HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს.
HSBC-ს ხელმძღვანელის ნოელ ქუინის განცხადებით ეს „აჩქარებს“ ადრეული რესტრუქტურიზაციის გეგმას, რომელიც 35 000 სამუშაო ადგილს მოიცავდა. ქუინის თქმით, ბიზნესის გასაძლიერებლად, ბანკი ასევე „დამატებით აქტივობებს“ გამოიკვლევს.
BBC-ის ინფორმაციით, ევროპის უმსხვილესი ბანკი წინა საგადასახადო მოგების 65 %-იანი წილის $ 4.3 მილიარდამდე შემცირებას აანონსებს.
ბანკის განცხადებით, უმოქმედო სესხებისთვის 8-დან 13 მილიარდ აშშ. დოლარამდე თანხაა გამოყოფილი, რადგან კორონავირუსის პანდემიის ფონზე უფრო მეტი ადამიანის თუ ბიზნესის დეფოლტია მოსალოდნელი.
ეკონომიკური ვარდნის შედეგების გათვალისწინებით, წინა წლის ბიუჯეტთან შედარებით, ეს ბევრად უფრო მაღალი მაჩვენებელია.
განსაკუთრებული წინაღობა HSBC-სთვის დაბალი საპროცენტო განაკვეთი აღმოჩნდა, რაც ბანკის მოგების ზღვარს საგრძნობლად ამცირებს.
ივნისში, დიდი ბრიტანეთის უმსხვილესმა ბანკმა განაცხადა, რომ რესტრუქტურიზაციის მიზნით სამუშაო ადგილების 35 000-ით შემცირებას გეგმავს.
მანამდე, ბანკმა აშშ-ს საცალო ოპერაციების შეწყვეტა ან გაყიდვა დაანონსა, რაც შესაძლოა 224 კაციანი ფილიალის 30%-ით შემცირებას მოიცავდეს.
წყარო bbc.com
მოამზადა ანი ცარციძე
HSBC
