დღის Top 10 საინტერესო ამბავი:

1.Doctor Goods, Group Inn, KTW, ყვარლის ედემი - Bellingcat კორონავირუსთან დაკავშირებულ საჯარო ტენდერებში კორუფციაზე წერს

საერთაშორისო საგამოძიებო გამოცემა Bellingcat საქართველოში კორონავირუსთან დაკავშირებულ საჯარო ტენდერებში კორუფციაზე წერს. Bellingcat-ის ცნობით, პანდემიის პერიოდში, საგანგებო მდგომარეობის გამოცხადების შემდეგ საქართველოს მთავრობამ და ხელისუფლების წარმომადგენლებმა მათთან დაკავშირებულ პირებს და მმართველი პარტიის შემომწირველებს კონტრაქტები უკონკურენტოდ გაუფორმეს.

2.თბილისის ახალი სატრანსპორტო მასტერ-პლანი - პრიორიტეტი ფეხით მოსიარულე და საზოგადოებრივი ტრანსპორტია - თედო ისაკაძე

თბილისის საკრებულოს სატრანსპორტო საკითხთა კომისიის თავმჯდომარე თედო ისაკაძე სოციალურ ქსელში ჭავჭავაძის გამზირის ახალი სატრანსპორტო სქემის შესახებ პოსტს აქვეყნებს.

3.საპენსიო აქტივებს 68 მლნ-ის სარგებელი დაერიცხა

საპენსიო აქტივებმა 890 მილიონი ლარი შეადგინა, საიდანაც 1.7% ვადიან დეპოზიტებზე, 25.2% სარგებლიან ანგარიშებზე, ხოლო 73.1% სადეპოზიტო სერტიფიკატებშია ინვესტირებული. ინფორმაციას საპენსიო სააგენტო ავრცელებს.

4.თბილისში პირველი „ლუდის ბიბლიოთეკა“ გაიხსნა

ღვინის ბიბლიოთეკის“ ახალი ოფიციალური ფილიალი მირიან მეფის 20 ნომერში მდებარეობს. „ლუდის ბიბლიოთეკა“ მომხმარებელს ლუდის მრავალფეროვან არჩევანს სთავაზობს. მათ ფართო ასორტიმენტში განსაკუთრებული პოპულარობით ქვევრის ლუდი სარგებლობს.

5. მთავრობა „შტადლერის“ ქარხნის მშენებლობის მოლოდინშია

უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა.

6.ინდუსტრიული პარკები, IT ქალაქები - როგორ აპირებს 300 000 ადამიანის დასაქმებას გიორგი ვაშაძე

პოლიტიკურმა პლატფორმამ „სტრატეგია აღმაშენებელი“ საარჩევნო კამპანია ოფიციალურად გახსნა, პრემიერ-მინისტრობის კანდიდატად კი გიორგი ვაშაძე წარადგინა. გიორგი ვაშაძემ 5 მთავარი დაპირების შესახებ ისაუბრა, რომელიც სამუშაო ადგილების შექმნას, დაბალპროცენტიან სესხებს, ანტიმონოპოლიურ საბანკო სისტემას, მედიკამენტების გაიაფებას და მცირე და საშუალო ბიზნესის დამატებითი გადასახადისგან გათავისუფლებას გულისხმობს.

7.წაართმევს თუ არა აზერბაიჯანი საქართველოს „ტექნოლოგიური ჰაბის“ სტატუსს

„ციფრული ჰაბის“ სტატუსის მოსაპოვებლად აზერბაიჯანი საქართველოს დაუპირისპირდა. მონაცემთა გაცვლის ბაზები, ისეთმა ტექნოლოგიურმა გიგანტებმა, როგორებიცაა - Google, Amazon, Microsoft, Netflix, Facebook და Youtube, შესაძლოა აზერბაიჯანში განათავსოს.

8.ბანკები გადავადებულ პროცენტებს ერთბაშად ითხოვენ?!

კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის.

9.ევროპის უმსხვილესი ბანკი მოგების 65%-იან ვარდნას ვარაუდობს

HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს.

10.მოსკოვი კვიპროსის ოფშორებს რუსული ბიზნესისთვის ხურავს

რუსეთმა კვიპროსთან ორმაგი დაბეგრვის თავიდან არიდების თაობაზე შეთანხმების დენონსაციის პროცესი დაიწყო - ეს გადაწყვეტილება იმის შემდეგ იქნა მიღებული, რაც მოსკოვი და ნიკოსია ახალ წესებზე ვერ შეთანხმდნენ. ამის შესახებ ინფორმაციას რუსეთის ფინანსთა სამინისტრო ავრცელებს.