„All Inclusive მხოლოდ რუს ტურისტებს ჩამოგვიყვანს“ - გაამართლებს თუ არა საქართველოს კურორტებზე All Inclusive სისტემა?

access_time2017-11-08 09:40:26

ქართველი ტურისტებისთვის საზღვარგარეთ მოგზაურობის დროს, All Inclusive სისტემა ყველაზე პოპულარულია, თუმცა საქართველოში სისტემა, რომელიც ერთ სივრცეში ტურისტისთვის საჭირო ყველა სერვისს მოიცავს და მას სასტუმროს გარეთ გასვლა აღარ უწევს, არ არსებობს.


იმ ქვეყნებში, სადაც All Inclusive სისტემა მოქმედებს, ტურისტების საკმაოდ დიდი რაოდენობა ჩადის, განსაკუთრებით ეს ეხება ზაფხულის ტურიზმს და ზოგადად ზღვაზე დასვენებას. ერთ-ერთი ასეთი არის მეზობელი თურქეთი. თუმცა თურქეთში უკვე გაჩნდა მოსაზრება, ამ სისტემის გაუქმებასთან დაკავშირებით. იდეეის ავტორი არის თურქეთის ვაჭრობისა და ხელოსნების კონფედერაციის ხელმძღვანელი ბენდევი პალანდოკენი, რომლის განცხადებით,  All Inclusive სისტემის ლიკვიდაციის შემთხვევაში ტურისტები გამოვლენ სასტუმროებიდან და სხვა აქტივობებით დაკავდებიან. „ტურისტები, განსაკუთრებით კი რუსები და გერმანელები, თურქეთს მხოლოდ აეროპორტსა და სასტუმროს შორის არსებულ გზაზე ნახულობენ“  აცხადებს პალანდოკენი.  თუმცა ჯერჯერობით  უცნობია,  გააუქმებს თუ არა თურქეთი აღნიშნულ სერვისს. 


საინტერესოა, ქართულ ბაზარზე რამდენად არსებობს მოთხოვნა და საჭიროება All Inclusive სისტემაზე და არის თუ არა შესაძლებელი ქვეყანაში მისი დანერგვა. როგორც „კომერსანტს“ ტურისტულ კომპანია „ინტერკოში“ განუცხადეს, ქვეყნისთვის All Inclusive სისტემის შემოღება ტურიზმისთვის დამღუპველი იქნება.


„ამ ეტაპზე საქართველოს სერვისის ნაწილში ისედაც ძალიან უჭირს. ამას კიდევ ეს სისტემა რომ დაემატოს, სერვისი კიდევ უფრო გაუარესდება. მაგალითად, თურქეთშიც ძირითადად ეს სისტემა რუსი ტურისტების მოსაზიდად შეიქმნა. ახლა კი ისინი ხვდებიან, რომ სხვა ბაზარი უფრო საინტერესოა, ვიდრე რუსული ბაზარი. ამის მაგალითზეც ჩანს, რომ All Inclusive სისტემის დანერგვა და მხოლოდ ერთი ან ორი ქვეყნის ტურისტებზე ორიენტირება სწორი არ იქნება. ჩვენ ეს არცერთ ეტაპზე არ გვჭირდება. ამით შემოსავლებს დავკარგავთ, ტურიზმისთვის კი დამღუპველი იქნება. თანაც, All Inclusive სისტემის შემოღება ქართულ ტურიზმში მხოლოდ რუს ტურისტებს ჩამოგვიყვანს“,  განუცხადეს „კომერსანტს“ „ინტერკოში“.


„ჯორჯია თრეველ გრუპში“ აცხადებენ, რომ უცხოელი ტურისტები ნაკლებად ინტერესდებიან იმით, საქართველოს All Inclusive სისტემა აქვს თუ არა.


„ჩვენთან ამ სისტემის დანერგვა მარტივი არ იქნება. ბათუმში რამდენიმე სასტუმრომ სცადა, მაგრამ წარუმატებლად დასრულდა. როცა ქვეყანაში წარმოება არ არის, მსგავსი სისტემის არსებობა ძალიან ძვირი სიამოვნებაა. ამ ეტაპზე არც გვაქვს ასეთი ტიპის სასტუმროები, როგორებიც მაგალითად აქვს თურქეთს, სადაც მთლიანად All Inclusive სისტემაა დანერგილი. ქართული ეკონომისთვის არ იქნება მომგებიანი, რომ ტურისტი ერთ ადგილას იჯდეს, იმის გარეთ არ გავიდეს და ფული არ დახარჯოს. ტურისტები  ჩვენს ქვეყანაში შემოსვლამდე, ზოგჯერ ინტერესდებიან გვაქვს თუ არა ეს სისტემა, თუმცა მასზე დიდი მოთხოვნა არ არის“,  აცხადებენ „ჯორჯია თრეველ გრუპში“.



ტურიზმის ეროვნული ადმინისტრაციის ყოფილი ხელმძღვანელი მაია სიდამონიძეც იზიარებს იმ პოზიციას, რომ All Inclusive სისტემა ქვეყნისთვის მომგებიანია არ იქნება.


„საქართველო არ არის მასიური ტურიზმისკენ მიმართული ქვეყანა და ამისი სურვილი არც უნდა გვქონდეს. პირიქით, აქცენტი უნდა ავიღოთ  განსხვავებული ტურისტული მიმართულების პროდუქტებზე, რომ მსოფლიო ტურისტულ ბაზარზე ჩვენი ნიშა დავიკავოთ.  All Inclusive სისტემით კი არ უნდა მოვიზიდოთ ტურისტები, არამედ ჩვენი ისტორიული, კულტურული თუ ბუნებრივი რესურსებით. აჭარის რეგიონში ამ სერვისის დანერგვა კლიმატური პირობებიდან გამომდინარე, გამორციხულია. თანაც All Inclusive უზარმაზარ ტერიტორიას და ინფრასტრუქტურას გულისხმობს. ქართული ბიზნესისთვის კი მომგებიანი არ იქნება“,  განუცხადა „კომერსანტს“ მაია სიდამონიძემ. 


„საქართველოს შემომყვან ტუროპერატორთა ასოციაციის“ თავმჯდომარე  ია თაბაგარი მიიჩნევს, რომ All Inclusive სისტემა შესაძლებელია თბილისისა და ბათუმის სასტუმროებში დაინერგოს, თუმცა  ბევრი რამ იქნება გასაკეთებელი.


„შეიძლება დედაქალაქმა და ბათუმმა ეს უფრო აიტანოს, მაგრამ სხვა დიდ ქალაქებსა და რეგიონებში თითქმის წარმოუდგენელია. All Inclusive სისტემა რომ შემოვიღოთ, ძალიან ბევრი რამე იქნება გასაკეთებელი. პირველ რიგში, შესაბამისი ტურისტული ინფრასტრუქტურა, ტრანსპორტი, სასტუმროს ნომრები. მაგალითად, ერთხელ შეზღუდული შესაძლებლობების მქონე ტურისტი გვყავდა. თბილისში რომ ჩამოვიყვანეთ, გაგვიჭირდა მისთვის შესაბამისი სერვისის გაწევა. შშმ პირებისთვის განკუთვნილი სპეციალური მიკროავტობუსი ვითხოვეთ. ქვეყნებისთვის, სადაც ეს სისტემა მოქმედებს, All Inclusive ჰუმანურობის დემონსტრაციის მოხდენას უფრო უკავშირდება, ვიდრე ეკონომიკურ ნაწილს“,  განაცხადა ია თაბაგარმა. 


განსხვავებული პოზიცია აქვთ „კავკასუს თრეველში“, რომლის დამფუძნებელი საბა კიკნაძე აღნიშნავს, რომ საქართველოში All Inclusive სისტემამ შესაძლოა, გაამართლოს: „ეს მოიზიდავს რუს, არაბ, პოლონელ ტურისტს, ვისაც მაგალითად, ბორჯომში, ბათუმში დასვენების დროს სასტუმროს გარეთ გასვლა არ სურს. ბორჯომის სასტუმროებს აქვთ ამისი პერსპექტივა, ასევე აჭარის რამდენიმე სასტუმროსაც და შეუძლიათ დანერგონ, თუკი შესაბამისი მოთხოვნა და საჭიროება გაჩნდება.“



ავტორი: თეონა კენჭიაშვილი

 

 

 

 

 




ქვეყნისთვის გარკვეული დამსახურების მქონე ადამიანების სოციალური დაცვა ქვეყნის ღირსების საქმეა

person access_time2018-01-17 10:30:05
დონატა პანჩენკო რამდენიმე წელიწადია თემქის ხანდაზმულთა პანსიონატში ცხოვრობს. ერთ დროს, მისი ცხოვრება რადიკალურად განსხვავებული იყო. ის ქართული ანიმაციის ერთ-ერთი პიონერია. “წუნა და წრუწუნას” ანიმატორი ახლა მოხუცთა თავშესაფარში ცხოვრობს და ამბობს, რომ სრულიად მარტოა. ​”რაზე უნდა ვიოცნებო? – ახალგაზრდა რომ ხარ, მაშინ ფიქრობ, სიყვარულზე, გათხოვებაზე და შვილზე. მე არავინ და არაფერი არ მაქვს, ჩემი თავის გარდა”, – ჰყვება დონატა...

თბილისის მერიაში, მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს

person access_time2018-01-17 09:00:00
თბილისის ვიცე-მერი ირაკლი ხმალაძე და მერის მოადგილე მაია ბითაძე სადისტრიბუციო კომპანიების წარმომადგენლებს შეხვდნენ. დედაქალაქის მერიის ცნობით, თბილისის მერიაში გამართულ შეხვედრაზე დედაქალაქში მოძრაობის განტვირთვის მიზნით სადისტრიბუციო მანქანების გადაადგილების შეზღუდვის საკითხზე იმსჯელეს. მაია ბითაძემ იმ ღონისძიებებზე ისაუბრა, რომელიც თბილისის მერიამ ქალაქში ტრანსპორტის სისტემის მოწესრიგებისა და საცობების შემცირების მიზნით უნდა განახორციელოს. მისი თქმით, მერია მზადაა, აქტიურად იმუშაოს...

„კრიპტოვალუტა ციფრული აქტივების ერთიანობაა“ - ქართული კომპანია კრიპტოვალუტაზე, რისკებსა და სამუშაო მექანიზმზე

person access_time2018-01-16 19:30:34
კრიპტოვალუტა ერთ-ერთი ყველაზე ხშირად გამოყენებადი სიტყვაა ფულით დაინტერესებული ადამიანებისთვის, განსაკუთრებით ბოლო თვეების მანძილზე. თემის აქტუალობამ კრიპტოექსპერტებისა და კონსულტანტების აუცილებლობა განაპირობა, ხოლო მაინინგი აქტიურად მოექცა საზოგადოების ინტერესის არეალში. ამ ყველაფრის პარალელურად, კრიპტოვალუტის გარშემო არის უამრავი კითხვა, რომელთაგან ხშირად დასმულ კითხვებს Bitforx-ის მარკეტინგისა და გაყიდვების დირექტორი, ნიკა ცოტნიაშვილი პასუხობს. — რა მექანიზმით...

ავტოიმპორტიორები VS „სიტროენ ჯორჯია“ - კომპანიები სარჩელის დაუშვებლად ცნობას ითხოვენ

person access_time2018-01-16 18:30:22
6  ბრენდული ავტომწარმოებლის ოფიციალური წარმომადგენლები საქართველოში კონკურენციის სააგენტოს განცხადებით მიმართავენ და „სიტროენ ჯორჯიას“ სარჩელის დაუშვებლად ცნობას თხოვენ. განცხადებას ხელს „ჰიუნდაი ავტო საქართველო“, ჯითი მოტორსი, „სტრადა მოტორსი“, „იბერია ავტო“, „კია მოტორს ჯორჯია“ და „ფრანს ავტო“ აწერს. როგორც განცხადებაშია აღნიშნული, „სიტროენ ჯორჯიას“ მიერ კონკურენციის სააგენტოში შეტანილი სარჩელი იმის შესახებ, რომ ტენდერებს მხოლოდ ხელისუფლების...

„საბანკო სექტორს კლიენტებთან მკაცრი მიდგომა აქვს, მთავრობა კი მას ხელს უწყობს“ - რატომ იზრდება გადახდისუუნარო მოსახლეობის რაოდენობა

person access_time2018-01-17 09:00:39
საქართველოში გადახდისუუნარო მოსახლეობის რაოდენობა ბოლო ორი თვის განმავლობაში მნიშვნელოვნად გაიზარდა. აღსრულების ეროვნული ბიუროს მონაცემებით, თუ 2017 წლის 20 ნოემბრისთვის აღსრულების ეროვნული ბიუროს, მოვალეთა რეესტრში 230 223-ს ჩანაწერი იყო, დღეს ეს მაჩვენებელი 234 958-ს შეადგენს. საქართველოს მოსახლეობის 6,3% რომ გადახდისუუნაროა, თსუ-ს ანალიზისა და პროგნოზირების ცენტრის დირექტორის ვახტანგ ჭარაიას შეფასებით იმაზე მიუთითებს, რომ მოსახლეობის ფინანსური...


მსგავსი სიახლეები