დღის TOP 10 მნიშვნელოვანი ამბავი:

1. ფერმერები დღიური მუშახელის დეფიციტზე საუბრობენ

3 ტონა მოსავლის მისაღებად შინამეურნეობების მიერ გაწეული ხარჯი თითქმის 1000 ლარს აღწევს. მუშახელის დღიური ანაზღაურება 50-70 ლარის ფარგლებში მერყეობს.

2. რატომაა სესხები ძვირი და ვისი ბრალია – ბანკების თუ მთავრობის?

ადამიანებს ხშირად მოჰყავთ ევროპული ქვეყნების მაგალითი, სადაც სესხი 5-ჯერ და 6-ჯერ უფრო იაფია. პრობლემა კი სინამდვილეში ბევრად უფრო ღრმაა, ვიდრე კომერციული ბანკების დამფუძნებლების სიხარბე. ქვეყანაში, სადაც ინფლაცია 12%-ს აღწევს, ბანკი სესხს 5%-ში ვერ გასცემს.

3. გაკოტრება იურიდიულად კომპანიების 1%-საც არ აქვს გაფორმებული

ბიზნესის სამართლის იურისტი, ანალიტიკოსი აკაკი ჩარგეიშვილი აცხადებს, რომ covid-19-ის გამო ასობით ბიზნესი გაკოტრდა, მაგრამ არც ერთი შემთხვევა არ არის, რომ გაკოტრება ოფიციალურად გამოეცხადებინათ და ეს პროცესი შესაბამისი იურიდიული პროცედურების დაცვით დასრულებულიყო.

4. თბილისის ბრენდული სასტუმროები დატვირთულია, მცირე ობიექტები დახურულია

ზაფხულში თბილისის ბრენდული სასტუმროები სრული დატვირთვით მუშაობენ, ხოლო შედარებით პატარა სასტუმროებს ტურისტები არ ჰყავთ, ზოგიერთმა კი მუშაობა საერთოდ შეაჩერა.

5. საქართველოში ოქროს სამკაულების ფასი საერთაშორისო ტრენდს აცდენილია

გლობალურ ბაზრებზე, გარკვეული კორექტირების მიუხედავად, ოქროს ფასი კვლავ მაღალ ნიშნულზეა. რაც შეეხება ქართულ ბაზარს, როგორც ოქროს ბაზრის ექსპერტი, პროფესორი ხათუნა გაჩეჩილაძე აცხადებს, ფასები გლობალური ტენდენციებს ადეკვატურად ვერ ასახავს.

6. მევენახეებმა 2 მლნ ლარის დასეტყვილი ყურძენი გაყიდეს

რთველის საკოორდინაციო შტაბის 30 აგვისტოს მონაცემებით, 27 აგვისტოდან დღემდე, გადამუშავებულია 2 300 ტონამდე დასეტყვილი ყურძენი, რომელიც ღვინის საწარმოებს 600-მდე მევენახემ ჩააბარა - მათი შემოსავალი 2 მლნ ლარს აღწევს.

7. როგორ გახდა უმდიდრესი ქართველი ყაზახური Alibaba-ს შემქმნელი მიხეილ ლომთაძე

ლომთაძე საქართველოში დაიბადა და განათლებაც აქვე მიიღო. საქართველოში დააფუძნა აუდიტორული ფირმა GCG Audit, რომელიც მოგვიანებით Ernst & Young–ის შემადგენლობაში შევიდა. შემდეგ ლომთაძე ბიზნესის ადმინისტრირებაში მაგისტრის ხარისხის მისაღებად ჰარვარდში გაემგზავრა.

8. ფაუჩი სკოლის მოსწავლეების აცრის აუცილებლობაზე საუბრობს

ამერიკის წამყვანმა ექსპერტმა ინფექციური დაავადებების მიმართულებით, დოქტორმა ენტონი ფაუჩიმ კვირას განაცხადა, რომ მხარს უჭერს სკოლის მოსწავლეთა აუცილებელ ვაქცინაციას იმ ფონზე, რომ ქვეყანაში კოვიდინფიცირების მაჩვენებელი მაღალგადამდები „დელტა“ შტამის გამო იზრდება.

9. Die Zeit: რუსული გაზსადენი ევროპას ძვირი დაუჯდება

რუსულ გაზსადენ „ჩრდილოეთის ნაკადი-2“-ზე ბოლო წლების მანძილზე ძალიან ბევრს კამათობენ, ძირითადად პოლიტიკურ ჭრილში, თუმცა, ფართო საზოგადოებისთვის თითქმის შეუმჩნევლად, ამ პროექტის ირგვლივ მიმდინარეობს სულ სხვა, მაგრამ არანაკლებად დაუნდობელი ომი - სამართლებრივი.

10. „ნათლიმამის“ ავტორი ფრენსის კოპოლა ღვინის ბიზნესს ყიდის

გარიგების დეტალები ჯერ-ჯერობით უცნობია, წინასწარი ინფორმაციით, ღვინის მწარმოებელი Delicato მეღვინეობებს Francis Ford Coppola Winery და Virginia Dare Winery-ს და ასევე ვენახს სამხრეთ კალიფორნიის სოფელ სონომში იყიდის.