 წელთან შედარებით, გაზრდილია კომპანიის ამონაგები, კერძოდ, თუ 2019 წელს მაჩვენებელი - 4 649 746 ლარი იყო, 2020 წელს ამონაგებმა 15 371 949 ლარი შეადგინა. თვითღირებულება პროდუქტების/მომსახურების 9 903 073 ლარს, საერთო მოგება - 5 468 876 ლარს შეადგენდა. ამასთან, 2020 წლის ბოლოს კომპანიის წმინდა მოგება 409 391 ლარი იყო.
როგორც ანგარიშგებაშია აღიშნული, შპს „ვოლტ ჯორჯია “ 2018 წელს დაარსდა.
და მისი 100%-იანი წილის მფლობელია „ვოლტ ენტერპრაიზის ოი“. კომპანიის ხელმძღვანელ პირებად წარმოდგენილნი არიან: მიკკო აკსელი კუუსი, ვეერა ვიქტორია მარიანნე ვიკკულა.
bpn.ge