ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა.

„თუ გვინდა რომ შემოსავალი გავზარდოთ, საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპ–ის საკმაოდ სერიოზულ დანამატს და შეოსავალს ქვეყნის ბიუჯეტში“, - განაცხადა მამუკა ხაზარაძემ.

მან „სტრატეგია აღმაშენებლის“ ლიდერის გიორგი ვაშაძის მიერ წარდგენილ ინიციატივასთან დაკავშირებით განაცხადა, რომ ბიზნესს საჩუქარი არ სჭირდება და მას მხოლოდ სერიოზული ეკონომიკური რეფორმა დაეხმარება.

„აქ გაიჟღერა, რომ კარგად იმართა პანდემია და თურმე ნასესხები ფული ყველაზე კარგად იქნა დარიგებული და შვება იგრძნო ხალხმა, მე მინდა გითხრათ, რომ ეს იყო ყველაზე ცუდი მენეჯმენტი, რაც შეიძლება ფინანსებთან დაკავშრიებთ ვინმემ ნახოს, არანაირი სტუმული ამას ადამიანებისთვის არ მიუცია გარდა იმისა, რომ პოლიტიკური გადაწყვეტილება მიიღეს, რომ 200 ლარით ვითომ გაგეჩუმებინათ ეკონომიკის ე.წ. ამბოხებული მონაწილეები.

ჩვენ გვაქვს ძალიან პატარა და ღარიბი ბიუჯეტი და ძირითადად მიდის ამ პატარა „ტორტის“ განაწილება და სულ იმაზეა საუბარი, ეს ღარიბი ბიუჯეტი როგორ გავანაწილოთ , არვინ არ ლაპარაკობს, როგორ გავზარდოთ ეს ბიუჯეტი და როგორ შევქმნათ დიდი „ტორტი“. ასეთი დამოკიდებულება ერთი მხრივ კრიზისის დროს კარგია, მაგრამ თუ ამას ეკონომიკური დასაბუთება არ აქვს, რა რესურსით ვაფინანსებთ ამას.  ბიზნესს საჩუქარი არ სჭირდება, ბიზნესს სხვა რაღაცა სჭირდება, სჭირდება ეკონომიკური სერიოზული რეფორმა და თავის თავს თვითონ მიხედავენ. 200 ლარს რომ თავისი თანამშრომლის ხელფასსზე ეკონომიას გააკეთებს, პირდაპირ გეუბნებით, რომ ამას სჯობია 200 მილიონად სხვა რამე გავაკეთოთ, რომ ამ ადამიანებს 750 ლარი კი არ ჰქონდეთ ხელფასი, არამედ 1500 ლარი ჰქონდეთ. ამიტომ გთავაზობთ, უფრო სხვა გამოსავალს, თუ გვინდა რომ შემოსავალი გავზარდოთ საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპს საკმაოდ სერიოზულ დანამატს და შეოსავალს ქვეყნის ბიუჯეტში. ამ პროექტში მზად ვარ ყველა დაინტერესებულ ადამიანთან ერთად სერიოზული შრომა გავწიო. ძალიან ბევრი ჩრდილი რომელიც ეკონომიკშია, გათეთრდება“, - განმარტა მამუკა ხაზარაძემ.