„ანაკლია თბილისის კონკურენტი გახდება“ - „ანაკლია სითი“ რამდენიმე ათასი სამუშაო ადგილის შექმნას აანონსებს

access_time2018-01-08 11:50:00

ანაკლიის პორტისა და „ანაკლია სითის“ პროექტი ქვეყანაში დამატებით ასეულობით ახალ სამუშაო ადგილს შექმნის. მასშტაბურ პროექტის მშენებლობა მიმდინარე წლის 24 დეკემბერს დაიწყო და პირველი ფაზის დასრულება 2020 წელს იგეგმება.


როგორც „ანაკლია სითის“ აღმასრულებელმა დირექტორმა ქეთევან ბოჭორიშვილმა რადიო „კომერსანტის“ ეთერში აღნიშნა, ანაკლიის პორტი შეძლებს, რომ ხუთჯერ უფრო დიდი ტევადობის ტვირთები მიიღოს, ვიდრე დღეს იღებს ქვეყანა.


„საქართველოში ასეთი მასშტაბური პროექტის განხორციელების გამოცდილება არ არსებობს, ამიტომაც გვიწევს ძალიან დიდი შრომის გაწევა, რომ მოვიძიოთ საერთაშორისო კომპანიები, რომლებიც პროექტს შეუფერხებლად განახორციელებენ. პორტი უდიდეს შესაძლებლობებს გააჩენს. მაგალითად, 2021 წლიდან, როდესაც უკვე მშენებლობის მეორე ფაზა იქნება დაწყებული, პორტი 10 000 TEU-ს მოცულობის გემებს მიიღებს. დღეს კი საქართველოს მაქსიმუმ - 1500 TEU-ს მოცულობის გემის მიღება შეუძლია. შესაბამისად, სატრანზიტო მომსახურება გაიაფდება. ასევე, აქ იქნება უახლოესი ტექნოლოგიებით აღჭურვილი დანადგარები, რაც იმის გარანტიაა, რომ პორტის დაკეტვის დღეები მინიმალური იქნება, თითქმის 1% წლის განმავლობაში. ამ დროისთვის კი 40%-მდე ადის. აქედან გამომდინარე საქართველო საერთაშორისო პარტნიორებისთვის საიმედო ხდება“, - აცხადებს ბოჭორიშვილი.


მისივე თქმით, პორტთან ერთად, მნიშვნელოვანი იქნება „ანაკლია სითის“ პროექტი, რადგან ქალაქი ეკოლოგიური პრინციპების დაცვით გაშენდება.



„პორტზე უფრო დიდი პოტენციალი აქვს მიმდებარე ტერიტორიას, სადაც ჩვენ ინდუსტრიულ და ლოგისტიკურ ცენტრებს განვავითარებთ. აეროპორტის აშენება ჩვენი პირველი გეგმა იქნება. „ანაკლია სითი“ ფაზებად დაიყოფა. გრძლევადიან პერსპექტივაში ანაკლია სრულყოფილი ქალაქი იქნება, რომელშიც გაერთიანდება საცხოვრებელი სახლები, სასტუმროები, ბიზნეს ცენტრი, ჯანდაცვისა და საგანმანათლებლო დაწესებულებები. ჩვენი ამოცანაა, ქალაქი მწვანე და ეკოლოგიურ პრინციპებზე იყოს გაშენებული. არ გვაქვს ამბიცია, რომ მორიგი ბეტონის ქალაქი ჩავდგათ. ალტერნატიულ ენერგიებს და ინოვაციურ ხედვებს გამოვიყენებთ. „ჭკვიანი“ და „სმარტ სითის“ პრინციპებს გავითვალისწინებთ, რათა ტექნოლოგიებზე ადაპტირებული ქალაქი გვქონდეს“, - აღნიშნავს „ანაკლია სითის“ აღმასრულებელი დირექტორი.


ამასთან, ქეთევან ბოჭორიშვილის თქმით, „ანაკლია სითი“ ქვეყანაში დასაქმების პერსპექტივას და სამუშაო ადგილების რაოდენობას გაზრდის.


„პორტში რამდენიმე ასეული ახალი სამუშაო ადგილი შეიქმნება. გაზაფხულის ბოლოს მშენებლობა უფრო გააქტიურდება. ორი წელი გაგრძელდება ეს პროცესი, რომელიც შემდგომ წლებში მეორე ფაზის მშენებლობით გაგრძელდება. პორტის შემდეგ რამდენიმე ათასი სამუშაო ადგილი ინდუსტრიულ და ლოგისტიკურ ზონებშიც შეიქმნება. სამუშაო ადგილების ძებნა მხოლოდ დედაქალაქში აღარ მოუწევთ. გაჩნდება მეორე ალტერნატიული ქალაქი, სადაც ამისი პერსპექტივა იქნება. ანაკლია თბილისის კონკურენტი გახდება“, - აცხადებს ბოჭორიშვილი.



„კომერსანტი“




კონკურენციის სააგენტომ „სიტროენ ჯორჯიას“ საჩივარი დაუშვებლად ცნო

person access_time2018-01-24 11:12:43
კონკურენციის სააგენტომ შპს „სიტროენ ჯორჯიას საჩივარზე მოკვლევა არ დაიწყო და „სიტროენ ჯორჯიას საჩივარი სახელმწიფო ხელისუფლების ორგანოების მიერ კონკურენციის დარღვევასთან დაკავშირებით, დაუშვებლად ცნო.   აღნიშნულთან დაკავშირებით კონკურენციის სააგენტო განცხადებას ავრცელებს, რომელსაც „ინტერპრესნიუსი უცვლელად გთავაზობთ.   „2017 წლის 12 დეკემბერს, შპს „სიტროენ ჯორჯიამ კონკურენციის სააგენტოში წარმოადგინა საჩივარი, რომლის თანახმადაც, ყურადღება...

დავოსში მთლიანი შიდა პროდუქტის მაჩვენებლის ალტერნატივა მოიფიქრეს

person access_time2018-01-24 10:50:50
მსოფლიო ეკონომიკურ ფორუმზე, რომელიც დავოსში გაიხსნა, ქვეყნების ეკონომიკური განვითარების ალტერნატიული შეფასების სისტემაზე ილაპარაკეს. მას მთლიანი შიდა პროდუქტის (მშპ) უფრო თანამედროვე ანალოგს უწოდებენ. მშპ მთავარი ეკონომიკური მაჩვენებელია, რომლის მიხედვითაც განისაზღვრება ქვეყნის პოზიცია მსოფლიოში. მას ინკლუზიური განვითარების (Inclusive Development Index) ინდექსი (ან რეიტინგი) უწოდეს. ფორუმის ჩანაფიქრით, მისი მიზანი საზოგადოების ინფორმირება და მდგრადი და ინკლუზიური...

გიორგი კვირიკაშვილი - „კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა“

person access_time2018-01-23 21:10:07
კორუფცია არ უნდა განვიხილოთ, როგორც ცალკე გამოწვევა სხვა გამოწვევებს შორის, - ამის შესახებ საქართველოს პრემიერ-მინისტრმა გიორგი კვირიკაშვილმა დავოსის მსოფლიო ეკონომიკურ ფორუმზე გამართულ პანელზე გამოსვლისას განაცხადა.     პრემიერის თქმით, კორუფციის წინააღმდეგ ბრძოლა მოხდა რეფორმების სრული კომპლექსით, რომლებიც საქართველოს მთავრობამ გაატარა.     „საუბარია ეკონომიკის ღიაობაზე, როგორც სატარიფო, ისე არასატარიფო სავაჭრო ბარიერების...

გიორგი კვირიკაშვილი: ჩვენი ისტორიული ტერიტორიების ოკუპაცია დიდი პრობლემაა, რასაც კონსტრუქციული, პრინციპული მიდგომით უნდა გავუმკლავდეთ

person access_time2018-01-23 19:10:00
საქართველოს პრემიერ-მინისტრის გიორგი კვირიკაშვილის განცხადებით, უნდა მოიძებნოს რუსეთთან ისეთი ზონები და არეალი, რომელიც მომავალში შეიძლება გახდეს კონფლიქტების პოლიტიკური დარეგულირების პოზიტიური განხილვების დაწყების საფუძველი, ეს სფეროები შეიძლება იყოს ვაჭრობა, ტურიზმი, ჰუმანიტარული და კულტურული ურთიერთობები. ამის შესახებ საქართველოს პრემიერმა დავოსის მსოფლიო...

კორუფციულ გარიგებებში დადანაშაულებულ კომპანიას გზების დეპარტამენტმა ნახევარმილიარდიანი კონტრაქტები გაუფორმა

person access_time2018-01-24 09:50:24
კომპანია, რომელიც თაღლითურ გარიგებებშია მხილებული და „შავ სიაშია შეყვანილი, მის ერთ-ერთ პროექტს კი, „Transparency International-მა „კორუფციის მონუმენტი უწოდა, საქართველოს ცენტრალური ავტომაგისტრალის ერთ-ერთი მსხვილი მშენებელია.   საქართველოში ჩინურ კომპანია „სინოჰიდროს, 2010 წლიდან, რამდენიმე დიდი ტენდერი აქვს მოგებული და ავტომაგისტრალის მნიშვნელოვანი მონაკვეთებიც ააშენა. ის ამჟამად, სამტრედია-გრიგოლეთის შემოვლით გზას და ქობულეთის შემოვლით გზას აშენებს....


მსგავსი სიახლეები