დღის Top 10 საინტერესო ამბავი

1.გაყიდვები დაახლოებით 80%-ით შემცირდა - ღვინის მაღაზიები დახურვის პირას არიან

გლობალური პანდემიის შედეგად, ტურისტების გარეშე დარჩენილი ბიზნეს სექტორი ყველაზე მძიმე მდგომარეობაში აღმოჩნდა. მსოფლიო ლოქდაუნმა ღვინის მაღაზიები დახურვის პირას მიიყვანა.

2.„ბაზისბანკის“ ზარალი სესხების შესაძლო დანაკარგებიდან 3-ჯერ გაიზარდა

ბანკების ფინანსური ანგარიშგებების 2020 წლის II კვარტლის მონაცემების მიხედვით, სს „ბაზისბანკის“ ზარალი სესხების შესაძლო დანაკარგების მიხედვით წინა წლის ანალოგიურ პერიოდთან შედარებით თითქმის 3-ჯერ გაიზარდა.

3.სკოლებში სწავლა 15 სექტემბერს განახლდება - რა რეგულაციების დაცვა იქნება აუცილებელი

2020-2021 სასწავლო წლის დაწყებასთან დაკავშირებით, განათლებისა და ჯანდაცვის სამინისტროებმა რეკომენდაციები შეიმუშავეს.

4.„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. ჯანდაცვის ექსპერტი სერგო ჩიხლაძე „კომერსანტთან“ საუბარში აღნიშნავს, რომ „საქართველოს ჯანდაცვის ჯგუფის“ ლონდონის საფონდო ბირჟიდან მოხსნა კომპანიის სურვილი ვერ იქნებოდა.

5.რუსეთმა შესაძლოა, ვაშლისა და ქლიავის იმპორტზე კვოტები დააწესოს - რა რაოდენობის პროდუქტი გადის საქართველოდან

რუსეთმა შესაძლოა, ვაშლისა და ქლიავის იმპორტზე კვოტები დააწესოს. სწორედ ამ მოთხოვნით მიმართეს ადგილობრივმა ფერმერებმა სოფლის მეურნეობის სამინისტროს. მათ აზრით, იმპორტირებული ხილის დიდი რაოდენობა, ადგილობრივი პროდუქციის ფასებს ამცირებს. ამის შესახებ ინფორამციას AgroTimes ავრცელებს.

6.ივლისში ფულადი გზავნილები 22.1%-ით გაიზარდა

2020 წლის ივლისში ქვეყანაში შემოსული ფულადი გზავნილების ნაკადების მოცულობამ 188.7 მლნ აშშ დოლარი (578.0 მლნ ლარი) შეადგინა, რაც 22.1%-ით (34.2 მლნ აშშ დოლარით) მეტია 2019 წლის ივლისის ანალოგიურ მაჩვენებელზე. ინფორმაციას ეროვნული ბანკი აქვეყნებს.

7.პანდემიის დროს ბორჯომის მხარეთმცოდნეობის მუზეუმმა 6000 ლარამდე იზარალა

ბორჯომის მხარეთმცოდნეობის მუზეუმმა კორონავირუსის პანდემიის გამო 5000-დან 6000 ლარამდე იზარალა.

8.თბილისში კვების ახალი უნივერსალური სივრცე იხსნება

თბილისში, ნინოშვილის ქუჩაზე ახალი „ცოცხალი“ სივრცე - „სატაცური“ გაიხსნა. პროექტი, რომელიც რესტორნის, კაფისა და ბარის კონცეფციებს აერთიანებს, მომხმარებლის მიღებას სექტემბრიდან დაიწყებს. ამ დროისთვის რესტორანი მიტანისა და თან წაღების სერვისებით ფუნქციონირებს.

9.ოკუპირებულ აფხაზეთში სასტუმროები 80%-ით უკვე დატვირთულია

რუსეთსა და ოკუპირებულ აფხაზეთს შორის საზღვრის გახსნის შემდეგ, არაღიარებული რესპუბლიკის მიმართულებით რუსი ტურისტების ნაკადი დაიძრა. 10 დღეში ფსოუს გამშვები პუნქტი ორივე მიმართულებით 300 000-მა ადამიანმა გადაკვეთა.

10.დასავლეთი ლუკაშენკოს სანქციებით ემუქრება

იმ დროს, როდესაც ბელორუსიაში ქვეყნის პრეზიდენტი უხეში ძალით პროტესტის ჩახშობას ცდილობს, ევროკავშირის საგარეო საქმეთა მინისტრები საგანგებო შეხვედრისთვის და ბელორუსული კრიზისის განსახილველად ემზადებიან.