გაზრდილი აქციზის ეფექტი ბიუჯეტში

გაზრდილი აქციზის ეფექტი ბიუჯეტში

access_time2017-09-24 12:57:17

2017 წლის სახელმწიფო ბიუჯეტის შესრულების რვა თვის მონაცემებზე, გადაცემაში ’’საქმის კურსი“ ფინანსთა მინისტრის მოადგილემ გიორგი კაკაურიძემ ისაუბრა. 


-ბატონო გიორგი, შემოსულობების კუთხით რა მდგომარეობაა, რვა თვის მონაცემებით როგორია? 



-ბიუჯეტის შესრულების კუთხით ჩვენ პარლამენტში ბიუჯეტის შესრულების მდგომარეობის განხილვა დავამთავრეთ. რვა თვის მანძილზე შემოსავლებში საკმაოდ პოზიტიური ტენდენციები გვაქვს. დაახლოებით 90%-მდე ცხრა თვის გეგმის უკვე შესრულებულია. დღეის მდგომარეობითაც ტენდენცია დადებითად ვითარდება და გადასახადების კუთხით, როგორც სახელმწიფო ბიუჯეტში ასევე ნაერთ ბიუჯეტში შესრულება გადაჭარბებით გვექნება. რაც შეეხება შემოსავლის სხვა წყაროებს, გრანტების მაჩვენებელი ასევე გადაჭარბებით იქნება შესრულებული და მთლიანობაში შემოსულობების მაჩვენებელი, რაც დაგეგმილი გვაქვს ცხრა თვის გეგმასთან მიმართებაში გადაჭარბებული გვექნება. წლიურ გეგმასთან მიმართებაზეც გეტყვით, რომ ვფიქრობთ, რომ როგორც საგადასახადო შემოსავლებში, ასევე გრანტების ნაწილში წლიური გეგმიური მაჩვენებელი გადაჭარბებით იქნება შესრულებული. 



-აქციზის გადასახადის შესრულება განსაკუთრებით თვალში საცემია. აქციზის გაზრდის დროს მოლოდინი იყო, რომ ბიუჯეტში დამატებითი თანხები შევიდოდა და რატომ ვერ მოხდა აღნიშნული თანხების მობილიზება? 

-უშუალოდ აქციზს რაც შეეხება, ვინაიდან სიგარეტზე გარკვეული აქციზის ზრდა მოხდა, მარაგები, რომლებიც კომპანიებს ქონდათ გამოიყენეს იმისთვის, რომ ბაზარზე პირველ თვეებში ძირითადად ძველი აქციზით განბაჟებული სიგარეტი იყო გამოტანილი და მარაგების ამოწურვის ხარჯზე, ჩვენ აქციზის გადასახადის განაკვეთი რაც დაგეგმილი იყო 9 თვეზე, შედარებით ნაკლები მივიღეთ. თუმცა, აღსანიშნავია, რომ ეს ერთჯერადი ფაქტორი იყო და მისი გათვალისწინებით, ვფიქრობთ, რომ საბოლოო ჯამში ტემპი დაუბრუნდება იმას, რაც 2017 წლის ბიუჯეტში იყო გათვალისწინებული. თუ კი აღნიშნულ ერთჯერად ფაქტორს გამოვაკლებთ, აქციზის გადასახადი შეუსრულებელი არ იქნება. 

-ვალდებულებების ნაწილსაც რომ შევეხოთ, გრძელვადიან შეღავათიან კრედიტებსა და ბიუჯეტის მხარდამჭერ კრედიტებში შესრულება საკმაოდ დაბალია და აღნიშნული თანხები მობილიზებისთვის აღარ დაგვჭირდა? 


-გრძელვადიანი შეღავათიანი კრედიტები კონკრეტულ ინფრასტრუქტურულ პროექტებზეა მიბმული და ისინი უშუალოდ პროექტების განხორციელებასთან არის დაკავშირებული. ცხრა თვის გეგმაში რაც არის გათვალისწინებული ჩვენ ორი მსხვილი პროექტის დაწყებას ველოდებით სექტემბერში და შესაბამისად, მიმდინარე თვეში საკმაოდ მაღალი ათვისების მაჩვენებელი იქნება საინვესტიციო პროექტების ფარგლებში. ბიუჯეტის მხარდამჭერ კრედიტებს რაც შეხება, ჩვენ მსოფლიო ბანკიდან ორი მისაღები ტრანში გვქონდა დაგეგმილი, რომელთაგან ერთი უკვე მიღებულია, ხოლო მეორე ტრანშთან დაკავშირებით რატიფიცირება განხორციელდა პარლამენტში და შესაბამისად, თვის ბოლომდე ველოდებით, რომ აღნიშნული თანხის გადმორიცხვაც მოესწრება. 

-გადასახადების ნაწილში შესრულება 83.4%-ია, გეგმავს თუ არა ფინანსთა სამინისტრო ცხრა თვის მონაცემებით 8.5 მილიონის შესრულებას, როგორც დაგეგმილი იყო? 

-თუ დღევანდელი მონაცემებით ვნახავთ, ცხრა თვის გეგმის 90% უკვე შესრულებულია. ჩვენ ველოდებით, რომ შესრულების მაჩვენებელი 95%-ზე მაღალი იქნება. შესაძლოა რვა თვეში ყველაფერი ის ასახული არ იყო, რა სამუშაოებიც რეალურად მიმდინარეობდა. საინვესტიციო კრედიტების ფარგლებში სექტემბერში მაღალი ათვისებაა მოსალოდნელი და შესაბამისად, ჩვენი მოლოდინით, ჯამური ათვისება ცხრა თვის გეგმის მიმართ 95%-ზე მაღალი იქნება.

 


"ბიზნესკონტრაქტი"



რა პროფესიების არიან და სად მიიღეს უმაღლესი განათლება ქართველმა მინისტრებმა

რა პროფესიების არიან და სად მიიღეს უმაღლესი განათლება ქართველმა მინისტრებმა
person access_time2018-04-22 13:00:52
დღეს...

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“
person access_time2018-04-22 16:00:24
ქვეყანაში კაპიტალის ბაზრის არსებობის მნიშვნელობაზე ისაუბრა  ახალგაზრდა ფინანსისტთა და ბიზნესმენთა ასოციაციის ანალიტიკოსმა ანდრია გვიდაინმა რადიო „კომერსანტის“ გადაცემაში „კომერსანტის თემა სალომე სოსელაისთან ერთად“. მისი თქმით, კომერციული ბანკების ინტერესში არ შედის  კაპიტალის მოძიებისთვის ალტერნატიული წყაროები გაჩნდეს.   „მიკროსაფინანსო ორგანიზაციების საქმიანობა თავიდან ბოლომდე მორგებულია მხოლოდ იპოთეკური და ფიზიკური პირების დაკრედიტებაზე. მათ შორის...

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“
person access_time2018-04-21 15:59:55
დიღმის მასივში, სანაპიროზე მდებარე რესტორნებში „თამბაქოს კონტროლის შესახებ“ კანონთან დაკავშირებით საინფორმაციო ხასიათის კამპანია ჩატარდა.  ღონისძიებაში „თამბაქოს კონტროლის ალიანსმა“, პარლამენტის წევრებმა და საპატრულო პოლიციის წარმომადგენლებმა მიიღეს მონაწილეობა. როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ლევან კობერიძემ „კომერსანტს“ განუცხადა, ჯამში 4 ობიექტი მოინახულეს და ყველა მათგანი მზად არის ახალი ნორმის...

"საქართველოში კრიპტოვალუტის ინფრასტრუქტურის პირველი მაღაზია გაიხსნა"

person access_time2018-04-21 13:09:10
კრიპტოვალუტის მაინერებზე და ვიდეობარათებზე მოთხოვნა ამჟამად შემცირებულია, -ამის შესახებ Bm.ge-ს კომპანია MiningShop.ge-ს დამფუძნებელმა სოსო ნადაშვილმა განუცხადა, რომელმაც საქართველოში პირველი მაღაზია გახსნა, სადაც კრიპტოვალუტის ინფრასტრუქტურისთვის საჭირო მოწყობილობებს...

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა
person access_time2018-04-21 14:00:04
...


მსგავსი სიახლეები