„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

„ლონდონის ბირჟიდან თავისი სურვილით არავინ გადის, GHG-ში სერიოზული ფინანსური პრობლემებია“ - სერგო ჩიხლაძე

access_time2020-08-14 13:00:41

„საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით, ბირჟიდან მოხსნის შემდეგ ლიკვიდურობა შენარჩუნებულ იქნა, GHG კერძო კომპანია გახდა და მისი აქციები Georgia Capital-მა გამოისყიდა, რომელიც აქამდე „საქართველოს ჯანდაცვის ჯგუფის“ 70.6%-იანი წილის მფლობელი იყო.


ბოლო დღეებში ქართულ მედიაში საქართველოს საფონდო ბირჟის დირექტორი გიორგი ფარესიშვილის და რამდენიმე ექსპერტის მიერ გამოთქმული გამამართლებელი არგუმენტების მიუხედავად, რომ ეს ფაქტი ლოგიკური და ეკონომიურად სწორი გადაწყვეტილებაა, ჯანდაცვის ექსპერტი სერგო ჩიხლაძე „კომერსანტთან“ საუბარში აღნიშნავს, რომ „საქართველოს ჯანდაცვის ჯგუფის“ ლონდონის საფონდო ბირჟიდან მოხსნა კომპანიის სურვილი ვერ იქნებოდა.


„რეალურად პრობლემები არსებობს და სწორედ ამიტომ იქნა კომპანია ლონდონის ბირჟიდან მოხსნილი, იმის თქმა რომ ეს თავისი სურვილით მოხდა - არალოგიკურია. „საქართველოს ჯანდაცვის ჯგუფს“ სერიოზული ფინანსური პრობლემები აქვს, რომელიც ისედაც არსებობდა და ახლაც არის. როდესაც ასეთი ფაქტი ხდება, ეს მხოლოდ კომპანიის პრობლემა არ არის, ეს ნიშნავს იმას, რომ საქართველოს ჯანდაცვის სისტემა ქვეყნის გარეთ მყოფი ინვესტორებისთვის ნაკლებად მიმზიდველი ხდება. როდესაც სანდო პარტნიორი არ ხარ და არალიკვიდობის გამო შენი კომპანია ბირჟიდან იხსნება, თან პარალელურად ბევრი პრობლემა გაქვს, ასეთ ქვეყანაში ინვესტიციების ჩადების შესაძლებლობები კიდევ უფრო მცირდება.


ეს ჯანდაცვის სისტემის დიდი წარუმატებლობაა, თუმცა ჩვენს ხელისუფლებას პოლიტიკურად არ აწყობს ამ საკითხზე საუბარი, სწორედ ამიტომ დუმს.  გარდა ამისა, ჯანდაცვის ჯგუფის ხელმძღვანელის მამა ამირან გამყრელიძეა, ეს ბერკეტი აუცილებლად გასათვალისწინებელია, ვინაიდან, მას შეუძლია მოახდინოს ზეგავლენა იმაზე, რომ რაც შეიძლება ნაკლები ნეგატივი იყოს მისი შვილის კანტორის მიმართ“, - განმარტა სერგო ჩიხლაძემ.



2015 წელს, სწორედ ლონდონის საფონდო ბირჟაზე აქციების განთავსებით, GHG ჯგუფმა 100 მილიონი დოლარის მოცულობის ახალი კაპიტალი მოიზიდა, რომელიც სამედიცინო პერსონალის გადამზადებას და კლინიკების ტექნიკურ აღჭურვას უნდა მოხმარებოდა. თუმცა, როგორც სერგო ჩიხლაძე „კომერსანტთან“ საუბარში აცხადებს, დიდი ალბათობით, ეს თანხა არ მოხმარებია ინფრასტრუქტურის განვითარებას, ექთნების პირობების გაუმჯობესებას და მათ გადამზადებას, რადგან ხარისხთან დაკავშირებული პრობლემები დღის წესრიგში ისევ დგას.


„ზუსტად როგორ დაიხარჯა ეს თანხა ჯანდაცვის ჯგუფმა უნდა გაგვცეს პასუხი, მათ უნდა წარმოადგინონ ზუსტი ანგარიში. მაგრამ თუ ვიმსჯელებთ ფაქტებით, სამწუხაროდ, არც მკურნალობის ხარისხი და ექიმების პირობები გაუმჯობესებულა, არც ექიმები გადამზადებულან. დიდი ალბათობით, ასევე ვრცელდება ინფორმაცია, რომ ეს თანხა არ მოხმარებია ინფრასტრუქტურის განვითარებას, ექთნების პირობების გაუმჯობესებას და მათ გადამზადებას. ხარისხთან დაკავშირებული პრობლემები დღის წესრიგში ისევ დგას. ეს თანხა ძირითადად დივიდენდების გაცემას და მეწილეების ფინანსური ინტერესების დაკმაყოფილებას მოხმარდა. ძალიან საინტერესო და აუცილებელიცაა, ჯანდაცვის ჯგუფის ხელმძღვანელის განცხადება და ანგარიშის წარმოდგენა.


სულ რომ თავი დავანებოთ 100 მლნ-ის ინვესტირებას ან ბირჟის ამბავს, წლებია ვსაუბრობთ „ევექსზე“, როგორც ყველაზე მსხვილ მოთამაშეზე. ეს მონოპოლიური სისტემა ამცირებს ხარისხს და კონკურენციას, ფასებს კი ზრდის. აღნიშნული პრობლემა „ევექსის“ შიგნითაც არსებობს, შიდა პრობლემები წლებია გროვდება, მათ შორის ფინანსური. რა თქმა უნდა, 100 მილიონიც ვერ გადაფარავდა ამ პრობლემებს, მითუმეტეს, როცა მოზიდული კაპიტალი დივიდენდებს და მეწილეების ფინანსურ ინტერესებს ხმარდება და არა სისტემის გაჯანსაღებას. ზოგადად, მონოპოლიური სქემა, სულ უფრო და უფრო მეტ ფინანსურ რესურს მოითხოვს“, - განაცხადა სერგო ჩიხლაძემ.


„კომერსანტი“





უგულავა თუ ივანიშვილი, ვინ ფლობს კანაფის კულტივაციის პროექტს ურუგვაიში?

უგულავა თუ ივანიშვილი,  ვინ ფლობს კანაფის კულტივაციის პროექტს ურუგვაიში?
access_time2020-09-19 20:46:58
საქართველოს თანაინვესტირების ფონდის განცხადებით, "ქართული ოცნების" ლიდერ ბიძინა ივანიშვილს ურუგვაიში კანაფის კულტივაციის პროექტთან არავითარი კავშირი არ აქვს და მისი მფლობელი ბიზნესმენი თემურ უგულავაა. ფონდმა განცხადება დღეს ტელეკომპანია "პირველის" ეთერში გასული ანონსის შემდგომ გაავრცელა. მასში ნათქვამი იყო, რომ ბიძინა ივანიშვილი ურუგვაიში კანაფის კულტივაციის ბიზნესს ფლობს. "გვსურს, გამოვეხმაუროთ ტელეკომპანია "პირველის" ეთერში გასულ ანონსს, თითქოს ბატონი ბიძინა ივანიშვილი...

ერთადერთი გზა, რომლითაც გვარდება ზოგადად კორუფციის პრობლემა, არის რეგულაციის გაუქმება.

ერთადერთი გზა, რომლითაც გვარდება ზოგადად კორუფციის პრობლემა, არის რეგულაციის გაუქმება.
access_time2020-09-19 18:40:22
კორუფცია არსებობს მხოლოდ მაშინ როცა არსებობს ბიუროკრატია და ჩვენ ვართ ქვეყანა, რომელსაც ობიექტურად გვაქვს გამოცდილება კორუფციის დამარცხების, მაგალითად ბენდუქიძის დროს.როგორ დავამარცხეთ 2004-დან 2006 წლამდე კორუფცია? ვიღაცას შესაძლოა ჰგონია რომ ჩვენ იმ პერიოდში გვქონდა ისეთი პროკურატურა და სასამართლო, რომ ყველა ადამიანი ვინც ფულს აიღებდა აუცილებლად დაისჯებოდა. მაგრამ ასე არ მომხდარა. ქვეყანაში არსებობდა ათასი ლიცენზია და ნებართვა. კახა ბენდუქიძის რეფორმის შედეგად დარჩა...

Handelsblatt: 2050 წლისთვის 31 სახელმწიფო გაქრება

Handelsblatt: 2050 წლისთვის 31 სახელმწიფო გაქრება
access_time2020-09-19 20:00:45
2050 წლისთვის სივრცე, სადაც დღეს მილიარდზე მეტი ადამიანი ცხოვრობს, არსებობისთვის გამოუსადეგარი გახდება. ქარიშხლები, წყალდიდობები, წლის და სურსათის დეფიციტი - კვლევების თანახმად, ყველა ეს პრობლება 30 წლის მანძილზე მილიონობით კვადრატული კილომეტრის ტერიტორიას დააცარიელებს. საუბარი არ არის ჯუნგლებზე და უდაბნოებზე, სადაც ისედაც არავინ ცხოვრობს - პრობლემა მილიარდზე მეტი ადამიანის მიერ დასახლებულ სივრცეს ეხება. კლიმატის ცვლილება, კონფლიქტები, რესურსების...

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

Facebook და Ray-Ban გაფართოებული რეალობის სათვალეს 2021 წელს გამოუშვებენ

Facebook და Ray-Ban გაფართოებული რეალობის სათვალეს 2021 წელს გამოუშვებენ
access_time2020-09-20 10:00:21
ზუსტად ერთი წლის წინ დაიწყო საუბარი იმაზე, რომ Facebook AR (გაფართოებული რეალობის) სათვალეზე Ray-Ban-ის შემქმნელ კომპანიასთან ერთად მუშაობდა. რამდენიმე დღის წინ კი, კონფერენცია Facebook Connect-ზე, მარკ ზაკერბერგმა ოფიციალურად დაადასტურა, რომ Ray-Ban-ის შემქმნელ კომპანიასთან EssilorLuxottica თანამშრომლობით დამზადებული ჭკვიანი სათვალე 2021 წლისთვის გახდება ხელმისაწვდომი. The Verge-ის ცნობით, ფეისბუკმა დაადასტურა, რომ ეს სათვალე AR მოწყობილობად იქნება კლასიფიცირებული, თუმცა, მას ინტეგრირებული...


მსგავსი სიახლეები

up