თბილისის მერი მიიჩნევს, რომ პეკინის ქუჩაზე ავტომობილებისთვის ცალმხრივი მიმართულების დაწესებამ გაამართლა

access_time2017-10-12 19:00:00

თბილისის მერი დავით ნარმანია მიიჩნევს, რომ საბურთალოს რაიონში პეკინის ქუჩაზე ავტომობილებისთვის ცალმხრივი მიმართულების დაწესებამ გაამართლა და ქუჩაზე მოძრაობა აბსოლუტურად თავისუფალია.

 


როგორც „სითი კვირას“ დავით ნარმანიამ განუცხადა, ამ დროისთვის პეკინის ქუჩაზე ავტომობილები 2-3 წუთში გადაადგილდებიან, მაშინ, როცა საცობების პირობებში 10-15 წუთს ანდომებდნენ.

 


„პეკინის ქუჩაზე, საავტომობილო ნაკადებისთვის ცალმხრივი მიმართულების დაწესების შედეგად მოძრაობა არის აბსოლუტურად თავისუფალი. ერთი მხრივ მოწესრიგდა გზის საფარი, მეორე მხრივ შუქნიშნები და  შესაბამისად მოძრაობა ცალმხრივმიმართულებიანი გახდა, ამან გამოიწვია ის, რომ პეკინის ქუჩაზე ავტომობილები 2 – 3 წუთში გადაადგილდებიან, მაშინ, როცა 10,15 წუთიც კი იყო საჭირო საცობების პირობებში. ამდენად, ექსპერიმენტმა ნამდვილად გაამართლა“, – განაცხადა ნარმანიამ.

 


მერის განმარტებით, შედეგად მცირედით დაიტვირთა კოსტავას ქუჩა, ხოლო შარტავას ქუჩაზე, წინა პერიოდებთან შედარებით, მნიშვნელოვნად შემცირდა სატრანსპორტო ნაკადები და გადატვირთულობა არ შეინიშნება.

 



„ამ ნაწილს ჩვენ ასევე ვაკვირდებით და შუქნიშნების რეგულირება ოდნავ განსხვავებული იქნება, რათა აქაც მდგომარეობა კიდევ უფრო გაუმჯობესდეს, მაგრამ არსებითი შეფერხება არა გვაქვს, პირიქით გაუმჯობესდა მოძრაობა“, – განაცხადა დავით ნარმანიამ.

 

 


აღსანიშნავია, რომ პეკინის ქუჩაზე ავტონაკადებისთვის ცალმხრივი მიმართულების დაწესება დღის წესრიგში მას შემდეგ დადგა, რაც, ზაფხულის პერიოდში ქუჩაზე მასშტაბური სარეაბილიტაციო სამუშაოები განხორციელდა. მუნიციპალური ტრანსპორტი ქუჩაზე კვლავ ორი მიმართულებით მოძრაობს, ამისთვის Bus Lane-ები დაიხაზა.

 

 

სითი კვირა

 

 

 

 

 



ნავენახევის მღვიმე პირველ ვიზიტორებს გაზაფხულზე მიიღებს (ფოტოები)

person access_time2018-01-22 19:50:56
ნავენახევის მღვიმე პირველ ვიზიტორებს გაზაფხულზე მიიღებს. დაცული ტერიტორიების სააგენტოს ინფორმაციით, მღვიმის ტერიტორიაზე აშენდა ვიზიტორთა ცენტრი, კაფეტერია და სუვენირების მაღაზია. ასევე, გამოიყო საგანმანათლებლო სივრცე, მოეწყო ტურისტული ბილიკი.   ნავენახევის მღვიმე...

ქარის და მზის ენერგიები, პროგნოზირებად მომავალში, ვერასოდეს გახდება ძირითადი ენერგიის წყარო

person access_time2018-01-22 17:30:19
 ქარის და მზის ენერგიები პროგნოზირებად მომავალში, ვერასოდეს გახდება ძირითადი ენერგიის წყარო, - საქართველოს ენერგეტიკისა და წყალმომარაგების ეროვნული კომისიის (სემეკი) ელექტროენერგეტიკული დეპარტამენტის დირექტორის მოადგილე, ზვიად გაჩეჩილაძე GBC-სთან  განახლებადი ენერგიების  პოტენციალს...

„ირანიდან გაზრდილი მოთხოვნის გამო, საექსპორტო ცხვრის ფასმა მოიმატა“

person access_time2018-01-22 16:30:07
ქართულ ცხვარს რეალიზაციის და ექსპორტზე გატანის პრობლემა აღარ აქვს. სექტორის წარმომადგენლები არანაკლებ სირთულეს   რუსეთიდან შემოსულ ცხვარში ხედავენ, რომელიც საქართველოში იკვლება და ირანში ქართული ხორცის სახელით გადის. როგორც „კომერსანტს“  „მეცხვარეთა ასოციაციის  თავმჯდომარე  ბექა გონაშვილმა განუცხადა, საქართველოდან გასული ცხვრის ქართული და რუსული ხორცი უნდა გაიმიჯნოს, რადგან ექსპორტიორი ქვეყანა შეცდომაში...

Wall Street-ის ანალიტიკოსი: ბიტკოინის ფასი 90%-ით გაუფასურდება

person access_time2018-01-22 20:30:51
Bleakley Advisory Group-ის საინვესტიციო ოფიცერი, პეტერ ბუკვარი კრიპტოსამყაროს მასიურ ვარდნას პროგნოზირებს. მისი განცხადებით, კრიპტოსამყარო მასიური საპნის ბუშტია, რომლის გასკდომის დროც ახლოვდება.   „როდესაც რაიმე ასეთი ტიპის პარაბოლას ემსგავსება, ის აუცილებლად უბრუნებდა იმ საწყისს, საიდანაც პარაბოლამ ზრდა დაიწყო,“ განაცხადა მან CNBC-სთან საუბრისას.   ბუკვარის ვარაუდით, არსებობს რეალური საფრთხე, რომ ბიტკოინის ღირებულება 90%-ით გაუფასურდება. „ნამდვილად არ...

EBRD-მა ნენსკრაჰესის დაფინანსებაზე გადაწყვეტილების მიღება გადაავადა

person access_time2018-01-22 15:00:04
ევროპის რეკონსტრუქციისა და განვითარების ბანკმა (EBRD) ნენსკრაჰესის დაფინანსებისთვის $214 მილიონის სესხის გამოყოფაზე საბოლოო გადაწყვეტილების მიღების თარიღი 2017 წლის 31 იანვრამდე გადაავადა.   EBRD-ის პრეზიდენტმა სუმა ჩაკრაბარტიმ ნენსკრაჰესის დაფინანსებაზე თანხმობა 2015 წლის 12 მაისს, თბილისში გამართული EBRD-ის ფორუმის ფარგლებში განაცხადა. მას შემდეგ ბანკი პროექტის გარემოზე ზეგავლენის ტექნიკურ დეტალებს სწავლობს. თავდაპირველი გეგმის მიხედვით, ჰესს ელექტროენერგიის...


მსგავსი სიახლეები