რატომ გახდა აუცილებელი საყოველთაო ტექდათვალიერების გადავადება? - მთავრობა პროცესში ინფრასტრუქტურულ ხარვეზს აღიარებს

რატომ გახდა აუცილებელი საყოველთაო ტექდათვალიერების გადავადება? - მთავრობა პროცესში ინფრასტრუქტურულ ხარვეზს აღიარებს

access_time2017-11-14 17:20:43

ეკონომიკის სამინისტრო ტექდათვალიერების ამოქმედებასთან დაკავშირებით დამატებით განმარტებას „კომერსანტთან“ აკეთებს. ტრანსპორტისა და ლოჯისტიკის განვითარების პოლიტიკის დეპარტამენტის ხელმძღვანელის ქეთევან სალუქვაძის ინფორმაციით, ტექდათვალიერების ამოქმედება მსუბუქი ავტომობილებისთვის არ გადავადებულა, უბრალოდ ვადები დაკორექტირდა. 


როგორც ცნობილია, ”საგზაო მოძრაობის შესახებ” კანონის გარდამავალი დებულებებიდან ამოღებულია ის მუხლი, რომლითაც საქართველოს ტერიტორიაზე ექსპლუატაციაში არსებული და რეგისტრირებული ყველა ავტოსატრანსპორტო საშუალება ახალი წლიდან სავალდებულო ტექდათვალიერებას ექვემდებარება.


სალუქვაძე განმარტავს, რომ მუშავდება გრაფიკი, რომლის მიხედვით, ორი წლის განმავლობაში ყველა ავტოსატრანსპორტო საშუალებას ტექნიკური ინსპექტირების გავლა მოუწევს.


„გადავადებით არაფერი არ გადავადებულა. როგორც აქამდე იყო საზოგადოებისთვის ცნობილი, ყველაფერი ისეა - 2018 წლის 1-ელი იანვრიდან პერიოდული ტექნიკური ინსპექტირება დაიწყება და შეეხება მთლიან ავტოპარკს. მისი სრული მოცვა 2 წლის განმავლობაში მოხდება. ნორმის ცვლილება არ მომხდარა. უბრალოდ, კანონპროექტიდან ამოღებულ იქნა შარშან შეტანილი ცვლილება, რომლითაც გაწერილი იყო, რომ 2018 წლის იანვრიდან მთლიანად პარკის დაფარვა მოხდებოდა“-აცხადებს სალუქვაძე.


მისი განცხადებით, ფიზიკურად შეუძლებელია 1.2 მილიონი დარეგისტრირებული ავტოსატრანსპორტო საშუალებისთვის ერთდრულად პერიოდული ინსპექტირების გავლა. როგორც სალუქვაძე აცხადებს, კანონში ცვლილებაც აქედან გამომდინარეობდა. მისი განმარტებით, პერიოდულობა გაწერილი იქნება ტექნიკურ რეგლამენტში, რომელიც მთავრობას აღნიშნული კანონპროექტის მიღების შემდეგ წარედგინება.


კითხვაზე, რატომ ვერ გათვალა მთავრობამ რეფორმის დაანონსების დროს ის, რომ ფიზიკურად შეუძლებელი იქნებოდა ყველა დარეგისტრირებული ავტოსატრანსპორტო საშუალებისთვის პერიოდული ინსპექტირების ერთდროულად გავლა, სალუქვაძე განმარტავს, რომ ეს ცვლილება შეტანილ იქნა დაახლოებით 1 წლის წინ. გარდა ამისა, მაშინ ცნობილი არ იყო ტესტირების რამდენი ცენტრი შეიძლებოდა ქვეყანაში ყოფილიყო.



„ახლა განხორციელებული კონსულტაციის საფუძველზე დღეს 26 ტესტირების ობიექტია, ორჯერ ამდენიც რომ იყოს, შეუძლებელია მოხდეს ყველა ავტოსატრანსპორტო საშუალების ერთდროულად მოცვა. დაკორექტირებაც ამიტომ მოხდა“, - აცხადებს სალუქვაძე.


რაც შეეხება იმას, თუ რატომ არის საჭირო მაინცდამაინც 2 წლიანი ვადა ტექდათვალიერების სრულად ასამოქმედებლად, სალუქვაძე ამბობს, რომ მსგავსი რეფორმის განსახორციელებლად, ზოგიერთ ქვეყანაში გაცილებით მეტი დრო დასჭირდათ. 


„მაგალითად, შვედეთში სავალდებული ტესტირება 15 წელია მიმდინარეობს. სხვა ევროპულ ქვეყნებში 5 წელიწადი იყო. როდესას ექსპერტებთან ერთად შევისწავლეთ როგორც ტესტირების ცენტრების რაოდენობა, ისე ქვეყანაში არსებული ავტოპარკი, მიზანშეწონილად მივიჩნიეთ, პროცესის 2 წლის განმავლობაში გაგრძელება. ეს გადაწყვეტილება რეფორმის მოწესრიგებულად განხორციელებისთვის იქნა მიღებული “-აცხადებს სალუქვაძე.

 

 

ავტორი: სოფო ქსოვრელი 



ბიძინა ივანიშვილი პოლიტიკაში დაბრუნდა

ბიძინა ივანიშვილი პოლიტიკაში დაბრუნდა
person access_time2018-04-26 13:01:39
„ყოფილი პრემიერ-მინისტრი ბიძინა ივანიშვილი დათანხმდა, რომ პარტია „ქართულ ოცნება - დემოკრატიულ საქართველოს უხელმძღვანელოს“, - ამის შესახებ დღევანდელ ბრიფინგზე საქართველოს პრემიერმა და პარტიის ამჟამინდელმა ლიდერმა გიორგი კვირიკაშვილმა განაცხადა.   „პირადად, ჩემი და მთელი გუნდის სახელით შევთავაზე და ვთხოვე ჩვენი პარტიის დამფუძნებელს, რომ სათავეში ჩაუდგეს პარტიას. მოხარული ვარ, რომ ბატონმა ბიძინა ივანიშვილმა თანხმობა განაცხადა, -...

ლონდონის ბირჟიდან მიღებული 100 მილიონი დილარი GHG-ში, რომელიც იაშვილის კლინიკის პრობლემებზე არ ასახულა

ლონდონის ბირჟიდან მიღებული 100 მილიონი დილარი GHG-ში, რომელიც იაშვილის კლინიკის პრობლემებზე არ ასახულა
person access_time2018-04-26 11:30:00
ერთი წლის და ორი თვის ნენე მოდებაძის ისტორიამ, კიდევ ერთხელ დააფიქრა საზოგადოება, რა ხდება ქვეყნის მთავარ პედიატრიულ საავადმყოფოში?   საქართველოში ალბათ არ არსებობს ოჯახი, რომელსაც ერთხელ მაინც არ მიუმართავს იაშვილის სახელობის  კლინიკისათვის, რომელიც ათეულობით წლების განმავლობაში, ერთ-ერთი მთავარი პასუხისმგებელი დაწესებულებაა ბავშვთა ჯანმრთელობაზე და რომელიც არცთუ იშვითად ხდება უკმაყოფილების ობიექტი. ერთი წლის წინ, იაშვილის კლინიკაში ორი...

ოქროს ბრენდის დაჯილდოვების ცერემონიალი 27 აპრილს გაიმართება

ოქროს ბრენდის დაჯილდოვების ცერემონიალი 27 აპრილს გაიმართება
person access_time2018-04-26 10:29:19
2018 წლის 27 აპრილს, საღამოს შვიდის ნახევარზე, სასტუმრო Hotels & Preference Hualing Tbilisi- ში კომპანია GLOBAL IDEA, The FINANCIAL, საქართველოს სავაჭრო სამრეწველო პალატის, საქართველო შვეიცარიის ბიზნეს ასოციაციის,ევროპის ფონდის,საერთაშორისო პალატის და მეწარმე ქალთა საბჭო საქართველოში მხარდაჭერით, ატარებენ რიგით მეცამეტე 2017 წლის რჩეული ბრენდების დაჯილდოვების ცერემონიას Golden Brand 2017.   მედიაში ბიზნესის ოსკარად წოდებული ოქროს ბრენდის დაჯილდოვების...

ამერიკელმა სენატორებმა უმსხვილესი ბანკებისაგან რუსი ბიზნესმენების ანგარიშების გამჟღავნება მოითხოვეს

ამერიკელმა სენატორებმა  უმსხვილესი ბანკებისაგან  რუსი ბიზნესმენების ანგარიშების გამჟღავნება მოითხოვეს
person access_time2018-04-25 20:00:00
ამერიკელი სენატორენი  მსოფლიოს უმსხვილეს ფინანსურ ინსტიტუტებს  მოუწოდებენ მათ და პუტინის გარემოცვაში შემავალ უმსხვილეს ბიზნესბემენს შორის არსებული კავშირები გაამჟღავნონ.   25 აპრილს სენატორებმა ჯოან შაინმა და შელდონ უაიტჰაუსმა გააგზავნეს შესაბამისი მიმართვები სამ უმისხვილეს ამერიკულ ბანკში - Bank of America Corp, JPMorgan Chase და Citibank-ში, ასევე რამდენიმე ევროპულში -  Barclays, Deutsche Bank, UBS, HSBC  და Credit...

კომერციულ ბანკებს ჯარიმები გაეზარდათ - დარღვევები რის გამოც ეროვნული ბანკი სანქციებს აამოქმედებს

კომერციულ ბანკებს ჯარიმები გაეზარდათ - დარღვევები რის გამოც ეროვნული ბანკი სანქციებს აამოქმედებს
person access_time2018-04-25 19:00:00
კომერციულ ბანკებს  დარღვევებზე ჯარიმები გაეზარდათ. ეროვნული ბანკის  ვიცე -პრეზიდენტის მურთაზ კიკორიას 24 აპრილის ბრძანებით ცვლილება „კომერციული ბანკების მიმართ ფულადი ჯარიმების განსაზღვრისა და დაკისრების წესის დამტკიცების შესახებ“ ბრძანებაში შევიდა. ახალი რედაქციით, საბანკო საქმიანობის ლიცენზიის ან ეროვნული ბანკის შესაბამის სამართლებრივ აქტზე თანდართული ნებისმიერი პირობის ან შეზღუდვის დარღვევის შემთხვევაში, ბანკს განსხვავებული ფულადი სანქია დაეკისრება, რაც დარღვევის სერიოზულობაზე,...


მსგავსი სიახლეები