669,1 მლნ ლარი 10 თვეში - კომერციული ბანკების მოგება ერთ წელიწადში 25,7%-ით გაიზარდა

access_time2017-11-21 09:00:48

ოქტომბერში კომერციული ბანკების წმინდა მოგება 37 299 000 ლარით გაიზარდა. შესაბამისად, 2017 წლის იანვარ-ოქტომბერში ბანკების წმინდა მოგებამ 669 114 000 ლარი შეადგინა, რაც 25,7%-ით, 136 988 000 ლარით მეტია წინა წლის ანალოგიურ პერიოდთან შედარებით. 2016 წლის იანვარ-ოქტომბერში კომერციულმა ბანკებმა 532 176 000 ლარის მოგება მიიღეს. 

 
ამასთან, სტაბილურად იზრდება ბანკების პროცენტული შემოსავალიც და 10 თვის მონაცემებით ეს მაჩვენებელი 2,2 მლრდ. ლარს ლარს შეადგენს. 2016 წლის იანვარ-ოქტომბერში კომერციული ბანკების პროცენტული შემოსავალი 1,9 მლრდ. ლარი იყო.



აღსანიშნავია, რომ კომერციული ბანკები ყველაზე დიდ შემოსავალს ფიზიკურ პირებზე გაცემული სესხებიდან იღებენ – იანვარ-ოქტომბერში ამ მაჩვენებელმა 1,2 მლრდ ლარი შეადგინა, იურიდიულ პირებზე გაცემული სესხებიდან შემოსავალი, თითქმის ორჯერ ნაკლებია და 701  მლნ ლარს შეადგენს. ასევე, მაღალ შემოსავალს იღებენ ბანკები არაპროცენტული შემოსავლებიდან, ამ მხრივ ბანკების საგებელმა 2017 წლის იანვარ-ოქტომბერში 1,3 მლრდ  ლარი შეადგინა.



როგორც ეროვნული ბანკის მონაცემებიდან ჩანს კომერციული ბანკების მოგების ზრდა უპირატესად დაკავშირებულია მოსახლეობიდან (ფიზ. პირები) მიღებულ შემოსავლებზე. ბანკების შემოსავლებში ასევე დიდი წილი უკავია ჯარიმებით, საურავებით, საკომისიოებით და სხვა არა არასაპროცენტო სახის ანუ არა კრედიტის გაცემიდან მიღებულ საგებელს. აღსანიშნავია, რომ კომერციული ბანკების მთლიან შემოსავლებში პროცენტული შემოსავალი 63,2%-ს შეადგენს, დანარჩენი კი არაპროცენტულ შემოსავალზე მიდის. 



რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა იანვარ-ოქტომბერში ბიუჯეტში 67 522 000 ლარი გადაიხადეს, ოქტომბერში კი მხოლოდ 2 400 000 ლარი.



„კომერსანტი“



მომავალი წლის ფინანსური პრიორიტეტები და მთავარი პროექტები - ინტერვიუ ფინანსთა მინისტრთან

person access_time2017-12-17 11:51:15
13 დეკემბერს პარლამენტმა 2018 წლის სახელმწიფო ბიუჯეტის პროექტი დაამტკიცა. გაირკვა, რომ მომავალ წელს მთავრობა 12...

სივრცის გაფართოება აივნის ხარჯზე - „თანამედროვე არქიტექტურა“ (ფოტო)

person access_time2017-12-17 11:00:32
დიდ მეგაპოლისებში მცხოვრებმა ადამიანებმა იციან, რომ ბინებში ადგილი არასაკმარისია და ყველა საშუალებას იყენებენ სივრცის გაფართოებისთვის. დიდ ქალაქებში კვადრატული მეტრის ღირებულება საკმაოდ ძვირია, ამიტომ ადამიანები ყიდულობენ მცირე ზომის ფართს.  პატარა ბინების მეპატრონეები ყველა ვარიანტს იყენებენ გაფართოებისთვის. ყველაზე პოპულარულია გაფართოება აივნის ხარჯზე. საბოლოო ჯამში, ასეთი „არქიტექტურული შედევრი“ შესაძლოა, ხელს უშლიდეს მეზობლებს და ასევე, ის საფრთხის შემცველი იყოს...

1 ლარად ნაჩუქარი ოფშორი საქართველოში ბიტკოინის მოპოვებისთვის

person access_time2017-12-17 13:00:39
...

ჯანდაცვის სამინისტრომ საყოველთაო ჯანდაცვის პროგრამის გადასარჩენად 40 მლნ გამოყო

person access_time2017-12-16 12:49:29
საყოველთაო ჯანდაცვის პროგრამის 660-მილიონიანი ბიუჯეტი ამოიწურა, რის გამოც სახელმწიფომ პროგრამის შეუფერხებელი ოპერირებისთვის დამატებითი ფინანსური რესურსი გამოყო. ფინანსთა სამინისტროს ხაზინის...

თბილისის მთავარი ნაძვის ხე საზეიმოდ განათდა (ფოტო)

person access_time2017-12-16 09:35:30
ქალაქის მთავარი ნაძვის ხე რუსთაველის გამზირზე 15 დეკემბერს თბილისის დროით ზუსტად 20:00 საათზე ქალაქის მერმა კახა კალაძემ...


მსგავსი სიახლეები