საქართველოს სასმელი წყლის ბაზარზე „მთის წყალი“ ამბიციური განცხადებებით გამოჩნდა. გაუწევს თუ არა კონკურენციას ბაზარზე უკვე მყარად დამკვიდრებულ სასმელი წყლის კომპანიებს კოკა კოლა ბოთლერს ჯორჯიას ახალი პროდუქტი, ამაზე პასუხად მივიღეთ ის, რომ მთის წყალი საუკეთესოა და ბაზარზე უკვე არსებული გავლენებით, კომპანია ამ პროდუქტითაც პირველობას მოიპოვებს.
იმის გასაგებად, თუ როგორ ხვდებიან წყლის კომპანიები ახალ კონკურენტს, „კომერსანტი“ „სნოს“ დაუკავშირდა.
„სნოს“ მარკეტინგის დეპარტამენტის ხელმძღვანელის ლევან შავლაყაძის თქმით, სნოს წყალი კონკურენციისთვის მზადაა, თუმცა ჰორეკას სექტორში მთის წყალმა შესაძლოა პირველობა მოიპოვოს, თუმცა ეს არ ეხება მაღაზიებსა და სუპერმარკეტების ქსელებს.
„ამ ეტაპზე რომ ვხედავდეთ „მთის წყალის“ შემოსვლამ ჩვენზე რაღაც კონკრეტული ზეგავლენა მოახდინა ვერ ვიტყვი - ჯერჯერობით ეს ასე არ არის.
ახალი ბრენდია, ერთი თვეც არაა რაც შემოვიდა. შევხედავთ, რა მარკეტინგული სტრატეგია ექნება და რა ბიუჯეტს დახარჯავენ მარკეტინგში.
რა თქმა უნდა, ჰორეკას სექტორში ძალიან ბევრ ობიექტზე შევლენ, თუმცა ამ სექტორს უფრო დაეტყობა, ვიდრე მაღაზიათა ქსელს.
„სნოს“ ძალიან ლოიალური მომხმარებელი ჰყავს და ჩვენ მზად ვართ კონკურენციისთვის.“ - აღნიშნავს ლევან შავლაყაძე.
ანი ცარციძე
წყალი
