დღის TOP 10 საინტერესო ამბავი:
1. ბენზინი 1 წელიწადში 52%-ით გაძვირდა - ფასების კლება არც უახლოეს მომავალშია მოსალოდნელი
საქართველოში ორნიშნა ინფლაციის ერთ-ერთი გამომწვევი მიზეზი საწვავის გაძვირებაა, რამაც მგზავრობის გარდა კიდევ ძალიან ბევრი პროდუქტის ფასზე მოახდინა გავლენა.
2. კომპანიების წინასაარჩევნო შემოწირულობებით „ქართული ოცნება“ ლიდერობს
აუდიტის სამსახურის მონაცემების მიხედვით, კომპანიების მიერ შემოწირულობების მიხედვით პირველ ადგილზე „ქართული ოცნება - დემოკრატიული საქართველოა“. მან 2021 წლის მანძილზე მხოლოდ კომპანიებისგან 312 500 ლარი მიიღო.
3. რაში დაეხმარება ბიზნესს ქართული ღვინის პოპულარიზაციის ხელშეწყობის სახელმწიფო პროგრამა
,,თბილღვინოს“ შემთხვევაში, როგორც კომპანიის დამფუძნებელი ზურაბ მარგველაშვილი ამბობს, ეს არის დამატებითი ფინანსური რესურსი, რომელიც შეიძლება დაიხარჯოს კონკრეტულ ბაზრებზე როგორც ცნობადობის ამაღლების კუთხით, ასევე გაყიდვებზე.
4. ეგზოტიკური ხილის წარმოების პოტენციალი საქართველოში
ბოლო რამდენიმე წელია, საქართველომ აქტიურად დაიწყო ეგზოტიკური ხილის წარმოება. ამ პროდუქტის უმეტესობა ექსპერიმენტულ ფორმატში იწარმოება.
5. ბოლო 5 წელიწადში ვენახის მოვლის ხარჯი გაორმაგებულია
ყურძნის ფასსა და გაწეულ ხარჯთან დაკავშირებით გვესაუბრა წინანდლელი მევენახე ოთარ ბერძენიშვილი, რომელიც 30 ტონა მოსავალს ელის და სეზონზე 15-20 ადამიანის დასაქმებასაც ახერხებს.
6. საქართველოში ინტერნეტიზაციის მაჩვენებელმა 86%-ს გადააჭარბა
აქალაქო დასახლებებში ინტერნეტთან წვდომა შინამეურნეობების 91.4%-ს გააჩნია, სასოფლო დასახლებებში - 78.9%-ს. სტატისტიკა მოიცავს როგორც საკაბელო, ასევე მობილურ ინტერნეტს. გამოკვლევის დროს, კომპიუტერით უზრუნველყოფილი ოჯახების წილი 63.8%-ს შეადგენდა.
7. მაღალი ინფლაცია და ძვირი საწვავი მძიმე დარტყმაა დისტრიბუციის სექტორისთვის
დისტრიბუტორთა ბიზნესასოციაციის პრეზიდენტის ივა ჭყონიას თქმით, მიუხედავად პანდემიური პიკისა, სექტორში ამ ეტაპისთვის სტაბილურობა შეინიშნება, თუმცა მაღალ ინფლაციას და ფასების ზრდა მნიშვნელოვანი დარტყმაა დისტრიბუტორებისთვის.
8. მთავრობამ სასიცოცხლოდ მნიშვნელოვანი საქმიანობები განსაზღვრა - რა შემთხვევაში ეზღუდებათ მათ გაფიცვის უფლება
როგორც ჯანდაცვის მინისტრის 7 სექტებრის ბრძანებაშია აღნიშნული, სასიცოცხლოდ მნიშვნელოვან სამსახურში მომუშავე დასაქმებულებს აქვთ გაფიცვის უფლება მხოლოდ იმ შემთხვევაში, თუ ისინი უზრუნველყოფენ მინიმალური მომსახურების მიწოდებას იმგვარად, რომ დაკმაყოფილებულდეს მომხმარებელთა საბაზისო მოთხოვნები და ამგვარი მომსახურება უსაფრთხოდ და შეფერხების გარეშე ხორციელდებოდეს.
9. „ჩრდილოეთის ნაკადი 2“–ის მშენებლობა დასრულდა
რუსული „გაზპრომის“ ხელმძღვანელმა ალეკსეი მილერმა პარასკევს, 10 სექტემბერს დილით განაცხადა, რომ მოსკოვის დროით 8:45 საათზე გაზსადენის „ჩრდილოეთის ნაკადი–2“ მშენებლობა დასრულდა.
10. Forbes: როგორ მოახერხა სინგაპურმა 81%-ანი ვაქცინაციის მიღწევა?
სინგაპური პანდემიის პირველ ტალღას წარმატებით გაუმკლავდა. 2020 წლის დასაწყისში ქალაქში, სადაც 5,7 მლნ. ადამიანი ცხოვრობს, დაინფიცირება მინიმალური იყო.