ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

access_time2018-01-16 18:30:22

6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს.


როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების წევრებთან დაკავშირებული კომპანიები იგებენ, სიმართლეს არ შეესაბამება.


როგორც სააქციო საზოგადოება „ჰიუნდაი ავტო საქართველოს“ გენერალური დირექტორი დავით გიორგობიანი „კომერსანტთან“ საუბრისას განმარტავს, კონკურენციის სააგენტომ საკითხი პოლიტიკურ ჭრილში არ უნდა განიხილოს.


 „ჩვენი მოთხოვნა არის, რომ კონკურენციის სააგენტომ შეთხზული ბრალდებებით შედგენილი სარჩელის საფუძველზე ქმედება არ დაიწყოს. საქმეს დიდი პოლიტიკური გამოხმაურება მოჰყვა და შეიძლება კონკურენციის სააგენტომ ამ მოტივით ჩათვალოს, რომ ამაზე განხილვა აუცილებლად უნდა დაიწყოს. განხილვის დაწყებას შეიძლება ძალიან ცუდი რეზონანსი მოჰყვეს“, - აცხადებს გიორგობიანი.


რაც შეეხება ე.წ. კარტელურ გარიგებებს, რაზეც „სიტროენ ჯორჯიას“ სარჩელშია საუბარი, რომ რამდენიმე კომპანიას შორის მსგავსი გარიგება არსებობს, დავით გიორგობიანი არასერიოზულ ბრალდებას უწოდებს.

 

 „ეს არის არასერიოზული ბრალდება, ისევე როგორც მთლიანად სარჩელი. „სიტროენ ჯორჯიას“ მიზანი რა იყო, არვიცი. ეს დროთა განმავლობაში გამოჩნდება, რა ჩანაფიქრი ჰქონდათ, ამაზე ვერ ვიმსჯელებ. მათ რომ ბიუჯეტზე გული არ შესტკივა, ეს ნამდვილად ვიცი“, - აღნიშნავს დავით გიორგობიანი.



მისივე თქმით, კომპანიებს იმედი აქვთ, რომ კონკურენციის სააგენტო სწორ გადაწყვეტილებას მიიღებს, წინააღმდეგ შემთხვევაში, თავის დაცვას ეცდებიან.


„ერთი კვირის განმავლობაში სააგენტომ უნდა მიიღოს გადაწყვეტილება საქმის დაუშვებლობის ან დაშვების შესახებ. თუკი დაშვებლად სცნობენ, ჩვენ და ის კომპანიები, რომლებმაც სარჩელი ჩვენთან ერთად შეიტანეს, თავის დაცვას დავიწყებთ. იმედი გვაქვს, რომ მთავრობა, რომელიც ბიზნეს არ „აწიოკებს“, მათ საქმიანობაში არ ერევა და ლოიალურად არის განწყობილი, ასეთ განხილვებს და ბიზნესზე დარტყმებს არ დაუშვებს“, - აცხადებს გიორგობიანი.


შეგახსენებთ, რომ მომღერალმა და ბიზნესმენმა გია გაჩეჩილაძემ, 12 დეკემბერს, კომპანია „სიტროენ ჯორჯიას“ წარმომადგენლებთან ერთად, პრესკონფერენცია გამართა და აღნიშნა, რომ ტენდერებს მხოლოდ ხელისუფლების წევრებთან დაკავშირებული კომპანიები იგებენ.


მათ კონკურენციის სააგენტოს მიმართეს, რომ შესყიდვის სფეროში ავტობიზნესის მხრიდან მოქმედებს კარტელური შეთანხმება და ამაში ბრალი 6 კომპანიას დასდეს:


1. სს ჰიუნდაი ავტო საქართველო - კორეული ავტოგიგანტის, - ჰიუნდაი მოტორ კომპანის ოფიციალური დისტრიბუტორი;

2. შპს ჯითი მოტორსი - ამერიკული ავტომწარმოებლის ფორდი-ს ოფიციალური წარმომადგენელი;

3. შპს სტრადა მოტორსი - იტალიური კონცერნის ფიატ-ის ოფიციალური წარმომადგენელი;

4. შპს იბერია ავტო - გერმანული მწარმოებლის, - ფოლკსვაგენის და შკოდას ოფიციალური წარმომადგენელი;

5. შპს კია მოტორს ჯორჯია - კორეული ავტოგიგანტის ოფიციალური წარმომადგენელი;

6. სს ფრანს ავტო - ფრანგული სახელმწიფო ავტომწარმოებლის, - რენო-ს ოფიციალური წარმომადგენელი.


ავტორი: თეონა კენჭიაშვილი




3000-მდე ევრო გერმანიის დატოვების სანაცვლოდ - რას სთავაზობს ოფიციალური ბერლინი საქართველოს მოქალაქეებს

person access_time2018-02-22 18:33:19
საქართველოს საგარეო საქმეთა სამინისტროს ინფორმაციით, გერმანიის მთავრობის და მიგრაციის საერთაშორისო ორგანიზაციის ურთიერთთანამშრომლობით ხორციელდება პროექტი: _ „REAG/GARP - Reintegration and Emigration Programme for Asylum-Seekers in Germany (REAG); Government Assisted Repatriation Programme (GARP). პროგრამა სამშობლოში ნებაყოფლობით დაბრუნების მსურველ, უცხო ქვეყნის მოქალაქეებს, მათ შორის საქართველოს მოქალაქეებს, მატერიალურ და არამატერიალ დახმარებას სთავაზობს. პროგრამის ფარგლებში...

„საფინანსო სექტორზე ესტონური მოდელი არ უნდა გავრცელდეს, ბანკებს დამატებითი პრეფერენციები არ სჭირდება“

person access_time2018-02-22 20:05:16
საფინანსო სექტორისთვის მოგების გადასახადის ე.წ. ესტონური მოდელი 2019 წლის ნაცვლად, 2023 წლიდან ამოქმედდება.  სფეროს ექსპერტთა ერთი ნაწილი მიიჩნევს, რომ აღნიშნული სექტორისთვის ესტონური მოდელის ამოქმედება საჭიროა და დადებით შედეგებს მოიტანს, თუმცა მეორე ნაწილი მიიჩნევს, რომ საფინანსო სექტორისთვის მსგავსი ხელშეწყობა საჭირო არ არის. როგორც  „ბიზნესპრესნიუსს“ ფინანსისტმა, არასაბანკო ფინანსურ...

„2012-2017 წლების მონაცემებით სატელევიზიო სარეკლამო შემოსავლები მზარდია“

person access_time2018-02-22 15:00:16
„2012-2017 წლების მონაცემებით სატელევიზიო სარეკლამო შემოსავლები მზარდია“ -ამის შესახებ საქართველოს კომუნიკაციების ეროვნული კომისიის   მიერ   გამოქვეყნებულ ანგარიშშია ნათქვამი.   ანგარიშის მიხედვით, 2017 წლის, ბოლო მონაცემის შესაბამისად, საქართველოში სულ 98 არხი მაუწყებლობს აქედან 21 ეროვნული ღია საეთერო სატელევიზიო მაუწყებელია. 2012 წლიდან დღემდე ამ სფეროში პოზიტიური დინამიკა ფიქსირდება და...

თბილისის გენგეგმაზე მომუშავე ჯგუფის დირექტორი - დოკუმენტში ძირეული ცვლილებები არ იქნება

person access_time2018-02-22 16:38:52
დედაქალაქის მიწათსარგებლობის გენერალურ გეგმაში ძირეული ცვლილებები არ იქნება, - ამის შესახებ მიწათსარგებლობის გენერალურ გეგმაზე მომუშავე ჯგუფის, „სითი ინსტიტუტ საქართველოს“ დირექტორმა მამუკა სალუქვაძემ განაცხადა.  სალუქვაძის განმარტებით, ძირეული შენიშვნები დედაქალაქის მერიას არ ჰქონია, ამიტომ გენგეგმაში ძირეული ცვლილებებიც არ იქნება.  „შენიშვნა თუ არ იწვევს ძირეულ ცვლილებას, ბუნებრივია, ეს არც იქნება. იქ იყო რიგი საკითხების დაზუსტებები, დაკონკრეტება და...

მაღალი ტარიფები თბილისის აეროპორტში - TAV Georgia Ryanair-ს პასუხობს

person access_time2018-02-22 13:55:32
„ყველა აეროპორტს აქვს თავისი საფასო პოლიტიკა, რომელიც ავიაკომპანიასთან მოლაპარაკების ერთ-ერთი მნიშვნელოვანი კომპონენტია“, - ასე ეხმაურება „ტავ ჯორჯია“ ავიაკომპანია Ryanair-ის  მიმართულებათა განვითარების ხელმძღვანელ  ნილ ოკონერმის განცხადებას იმასთან დაკავშირებით, რომ  საქართველოში შემოსვლას ამ ეტაპზე არ აპირებს და ამის ერთ-ერთ მიზეზად თბილისის აეროპორტში არსებულ მაღალ ტარიფებს ასახელებს.   „ტავ...


მსგავსი სიახლეები