საგზაო მოძრაობის შესახებ ახალი კანონის ამოქმედების შემდეგ, თბილისში მართვის მოწმობაზე ქულის დაკლების 47 931 შემთხვევა დაფიქსირდა.
პირველმა არხმა შინაგან საქმეთა სამინისტროდან კანონის ამოქმედების დღიდან პირველ სექტემბრამდე მონაცემები გამოითხოვა, რომლის მიხედვით, ამ პერიოდში თბილისში, ყველაზე მაღალი ქულა, რაც მძღოლს დააკლდა, 40-ია.
ახალი კანონის ამოქმედების შემდეგ, თბილისში 40 ქულით დაჯარიმების 14 შემთხვევა დაფიქსირდა, - ქულებით დაჯარიმდნენ პირები სამართალდარღვევისთვის, რომელსაც მოჰყვა სატრანსპორტო საშუალების, ტვირთის, გზის, საგზაო თუ სხვა ნაგებობის, სხვა ქონების ან ადამიანის სხეულის მსუბუქი დაზიანება.
1tv.ge
