დღის TOP 10 საინტერესო ამბავი:

1. იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა.

2. გაძვირდება თუ არა ბენზინი საქართველოში – ნავთობს $100–ს უწინასწარმეტყველებენ

ყატარში ჩატარებულ ეკონომიკურ ფორუმზე უმსხვილესი ნავთობკომპანიების ლიდერებმა, როგორებიცაა Exxon Mobil Corp, Royal Dutch Shell და Total განაცხადეს, რომ სექტორში ინვესტიციების უკმარისობის გამო, ნედლი ნავთობის ფასი, შესაძლოა, $100–მდე გაიზარდოს.

3. თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი.

4. გაცემული სესხების მოცულობით თიბისი საქართველოს ბანკს 900 მლნ ლარით უსწრებს

2020 წლის 31 დეკემბრის მდგომარეობით კომერციული ბანკების მიერ სულ 38.8 მლრდ-ის სესხი იყო გაცემული, საიდანაც საქართველოს ბანკის წილი 36%-ს, თიბისი ბანკის წილი კი 38.4%-ს შეადგენდა, ანუ ჯამში ორ უმსხვილეს ბანკზე გაცემული სესხებით თითქმის 3/4 მოდიოდა.

5. ხაზარაძე საშემოსავლო გადასახადის შემცირების ინიციატივით გამოდის

ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა.

6. Yandex საქართველოში გადაზიდვის ბაზარზე შემოვიდა – 256060–ს კონკურენცია არ აშინებს

„კომერსანტი“ ავეჯის გადაზიდვის კომპანიას 256060–ს დაუკავშირდა, კომპანიის დირექტორი ლუკა ხიზანიშვილი აღნიშნავს, რომ Yandex-ი ამ ეტპზე შედარებით ძვირი სერვისითაა წარმოდგენილი და ამ ეტაპზე მათგან კონკურენციას არ „უშინდებიან“.

7. პროექტი „შენი სახლი ჯიქიაზე“ 28-ე კორპუსით დასრულდება

კომპლექსი „შენი სახლი ჯიქიაზე“ 28-ე სახლის მშენებლობით  დასრულდება. კომერსანტს კომპანია „არსის“ გენერალურმა დირექტორმა ბესო ოთოროიძემ უთხრა, რომ ამ ეტაპზე ჯიქიას საცხოვრებელ კომპლესში 28-ე სახლის მშენებლობა მიმდინარეობს.

8. ბაზისბანკის შვილობილი კომპანია ბბ ლიზინგი მოგებით ბაზრის ლიდერია

ბაზისბანკის შვილობილი კომპანია ბბ ლიზინგი 2020 წლის ბოლოს შედეგებით 837 ათას ლარიან მოგებაზეა.

9. აფხაზეთი ახალი ენერგოკრიზისის მოლოდინშია

ოკუპირებულ აფხაზეთში ელექტროენერგიის შესაძლო გათიშვებზე ალაპარაკდნენ – ე.წ. პარლამენტის დეპუტატები მოელიან, რომ ინტენსიური ენერგომოხმარების გამო უკვე სექტემბერ–ოქტომბერში მოსალოდნელია ენერგოდეფიციტის ახალი ტალღა.

10. საქართველოს ბიზნეს ასოციაციის აღმასრულებელი დირექტორის მოადგილედ მარიანა მორგოშია დაინიშნა

საქართველოს ბიზნეს ასოციაციის აღმასრულებელი დირექტორის ახალ მოადგილეს, მარიანა მორგოშიას მრავალპროფილური, საჯარო და კერძო სექტორებში მუშაობის 20 წლიანი სამუშაო გამოცდილება აქვს. აღნიშნული გამოცდილება მოიცავს ჯანდაცვის მენეჯმენტის, პროექტების მართვის, საბანკო და სოფლის მეურნეობის მიმართულებებს.