დღის TOP 10 საინტერესო ამბავი:

1. საქართველოში წლის პირველ ნახევარში შემოსული უცხოური ინვესტიციები 10-წლიან მინიმუმზეა

წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წლის მე-2 კვარტალში 237.8 მლნ აშშ დოლარი შეადგინა, რაც 2019 წლის მე-2 კვარტალის დაზუსტებულ მონაცემებზე 0.5 პროცენტით მეტია. ეს ბოლო 10 წლის განმავლობაში წლის პირველ ნახევარში შემოსული ინვესტიციების მინიმალური მაჩვენებელია.

2. ექიმი ავად გამხდარა - ავერსში პერსონალის ჯანმრთელობასა და სულიერ სიმშვიდეზე ვერ იზრუნეს

31 აგვისტოდან დღემდე „ავერსის“ რუსთავის ფილიალში კორონავირუსით ინფიცირებული ექიმების რაოდენობა 15-ს უტოლდება.„ავერსის“ კლინიკაში, რომელსაც კოვიდპაცინეტებთან არც კი აქვს შეხება, ბოლო პერიოდია ინფიცირების რიცხვი დღითიდღე მატულობს.   ინფექციონისტების თითქმის ყოველ გამოსვლაში სამედიცინო დაწესებულების ქსელში თითო დაინფიცირებული ექიმი ვლინდება.

3.  ოთხი წლის შემდეგ იგივე პრობლემები და მოლოდინები - რეპორტაჟი „დეზერტირების ბაზრიდან“

31 ოქტომბერს საქართველო მეათე მოწვევის პარლამენტს აირჩევს, ძალიან მალე ქვეყანა საარჩევნო ციებ-ცხელებაში ჩაერთვება. მმართველი გუნდის წინა საარჩევნო დაპირებები ჯერჯერობით უცნობი თუმცა, ზუსტად ოთხი წლის წინ, ფრაქცია „ქართული ოცნება-დემოკრატიული საქართველო“ მოსახლეობას დაპირდა, რომ მათი გამარჯვების შემთხვევაში ქვეყნის განვითარება დაჩქარდებოდა ხოლო მოსახლეობას სოციალურ-ეკონომიკური პრობლემები სრულად მოუგვარდებოდა. 2016 წელს მთავარი სლოგანიც შესაბამისად შეარჩიეს - „სოციალური კეთილდღეობა და სწრაფი განვითარება“.

4. ლელომ საფუძვლიანი პროგრამა წარმოადგინა. ქართული ოცნების და ნაციონალური მოძრაობისგან კი ჯერ კონკრეტული პროგრამები არ ჩანს

პოლიტოლოგი ვაჟა ბერიძე სოციალურ ქსელში ლელოს ეკონომიკურ პროგრამასთან დაკავშირებით პოსტს აქვეყნებს:

„ლელოს“ მიერ წარდგენილი პროგრამა ხელისუფლებაში მოსვლის მოსურნე პოლიტიკური ძალის ადეკვატური და საფუძვლიანი განაცხადია...“

5.  საპენსიო აქტივების სარგებელი 2.3-ჯერ აღემატება წლიურ ინფლაციას

8 სექტემბრის მდგომარეობით, დაგროვებითი პენსიით 447-მა ადამიანმა ისარგებლა. როგორც საპენსიო სააგენტოდან იუწყებიან, დაგროვებითი პენსიით, საპენსიო ასაკის შესრულების საფუძვლით 211 მონაწილემ, საზღვარგარეთ მუდმივ საცხოვრებლად გადასვლის გამო, ერთმა შეზღუდული შესაძლებლობების მქონე სტატუსის საფუძვლით 186-მა, ხოლო მემკვიდრეობის უფლების საფუძვლით 49 პირმა ისარგებლა.

6. RADISSON BLU IVERIA თითქმის ცარიელია - მმართველი კომპანია ანტიკრიზისულ გეგმაზე მუშაობს

Radisson Blu Iveria Hotel Tbilisi-ი თითქმის ცარიელია, ამის შესახებ „ბიზნესპარტნიორს“ სასტუმროში განუცხადეს. მათი ინფორმაციით,  ვიზიტორების (მათ შორის ბიზნესმოგზაურები) 98% უცხოელებზე მოდიოდა.

7. ბაზარზე მთის წყალის პროდუქციის შემოსვლას სნოს გაყიდვებზე გავლენა არ მოუხდენია

საქართველოს სასმელი წყლის ბაზარზე „მთის წყალი“ ამბიციური განცხადებებით გამოჩნდა. გაუწევს თუ არა კონკურენციას ბაზარზე უკვე მყარად დამკვიდრებულ სასმელი წყლის კომპანიებს კოკა კოლა ბოთლერს ჯორჯიას ახალი პროდუქტი, ამაზე პასუხად მივიღეთ ის, რომ მთის წყალი საუკეთესოა და ბაზარზე უკვე არსებული გავლენებით, კომპანია ამ პროდუქტითაც პირველობას მოიპოვებს.

8. კურორტ წყალტუბოს გენგეგმის კონცეფციის შემუშავებაზე კონკურსი გამოცხადდა

საქართველოს რეგიონული განვითარებისა და ინფრასტრუქტურის სამინისტრო, წყალტუბოს მუნიციპალიტეტთან ერთად, კურორტის განვითარებისათვის ქალაქთმშენებლობითი დოკუმენტაციის შემუშავებას იწყებს. ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

9. თამაზ ელიზბარაშვილმა ძაღლების თავშესაფრის გაჩუქება გადაწყვიტა

თამაზ ელიზბარაშვილმა ძაღლების თავშესაფრის გაჩუქება გადაწყვიტა, ამის შესახებ ცოტა ხნის წინ თავშესაფრის facebook გვერდზე გამოქვეყნდა, ჩუქების წინაპირობაა ცხოველების მოვლა 10 წლით.

10. რუსეთის სბერბანკიდან სესხების გატანის რეკორდული მაჩვენებელი დაფიქსირდა

რუსეთის უმსხვილესმა ბანკმა, მთელი მისი ისტორიის განმავლობაში, ფიზიკური პირების მიერ ყველაზე დიდი ოდენობით სესხების გაცემა დააფიქსირა.როგორც ბანკის ოფიციალურ განცხადებაშია ნათქვამი, აგვისტოში „რუსეთის სბერბანკმა“ 441 მილიარდი რუბლის საცალო სესხები გასცა.