ხელისუფლება ხე-ტყის უკანონო ჭრის პროცესს ვერ აჩერებს - 9 თვეში 1100 უკანონო ფაქტი გამოვლინდა

access_time2017-10-02 10:40:08

ხე-ტყის უკანონო ჭრა ქვეყანაში კვლავ პრობლემად რჩება. ამაზე შესაბამისი სტატისტიკაც მეტყველებს - გარემოსდაცვითი ზედამხედველობის დეპარტამენტის ინფორმაციით, მიმდინარე წლის სექტემბრის ჩათვლით, მათ მიერ უკანონოდ ტყითსარგებლობის 1100-ზე მეტი ფაქტი გამოვლინდა. უკანონოდ მოპოვებული ხე-ტყის მოცულობამ  კი 9780,97 მეტრკუბი შეადგინა.

 

პრობლემაზე პარლამენტის გარემოსა და ბუნებრივი რესურსების დაცვის კომიტეტის წევრი გიორგი გაჩეჩილაძეც საუბრობდა, რომელმაც „კომერსანტთან“ საუბრისას აღნიშნა, რომ ტყეში რეინჯერების რაოდენობა არასაკმარისია, რაც პრობლემის ერთ-ერთი სათავეა.

 

როგორც „კომერსანტს“ გარემოსდაცვითი ზედამხედველობის დეპარტამენტის მთავარმა სახელმწიფო ინსპექტორმა ნელი კორკოტაძემ განუცხადა,  ტყეს ეროვნული სატყეო სააგენტოსთან ერთად აკონტროლებენ, თუმცა რეინჯერების რაოდენობა არასაკმარისია.

 

„არის ადგილები, სადაც რეინჯერების საკმარისი რესურსი არ არის. შესაძლებელია რეინჯერს ჰქონდა გარკვეული ფართობი გასაკონტროლებელი, რომლის ფიზიკურ დაცვას მხოლოდ ერთი ადამიანი ვერ უზრუნველყოფს. ამასთან, გეოგრაფიული მდებარეობის კუთხით, ტყეს შეიძლება რამდენიმე გამოსასვლელი ჰქონდეს და ყველა გასასვლელი ვერ გაკონტროლდეს. დიახ, რეინჯერების რაოდენობა საკმარისი უნდა იყოს“, - აღნიშნა კორკოტაძემ.

 

მისი თქმით, წლიდან წლამდე არაერთი არარეგისტრირებული სახერხი საამქროს გამოვლენა და მათთვის წარმოების უფლების შეჩერება ხდება. განსაკუთრებით ხშირი შემთხვევები სამცხე-ჯავახეთის რეგიონში ფიქსირდება.

 

„სამცხე-ჯავახეთში არალეგალური სახერხი საამქროების არსებობის განსაკუთრებით ბევრი ფაქტი ფიქსირდება. ასეთ საამქროებს რომ გამოვავლენთ, შემდეგ უკვე მათი დემონტაჟი ხდება და სახელმწიფო საკუთრებაში გადადის. არის შემთხვევები, როდესაც უკანონო საამქროები ჩვენი რეაგირების შემდეგ, რეგისტრირდებიან და კანონის ფარგლებში მუშაობას განაგრძობენ. ჩვენ ასევე მკაცრად ვაკონტროლებთ რეგისტრირებულ საამქროებს“, - განაცხადა კორკოტაძემ.

 

რაც შეეხება პრობლემის გადაჭრის გზებს, ნელი კორკოტაძე განმარტავს, რომ სახელმწიფო თვითდამზადების მეთოდზე უნდა გადავიდეს: “ტყის ჭრა და შემდგომ მისი განკარგვა თავად სახელმწიფომ უნდა განახორციელოს. ამით ტყეს დავიცავთ და ბუნებრივი რესურსებისთ სარგებლობა უფრო კვალიფიციურად მოხდება. შემთხვევითი პირები ტყეში ვერ მოხვდებიან. ამჟამად ადამიანები სოციალური ჭრის ფარგლებში შედიან ტყეში. ყველა ადამიანთან მაკონტროლებელი ორგანო ვერ დადგება. როცა სახელმწიფო განკარგავს, იქ მხოლოდ უფლებამოსილი პირები შევლენ.“

 

„კომერსანტი“ პრობლემის შესახებ ეროვნულ სატყეო სააგენტოსაც დაუკავშირდა, რომელიც ასევე ახორციელებს ტყის კონტროლს. როგორც სააგენტოს უფროსის მოადგილე ირაკლი გოდუაძე აღნიშნავს, ხე-ტყის უკანონო ჭრის პრობლემის გადაჭრის მიზნით, მათ ხე-ტყის თვითდამზადება უკვე დაწყებული აქვთ. ასევე, მომავალი წლიდან ტყის მცველების რაოდენობის გაზრდას აპირებენ.

 

„ჩვენ ეტაპობრივად  ჭრებს უკვე ვახორციელებთ. ზოგან საგანმანათლებლო დაწესებულებების შეშით მომარაგება. შემდეგ წლებში დანარჩენ საბიუჯეტო ორგანიზაციებს მოვამარაგებთ, შემდეგ ეტაპზე კი მთლიან მოსახლეობაზე გადავალთ. ტყის მცველების რაოდენობას ყოველ წელს ვზრდით და მომავალ წელს 120-ს დავამატებთ, რომ უკანონო ტყითსარგებლობა მაქსიმალურად შევამციროთ“, - აღნიშნა გოდუაძემ.

 

რაც შეეხება კანონმდებლობის მეტად გამკაცრების საკითხს, ირაკლი გოდუაძის თქმით, ეს მსჯელობის საგანია, თუმცა უკანონო ჭრის ფაქტების შესამცირებლად უფრო მკაცრი სამართლებრივი რეაგირება შესაძლებელია. 

 

ავტორი: თეონა კენჭიაშვილი

 



„ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს“

person access_time2017-12-15 15:30:48
საქართველოს ბიზნესომბუდსმენის აპარატს მიაჩნია, რომ ავანსის დღგ-ით დაბეგვრა მაღალი საგადასახადო რისკის მქონე დარგებზე უნდა გავრცელდეს. „ანალიტიკასთან" ინტერვიუში ზურა ძნელაშვილი აცხადებს, რომ 2016 წლის ბოლოსაც, როცა ამ სისტემის დანერგვის შესახებ ბიზნესმა მოულოდნელად გაიგო, ბიზნესომბუდსმენის აპარატმა, საქართველოს ბიზნეს ასოციაციის მიმართვის საფუძველზე, პარლამენტს და აღმასრულებელ შტოებს ავანსის დღგ-ით დაბეგვრის სისტემის მინიმუმ 1 წლით გადავადების თხოვნით მიმართა, მაგრამ...

ნოემბერში ფულადი გზავნილები 24,8%-ით გაიზარდა

person access_time2017-12-15 14:42:40
2017 წლის ნოემბერში ქვეყანაში შემოსული ფულადი გზავნილების ნაკადების მოცულობამ 122.1 მლნ აშშ დოლარი, ანუ 326.3 მლნ ლარი შეადგინა, რაც 24.8 პროცენტით (24.3 მლნ აშშ დოლარით) მეტია 2016 წლის ნოემბრის ანალოგიურ მაჩვენებელზე. საქართველოს ეროვნული ბანკის ინფორმაციით, უცხოეთიდან საქართველოში ფულადი გზავნილების 92.3 პროცენტი იმ 14 უმსხვილეს დონორ...

„ბილაინი“ მომხმარებელს საახალწლოდ, ყველაზე მოთხოვნად მომსახურებას - ულიმიტო ინტერნეტს სთავაზობს

person access_time2017-12-15 13:40:32
კომუნიკაციებისა და ტექნოლოგიების კომპანია ბილაინი მომხმარებელს საახალწლოდ, ყველაზე მოთხოვნად მომსახურებას, ულიმიტო ინტერნეტს სთავაზობს.  16 - 24 დეკემბრის ჩათვლით ბილაინის მომხმარებლებს, შესაძლებლობა ექნება, მხოლოდ 15 ლარად გაიააქტიუროს ულიმიტო, უსწრაფესი ინტერნეტი. მომსახურების ჩართვა შესაძლებელია როგორც ბილაინის მობილური აპლიკაციის „My beeline Georgia “ ს ასევე ვებ გვერდის Beeline.ge და VEON აპლიკაციის საშუალებით....

TI: სსმ-ს სარეკლამო ბაზარზე შემოსვლა მნიშვნელოვნად დააზარალებს კერძო ტელევიზიებს

person access_time2017-12-15 13:50:59
„საერთაშორისო გამჭვირვალობა-საქართველო” საზოგადოებრივი მაუწყებლის საქმიანობის კვლევის შედეგებს აქვეყნებს. კვლევის მიზანია, ახალი მენეჯმენტის პირობებში მაუწყებელში მიმდინარე პროცესების შესწავლა და არსებული გამოწვევების დადგენა. კვლევის ფარგლებში გამოიკვეთა მთელი რიგი პრობლემური საკითები: „მაუწყებლობის შესახებ” კანონში მეორე მოსმენით დამტკიცებული ცვლილებები მედიაგარემოზე უარყოფითად აისახება;...

კომერციული ბანკების მიმართ საჩივრები გაიზარდა

person access_time2017-12-15 11:40:13
„საჭიროა, მომხმარებელმა მანამ მიმართოს მარეგულირებელს, სანამ კრედიტს აიღებს, მერე უკვე ძნელდება მისი დაცვა“ საფინანსო ორგანიზაციების მიერ დაზარალებულ მსესხებელთა რაოდენობა საკმაოდ მაღალია. როგორც გაზეთი „რეზონანსი“ წერს,  ამის მიზეზი ხშირ შემთხვევაში მოსახლეობისთვის არასაკმარისი ინფორმაციის მიწოდება და ბანკებისა თუ მიკროსაფინანსოების მიერ თავიანთ სასარგებლოდ მიღებული გადაწყვეტილებებია. სპეციალისტების ნაწილი მიიჩნევს,...


მსგავსი სიახლეები