ირაკლი კოვზანაძე - „ჩვენი მთავარი მიზანია ჯანსაღი, კონკურენტუნარიანი, გამჭვირვალე საფინანსო-საბანკო ბაზრის არსებობა, რომლის მიმართაც მოსახლეობას მაღალი ნდობის ხარისხი ექნება“

access_time2018-01-12 18:12:53

საქართველოს პარლამენტის საფინანსო საბიუჯეტო კომიტეტის თავჯდომარის ირაკლი კოვზანაძის განცხადებით, წლებია საქართველოს მოსახლეობის მხრიდან, ისევე როგორც ბიზნესის წარმომადგენლების მხრიდან ხშირად გაისმოდა პრეტენზიები კომერციული ბანკების და სხვა საკრედიტო დაწესებულებების საქმიანობასთან დაკავშირებით. უკმაყოფილებები ეხებოდა მომხმარებელთა უფლებების დაცვის ხარისხს, საბანკო დაწესებულებების და ე.წ. ,,საბანკო ჰოლდინგების მიერ ბაზარზე დომინანტურ მდგომარეობას, ასევე მიკროსაფინანსო ორგანიზაციების საქმიანობას.

 

 

გასული წლის დეკემბერის ბოლოს საქართველოს პარლამენტმა მრავალთვიანი განხილვის და მსჯელობის შედეგად მიიღო მთავრობის მიერ ინიცირებული კანონთა პაკეტი რომელიც აღნიშნული საკითხების მოწესრიგებას და დარეგულირებას ემსახურება. კანონის მიღებას წინ უსწრებდა პარლამენტის საფინანსო საბიუჯეტო კომიტეტის წიაღში დაახლოებით ექვს თვიანი სკურპულოზური მუშაობა, მსჯელობა, კამათი და პოზიციათა შეჯერება. პროცესში აქტიურად იყო ჩართული საქართველოს ეროვნული ბანკი. საქართველოს პრეზიდენტმა 11 იანვარს ხელი მოაწერა აღნიშნულ კანონებს.

 


ირაკლი კოვზანაძის განცხადებით - ,,მოცემული საკანონმდებლო აქტებით დარეგულირდება რამოდენიმე მიმართულება. კერძოდ:

 


• საკანონმდებლო დონეზე მოხდა ე.წ. ,,საბანკო ჰოლდინგს გამიჯვნა კომერციული ბანკებისაგან და საქართველოს ეროვნულ ბანკს მიეცა უფლებამოისილება და დაეკისრება პასუხისმგებლობა რეგულირება და ზედამხედველობა განახორციელოს არა მხოლოს ცალკე აღებულ საბანკო დაწესებულებაზე არამედმთლიანად იმ ,,ჰოლდინგზე თუ ფინანსურ ჯგუფზე რომელთანაც დაკავშირებვულია, აფილირებულია ესა თუ ის კომერციული ბანკი. სებ-ს მიეცა უფლება მიიღოს ნებისმიერი საჭირო ინფორმაცია, განახორციელოს კონსოლიდირებული ზედამხედველობა, აუცილებლობის შემთხვევაში მოთხოვოს ჯგუფში შემავალი ბანკის და სხვა იურიდიული პირების გამიჯვნა, გამოიყენოს ფინანსური თუ სხვა სანქციები;

 


• საკანონმდებლო დონეზე განისაზღვრა მიკროსაფინანსო და სხვა საკრედიტო ორგანიზაციების, ასევე იმ ორგანიზაციების რომლებიც ამა თუ იმ ფორმით მოსახლეობისგან მოიზიდავენ ფულად სახსრებს და გასცემენ სესხებს, საქმიანობის და რეგულირების ჩარჩოები. სებ-ს მიეცა ყველა საჭირო უფლებამსილება რათა ამ სფეროზე მან განახორციელოს ისეთივე პრინციპებით ზედამხედველობა, როგორსაც ის ანხორციელებს კომერციულ ბანკებზე. ანუ ეს სფეროც ეროვნული ბანკის სრული პასუხისმგებლობის ქვეშ გადავიდა.

 



• საკანონმდებლო დონეზე მოხდა კომერციული ბანკის მენეჯმენტის, აქციონერების, ადმინისტრატორების პასუხისმგებლობის განსაზღვრა, რათა მათ არ გამოიყენონ თანიანთი სამსახურეობრივი ინფორმაცია და მდგომარეობა საკუთარი ინვესტიციების, სხვა ბიზნესის, თუ ბანკთან პირდაპირ თუ ირიბად დაკავშირებული სხვა იურიდიული პირის პრივილეგირებულ მდგომარეობაში ჩასაყენებლად. ამ მიმართულებითაც სებ-ს მიეცა მთელი რიგი ინსტრუმენტები რათა განახორციელოს სათანადო კონტროლი.

 


საფინანსო-საბიუჯეტო კომიტეტის თავჯდომარის შეფასებით - ,,მოცებული კანონთა პაკეტი ემსახურება იმ მიზანს, რომ საფინანსო-საბანკო ბაზარზე კონკურენცია იყოს ჯანსაღი და გამჭვირვალე, მომხმარებელთა უფლებები იყოს დაცული, ყველას ერთნაირად, თანაბარ პირობებში ქონდეს წვდომა ფინანსურ რესურსებზე, კომერციული ბანკის აქციონერებმა, მენეჯერებმა, ადმინისტრატორებმა საკუთარი მდგომარეობა არ გამოიყენონ სხვათა საზარალოდ, გამოირიცხოს ბანკებთან აფილირებული სტრუქტურების პრივილეგირებულ მდგომარეობაში ჩაყენების პრაქტიკა, ხოლო მიკროსაფინანსო და სხვა საკრედიტო დაწესებულებების, ორგანიზაციების კლიენტურა იყოს იმავე დონეზე დაცული როგორც ეს კომერციულ ბანკებშია

 


,,საქართველოს პარლამენტის საფინანო-საბიუჯეტო კომიტეტი განახორციელებს მკაცრ და პერმანენტულ საპარლამენტო კონტროლს მოცემული კანონის აღსრულებაზე. ჩვენ სკურპულოზურად შევისწავლით იმ კანონქვემდებარე აქტებს რომლებსაც თავისი უფლებამოსილების ფარგლებში შეიმუშავებს ეროვნული ბანკი აღნიშნული მიმართულებებით, პერიოდულად მოვითხოვთ ინფორმაციებს და ჩავატარებთ საკომიტეტო მოსმენებს - აღნიშნავს ირაკლი კოვზანაძე.

 


,,კიდევ ერთხელ ვიმეორებ, რომ ჩვენი მთავარი მიზანია ჯანსაღი, კონკურენტუნარიანი, გამჭვირვალე საფინანსო-საბანკო ბაზრის არსებობა, რომლის მიმართაც მოსახლეობას მაღალი ნდობის ხარისხი ექნება - განაცხადა საფინანსო-საბიუჯეტო კომიტეტის თავჯდომარე ი. კოვზანაძემ.

 

 

 

 

 

 

 

 

 



დავით მესხიშვილი: მთაწმინდაზე მთლიანად ქედის დემონტაჟია დაგეგმილი

person access_time2018-02-23 19:20:53
თბილისში, ნინო ჟვანიას ქუჩაზე კლდეზე მიმდინარე სამუშაოების ამსახველ კადრებს არასამთავრობო ორგანიზაცია საქართველოს ტრანსპორტისა და გზების ასოციაცია ავრცელებს და განმარტავს, რომ მიმდინარე სამუშაოები საფრთხის შემცველია. ასოციაციის თავმჯდომარის, დავით მესხიშვილის განმარტებით, მთაწმინდის ქედის ნგრევის აქტიური სამუშაოები დაახლოებით 1 თვის წინ დაიწყო. ჩვენ გუშინ ადგილზე ვნახეთ ეს პროცესი და უკიდურესად მძიმე სიტუაცია, რადგან მეწყერსაშიში ზონებია და აქ...

მამუკა ხაზარაძე : „ანაკლია სითის“ განაშენიანების პრიორიტეტი საწარმოო, ლოჯისტიკური და სატრანსპორტო ინფრასტრუქტურის განვითარება იქნება

person access_time2018-02-23 18:30:51
 „ანაკლია სითიმ“ ანაკლიის ქალაქგეგმარებითი კონცეფციის კვლევის საერთაშორისო ტენდერში გამარჯვებული კომპანია BuroHappold Engineering-ი წარადგინა. კომპანიას დაევალება მოამზადოს ქალაქ ანაკლიის ეკონომიკური ანალიზი, პროექტის განხორციელებადობის კვლევა და გენერალური გეგმა. ღონისძიება, რომელსაც მთავრობის, დიპლომატიური კორპუსის და ბიზნესის წარმომადგენლები დაესწრნნენ, „ანაკლია სითის" დამფუძნებელმა, მამუკა ხაზარაძემ გახსნა.   როგორც "ანაკლია სითის" დამფუძნებელმა მამუკა...

აშშ რუსეთის სამხედრო-სამრეწველო კომპლექსის კომპანიებს ზღუდავს

person access_time2018-02-23 20:00:58
შეერთებული შტატები ყველანაირად ცდილობს, რომ „ამერიკის მტრების წინააღმდეგ სანქციებით ზემოქმედების“ კანონი (CAATSA) ეფექტური იყოს.  ამისათვის ქვეყნის მთავრობა მთელი მსოფლიოს მასშტაბით ცდილობს, ყველა დაარწმუნოს, რომ არ აწარმოონ ბიზნესი რუსეთის სამხედრო-სამრეწველო კომპლექსის და მასთან დაკავშირებულ კომპანიებთან. „მთელი მსოფლიოს მასშტაბით, ჩვენს ყველა მისიას დავუგზავნეთ შეტყობინებები. მათ უკვე ჩაუტარდათ ინსტრუქციები იმასთან დაკავშირებით, თუ როგორ უნდა...

დასანგრევია თუ არა ახალი შენობები - დეველოპერები სეისმოლოგებს და გეოლოგებს პასუხობენ

person access_time2018-02-23 17:12:52
სამშენებლო ბუმი, რომელმაც დედაქალაქი მთლიანად მოიცვა, შესაძლოა, დამანგრეველი აღმოჩნდეს.  გეოლოგები და სეისმოლოგები იმ საფრთხეებზე საუბრობენ, რომელიც შესაძლოა, ძლიერ მიწისძვრას მოჰყვეს. პრობლემა ქაოტური და უკონტროლო მშენებლობებია. სპეციალისტები ამბობენ, რომ ახლადაშენებული კორპუსების დიდი ნაწილი საშუალო დონის მიწისძვრასაც კი ვერ გაუძლებს. პრობლემა გეოლოგიური დასკვნაა, რომლეიც კორპუსის მშენებლობამდე გაიცემა. გეოლოგიური რევიზია აჩვენებს გრუნტის სახეობას,...

სარესტორნო ბიზნესის მთავარი გამოწვევა მომსახურების ხარისხია

person access_time2018-02-23 16:00:34
დღეს სარესტორნო  ბიზნესი საქართველოში სწრაფად განვითარებადი სფეროა, თუმცა მიუხედავად ასეთი მზარდი ტრენდისა, მომსახურების პრობლემა მაინც მთავარ გამოწვევად რჩება.  რატომ დგას ისევ კითხვის ნიშნის ქვეშ  სერვისი და ხარისხი? რა შეიძლება რესტორნის დახურვის მიზეზი გახდეს და რა უნდა გააკეთოს რესტორატორმა საკუთარი ნიშის მოპოვებისთვის, „კომერსანტი“ დეტალების გასარკვევად თავად რესტორატორებს დაუკავშირდა. როგორც გამოკითხულთა უმრავლესობამ ჩვენთან საუბარში აღნიშნა, ყოველწიურად იზრდება...


მსგავსი სიახლეები