„ღვინის ბიბლიოთეკის“ ახალი ოფიციალური ფილიალი მირიან მეფის 20 ნომერში მდებარეობს. „ლუდის ბიბლიოთეკა“ მომხმარებელს ლუდის მრავალფეროვან არჩევანს სთავაზობს. მათ ფართო ასორტიმენტში განსაკუთრებული პოპულარობით ქვევრის ლუდი სარგებლობს.
რას სთავაზობს „ლუდის ბიბლიოთეკა“ მომხმარებელს, რა განასხვავებს ქვევრის ლუდს სხვა ანალოგიური ალკოჰოლური სასმელებისგან და როგორია ადგილობრივ ბაზარზე კონკურენცია - ამ და სხვა კითხვებით „კომერსანტი“ კომპანიის მენეჯერს ნინი გვასალიას ესაუბრა.
„რაც გავხსენით, ლუდის პირველი ობიექტია. 13 სახეობის ჩამოსასხმელი ლუდი გვაქვს, რომელთა შორისაც კრაფტ ლუდები და სხვა ქართული ლუდის მწარმოებელი კომპანიებიც არიან.
ასევე, ჩვენი ექსკლუზივია ქვევრის ლუდი, რომელზე მოთხოვნაც ძალიან დიდია და რომლის ანალოგიც თბილისში არავის აქვს. ჩვენი გაუფილტრავი ქვევრის ლუდი ფერმენტაციის, დადუღებისა და სხვა მოსამზადებელ პროცესებს უშუალოდ ქვევრში გადის. შედეგად, უფრო რბილი, ჰაეროვანი და სასიამოვნო არომატების მატარებელია.
სხვა ლუდის მაღაზიებთან შედარებით, ჩვენ უფრო დაბალი ფასები და ბევრი აქციები გვაქვს. შესაბამისად, დაინტერესებაც ძალიან მაღალია“, - განმარტავს „ლუდის ბიბლიოთეკის“ მენეჯერი ნინი გვასალია.
„ღვინის ბიბლიოთეკას“ თბილისში ორი ფილიალი აქვს, რომელიც ღვინის მოყვარულებს 800-მდე სახეობის ღვინოს სთავაზობს. კომპანისის მთავარ მიზანს ქართული ღვინის პოპულარიზაციას წარმოადგენს და მცირე მარნების განვითარების ხელშეწყობას ცდილობს.
მათი ახალი წამოწყება „ლუდის ბიბლიოთეკა“ სხვა ქართული წარმოების ალკოჰოლური სასმელის პოპულარიზაციის პირველი მცდელობაა და მიზნად ქართული ლუდის განვითარებას ისახავს.
ანი ცარციძე