საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა აუცილებელია.

ირაკლი ღარიბაშვილმა აღნიშნა, რომ ქვეყანაში 300 000 ადამიანზე მეტი უმუშევარია, რაც შრომისუნარიანი მოსახლეობის 22%-ს შეადგენს, ხოლო რაც  შეეხება საარსებო შემწეობის მიმღებთა რაოდენობას, მათი რაოდენობა 153 000 ოჯახია, რაც ჯამში 550 000 ადამიანია მათგან 180 000 ბავშვია. ღარობაშვილის  თქმით  სწორედ ეს  ციფრებია იმის მაჩვენებელი, რომ ქვეყანას გრძელვადიანი განვითარების გაგმა სჭირდება, რომელიც თითოეული მოქალაქის კეთილდღეობას, თანასწორობას, ქვეყნის სტაბილურობას და უსაფრთხოებას  უზრუნველჰყოფს.

ქვეყნის გავითარების 10 წლიანი გეგმის ფარგლლებში პრემიერმა სხვადასხვა დარგის განვითარებაზე ისაუბრა:

1-ლი ივლისიდან სოციალურად დაუცველ ბავშვთა დახმარება გაორმაგდება და 50 ლარის ნაცვლად 100 ლარი გახდება.

„უწყვეტად ხორციელდება სოციალური პროგრამები და სერვისები სიღარიბისა და სოციალური რისკების შესამცირებლად. 1-ლი ივლისიდან სოციალურად დაუცველ ბავშვთა დახმარება გავაორმაგეთ და თითოეულ ბავშვზე 100 ლარი დავაწესეთ. ასევე იზრდება მოცვა - 100 000 ქულის ნაცვლად 120 000 ქულის მქონე ბავშვიანი ოჯახები მიიღებენ დახმარებას“, -  აღნიშნა ირაკლი ღარიბაშვილმა.

შემდეგი ინიციატივა, რომელიც  ირაკლი ღარიბაშვილმა  წარადგინა, არის იპოთეკის სუბსიდირება მრავალშვილიანი და იმ ოჯახებისთვის, ვისაც პირველი შვილი შეეძინებათ. აღნიშნული  ინიციატივის ბოუჯეტი, პრემიერის თქმით, 350 მილიონი ლარია.

„ჩვენ არ ვიფარგლებით მხოლოდ ბიზნესის პირდაპირი მხარდაჭერით და ვიწყებთ ახალ პროგრამას ოჯახებისთვის საცხოვრებელი ბინების შეძენის ხელშეწყობის მიზნით. კერძოდ, მრავალშვილიან ოჯახებს, ასევე ოჯახებს, რომელთაც შეეძინებათ შვილი, საშუალება ექნებათ, ისარგებლონ იპოთეკური სესხის სუბსიდირებით და ამით შეიქმნან და გაიუმჯობესონ საცხოვრებელი პირობები. აღნიშნული ინციატივების უზრუნველსაყოფად მიმდინარე და 2022 წლების პერიოდში 350 მლნ ლარზე მეტი რესურსის მობილიზება მოხდება“, - თქვა პრემიერმა.

ირაკლი  ღარიბაშვილის განცხადებით, საქართველოს  მთავრობა ბიზნესის ეფექტიან და  სწრაფ გაჯანსაღებას შეუწყობს ხელს და განსაკუთრებული ყურადღება  ადგილობრივ  წარმოებას, მცირე და საშუალო ბიზნესის განვითარებას დაეთმობა. 
ღარიბაშვილმა 10–წლიანი გეგმის წარდგენისას თქვა, რომ  პროგრამის „აწარმოე საქართველოს“  ფარგლებში 1300 ახალი საწარმო და 400 სასტუმრო დაფინანსდება, რისთვისაც ჯამურად 6 მილიარდი ლარი  იქნება გამოყოფილი.  

მისივე თქმით, მცირე და საშუალო ბიზნესის ტექნიკური მხარდაჭერის მიზნით, დაინერგება რეგიონული მხარდაჭერის მექანიზმი, რაც 10 რეგიონში ბიზნესცენტრების შექმნას გულისხმობს.

ამასთან, როგორც პრემიერმა სიტყვით გამოსვლისას აღნიშნა, მთავრობის ამოცანა უნდა იყოს, რაც შეიძლება მალე გაიზარდოს საერთაშორისო ინვესტორების რიცხვი ქვეყანაში.

ღარიბაშვილმა ასევე აღნიშნა, რომ საქართველოს მთავრობა მაისში ეკონომიკის 20%-იან ზრდას ელოდება და რომ განვლილი ურთულესი 2020 წლის შემდეგ საქართველოს ეკონომიკამ ზრდა დაიწყო.

აპრილში ჩვენ გვქონდა რეკორდული, 44.8%-იანი ზრდა. მაისში ჩვენ ველოდებით 20%-ზე მეტად ზრდას. მე არ მინდა მოვლენებს გავუსწრო, სტატისტიკური მონაცემები ძალიან მალე გამოქვეყნდება“, — აღნიშნა ირაკლი ღარიბაშილმა.

პრემიერი წიაღის სექტორში დასაქმებულ ადამიანებსაც შეეხო, მისი თქმით დთეს საქართველოში  წიაღის სექტორში 37 000 ადმიანია დასაქმებული, მისი თქმით წიაღის რეფორმის ეფექტური განხორციელების შედეგად 2030 წლისთვის  დამატებით 30 000 სამუშაო ადგილი შეიქმნება.

პრემიერმა აღნიშნა, რომ საქართველოს მთავრობის მთავარი მიზანი საგარეო ვაჭრობა უნდა იყოს.

„დღეს თავისუაფალი ვაჭრობის რეჟიმით  45 ქვეყანასა და ერთ საბაჟო ადმიანიტრაციულ  ერთეულთან ვსარგებლობთ, ჩვენ ვმუშოაბთ იმაზე, რომ ამას  მომდევნლო წელბის განმავლობაში 11 ქვეყანა დაემატოს, ასევე მინდა გითხრათ, რომ გრძელ;ვადიან პერიოდში  სააგენტო „აწარმოე  საქართველოში“  ექსპორტის განხორციელებაში. ექსპორტის განხორციელებაში. 2000 -ზე მეტ კომპანიას დაეხმარება. 

2012 წლს საქონლის ექსპორტი  2,4 მილირდ დოლარს შეადგენდა,  ეს  მაჩვენებელი 2020 წელს იყო 3,3 მილიარდი დოლარი და  ჩვენი ამოცანა  უნდა იყოს  რომ უახლოეს  წლებში  ექსპორტი 5 მილიარდი დოლარი გახდეს, აღნიშნა ირაკლი ღარიბაშვილმა.

რაც  შეეხება ტურიზმის მიმართულებას, პრემიერმა თქვა, რომ საქართველოს მთავრობის მიზანი, ყველა საქართველოს ტურისტულ რუკაზე მოწინავე  და განსაკუთრებული შთაბეჭდილებების ქვეყნად წარმოჩინება და ტურისტების რაოდენობის 13 მილიონამდე  გაზრდაა, რის  შედეგადაც  ქვეყანის ტურიზმიდან შემოსავალი 6,5 მილიარდამდე გაიზრდება.

რაც შეეხება  ჯანდაცვის მიმართულებას, პრემიერი ამბობს, რომ ქვეყნის მთავარი საზრუნავი ხარისხიანი  ჯანმრთელობა და მედიკამენტებზე  ხემისაწვდომობაა.

„ჩვენი მთავარი მიზანია სახელმწფო საკუთრებაში არსებული ჰოსპიტალური ქსელის გაძლირება, ჯანდაცვის სექტორში პერსონალის მოტვაციების ზრდა, არაგადამდები დაავადების გამოწვეული სიკვდილიანობის განახევრება და ტუბერკულიოზის და შიდსის შემთვეევბის  შეცირება. ასევე ჯანდაცვაზე ჯიბიდან გადახდები 47% -იდან  30%- მდე უდნა შემცირდეს.“ - აღნიშნა ირაკლი ღარიბაშვილმა.

მთავრობის მეთაურის შეფასებით, პრიორიტეტი სამხედრო მრეწველობის განვითარება უნდა იყოს. მისი თქმით მთავრობის გრძელვადიანი პრიორიტეტი ჯავშანსაწინააღმდეგო, საჰაერო თავდაცვის, საარტილერიო, დაზვერვისა და თვალთვალის, საინჟინრო შესაძლებლობების განვითარებაა

„უახლოეს მომავალში დელტას ბაზაზე, ებრაულ კომპანიასთან ერთად, დავიწყებთ ამერიკული M4-ის ტიპის შაშხანების წარმოებას. მომავალი წლიდან, საერთაშორისო პარტნიორებთან თანამშრომლობით, ვგეგმავთ უპილოტო საფრენი აპარატების წარმოებას ადგილზე, დელტას ბაზაზე. სამხედროების ბინებით უზრუნველყოფის ჩვენი პროექტის ფარგლებში, უკვე გაისად 1000-ზე მეტი სამხედრო მოსამსახურე მიიღებს ბინას და ეს პროცესი მომავალშიც გაგრძელდება. 2030 წელს ჩვენ გვექნება ეფექტიანი, თანამდეროვედ აღჭურვილი საბრძოლო ძალა, რომელიც შეძლებს ადეკვატურად მოახდინოს საფრთხეებზე დროული რეაგირება“, - განაცხადა ირაკლი ღარიბაშვილმა.