მთავარი გვერდი

ავტომობილების, სამედიცინო და ქონების დაზღვევა - საეჭვო სადაზღვევო ფაქტები ქართულ ბაზარზე

person access_time2017-08-17 09:30:47

ავტომობილების, სამედიცინო და ქონების დაზღვევა – ეს ის სადაზღვევო პროდუქტებია, სადაც საეჭვო შემთხვევები ხშირად არა, მაგრამ მაინც ფიქსირდება. როგორც სადაზღვევო კომპანიებში კომერსანტს განუცხადეს, არის შემთხვევები, როდესაც ადამიანები დაზღვევის სერვისს არაკეთილსინდისიერად იყენებენ  და ფულის გადახდას ითხოვენ.  

 

სადაზღვევო კომპანიების მიმართ ჩადენილი თაღლითობის ერთ–ერთი უპრეცედენტო ფაქტი საქართველოს შინაგან საქმეთა სამინისტრომ უკვე გახსნა და 4 ადამიანიც დააკავა. გამოძიებამ დაადგინა, რომ ბრალდებულები 2015 წლის 5 დეკემბრიდან 2016 წლის 17 ნოემბრამდე პერიოდში, წინასწარ შემუშავებული დანაშაულებრივი სქემის მიხედვით, საკუთარ სახელზე გაფორმებულ, სხვადასხვა მარკის ავტომანქანებს სადაზღვევო კომპანიებში აზღვევდნენ. შემდეგ, ამავე დაზღვეული ავტომანქანების გამოყენებით, ინსცენირებულ ავტოსაგზაო შემთხვევებს - განზრახ შეჯახებებს ახდენდნენ. ბრალდებულები მომხდარი ავტოავარიების შესახებ სადაზღვევო კომპანიებს ატყობინებდნენ და ზარალის ანაზღაურებას ითხოვდნენ. სადაზღვევო კომპანიები კი ზარალის ასანაზღაურებელ თანხას დამზღვევი პირების ანგარიშზე რიცხავდნენ. დანაშაულებრივმა ჯგუფმა, ჩადენილი თაღლითური ქმედებების შედეგად, სადაზღვევო კომპანიებს, დაახლოებით, 33, 000 ლარის ოდენობის ფინანსური ზარალი მიაყენა.

 

„კომერსანტი“ დაინტერესდა, რა ტიპის საეჭვო სადაზღვევო ფაქტებს ხვდება ყველაზე ხშირად საქართველოში. როგორც ჩვენთან საუბრისას სადაზღვევო კომპანიების წარმომადგენლებმა განაცხადეს, პირველ ადგილს ავტოდაზღვევა იკავებს, შემდეგ მოდის სამედიცინო დაზღვევა, მესამე ადგილზე კი საეჭვო ფაქტები ქონების დაზღვევის მხრივ ფიქსირდება.

  

სადაზღვევო კომპანია „არდიში“ აცხადებენ, რომ ავტოდაზღვევასთან ერთად საეჭვო ფაქტები სამედიცინო დაზღვევაშიც ფიქსირდება. მათი თქმით, ამ უკანასკნელის შემთხვევაში მიზეზი კლინიკებისა და ექიმების მხრიდან ჰიპერდიაგნოსტიკა და გადაჭარბებული მკურნალობაა.

 

“ავტოდაზღვევის მიმართულებაში საეჭვო სადაზღვევო შემთხვევებიდან იკვეთება ძირითადად 2 კატეგორია: ერთი, როდესაც  უხეში გაუფრთხილებლობით საეჭვო სიტუაციაში მომხდარი ავტოსაგზაო შემთხვევები ფიქსირდება. მსგავსი ფაქტები რეგისტრირებულია ძირითადად იმ ავტომობილებზე, რომელთა საბაზრო ფასიც მცირდება წლის განმავლობაში ან როდესაც ავტომობილი იშვიათი მოდელისაა. მეორე კი არის დაუდგენელ სიტუაციაში არსებული დაზიანებები, რომლის დიდი ნაწილი არის საეჭვო. დაგვიდგენია, რომ მსგავსი შემთხვევების მნიშვნელოვანი ნაწილი რეალურად სხვა გარემოებაში მოხდა და მძღოლი ცდილობს წარმოაჩინოს, როგორც პარკირების დროს, დაუდგენელი პირის მიერ დაზიანების შემთხვევა, რაც არ შეესაბამება სინამდვილეს.

 

კიდევ საეჭვო სიტუაციები ფიქსირდება ჯანმრთელობის დაზღვევაში. კერძოდ, კლინიკებისა და ექიმების მხრიდან ხდება ჰიპერდიაგნოსტიკა, გადაჭარბებული მკურნალობა, რეალურად პაციენტის ინტერესები არის მეორეხარისხოვანი იმ კუთხით, რომ ყველაფერი ორიენტირებულია გაყიდვებზე. ანუ რეალურ საჭიროებასა და მიწოდების სერვისს შორის არის აცდენა. ეს არის დიდი პრობლემა, რაც საბოლოო ჯამში აისახება იმაზე, რომ ადამიანი მოიხმარს იმაზე მეტ მედიკამენტს, ვიდრე სჭირდება, იტარებს ისეთ მომსახურებას, რომელიც საერთოდ არ სჭირდება“, - აღნიშნეს „არდიში“.

 

სამედიცინო დაზღვევის მიმართულებით საეჭვო ფაქტებზე საუბრობს სადაზღვევო კომპანია “ჯი პი აი ჰოლდინგის” საზოგადოებასთან ურთიერთობის მენეჯერი, თინა სტამბოლიშვილიც. მისი განცხადებით, ყველაზე გავრცელებულია შემთხვევები, როდესაც პაციენტის დიაგნოზი სხვაა და სადაზღვევო ხელშეკრულებაში სხვა რამ წერია.

 

„საერთოდ, ადამიანებს, რომლებსაც კრიმინალური მიდრეკილებები აქვთ, უჩნდებათ სურვილი, რომ სადაზღვევო კომპანიას თანხები გამოსძალონ. ეს ხდება ყველგან, მათ შორის, საქართველოშიც. ჩვენთან არსებობს თაღლითობის გამოვლენის ჯგუფი, რომელიც მსგავს საეჭვო ქეისებს იძიებს. თუკი აღმოვაჩენთ კრიმინალის ნიშნებს, შესაბამის საგამოძიებო ორგანოებს მივმართავთ. მსგავსი ფაქტები ხდება ავტოდაზღვევის და ჯანმრთელობის დაზღვევაში. სამედიცინო დაზღვევაში ხშირია არარსებული დიაგნოზის, ბევრი მედიკამენტის გამოწერის ფაქტები, მაგალითად, როდესაც დიაგნოზი სხვა არის და დაზღვევის ხელშეკრულებაში სხვა წერია. ვერ ვიტყვი, რომ ზოგადად თაღლითობის შემთხვევები ხშირია, განსაკუთრებით ასე ორგანიზებულად ჩადენილი დანაშაული, თუმცა ფაქტები ფიქსირდება. უმეტესობა ქეისი, რაც გამოძიებისთვის გადაგვიცია, დადასტურებულა. შემდეგ უკვე შესაბამისი ორგანოები ადგენენ, რას ითვალისწინებს ჩადენილი დანაშაული და რეაგირებასაც ახდენენ“, - განაცხადა თინა სტამბოლიშვილმა.

 

 

სადაზღვევო კომპანია „ალდაგის“ ზარალების განყოფილების უფროსის, ვახო ებიტაშვილის თქმით კი, მათი კომპანია საეჭვო სადაზღვევო ფაქტების თავიდან ასაცილებლად გარკვეულ პრევენციულ ღონისძიებებს ატარებს, საჭიროების შემთხვევაში კი შესაბამის საგამოძიებო სამსახურებს მიმართავს.

 

„მსგავსი თაღლითობის ფაქტები, რაც შსს–მ გახსნა, საერთაშორისო პრაქტიკაშიც მრავლად არის. სადაზღვევო ბაზრის განვითარებასთან ერთად, ასეთი ფაქტები ჩვენთანაც იზრდება და არის ისეთი  შემთხვევები, როდესაც ზოგიერთი მომხმარებელი არაკეთილსინდისიერად იქცევა და ცდილობს სადაზღვევო კომპანიისგან სარგებელი მიიღოს. საეჭვო ფაქტები ყველაზე გავრცელებულია ავტოდაზღვევის მიმართულებაში და შემდეგ უკვე ქონებრივი რისკები მოდის. 

 

მართალია, შსს ასეთ ფაქტებს იძიებს და ავლენს კიდეც,  მაგრამ ასეთი შემთხვევები გაცილებით მეტია, ვიდრე ვლინდება. მივესალმებით შინაგან საქმეთა სამინისტროს ქმედებას, რომ აღკვეთეს მსგავსი უპრეცენტო დანაშაული და მომავალშიც აუცილებელია, რომ ეს პროცესი გაგრძელდეს. ჩვენ პრევენციის კუთხით აქტიურად ვმუშაობთ და მაქსიმალურად ვცდილობთ, თაღლითებისგან თავი ჩვენივე რესურსებით დავიცვათ“, - განაცხადა ვახო ებიტაშვილმა.

 

სადაზღვევო კომპანია „ირაოს“ გაყიდვების დეპარტამენტის დირექტორი ანდრო ხუხუნაიშვილიც აცხადებს, რომ კომპანია პრევენციულ ზომებს თავად ატარებს. ასევე, მისი ინფორმაციით, ავტოდაზღვევის და სამედიცინო დაზღვევის გარდა, თაღლითური ფაქტები ტვირთების დაზღვევაშიც ვლინდება.

 

„სადაზღვევო თაღლითობის შემთხვევები ხშირი არ არის. ჩემი აზრით, ბაზარი ჯერ კიდევ არ არის ისე გაზრდილი, რომ ასეთი შემთხვევებიც გაიზარდოს. ძირითადად, მსგავსი ფაქტები ავტოდაზღვევის მიმართულებაში და იშვითად ტვირთების დაზღვევაშიც ხდება. თუმცა კონკრეტულად ფაქტებზე საუბარი მიჭირს. ჯანდაცვის დაზღვევას რაც შეეხება, აქაც  შეინიშნება საეჭვო გარემოებები.

 

როცა დაზღვევის პროცესში ეჭვი ჩნდება, რომ შესაძლოა თაღლითობას ჰქონდეს ადგილი, საგამოძიებო სამსახურებს მივმართავთ. რაც შეეხება პრევენციას, ეს არის კომპეტენცია და გამოცდილება, რომელიც საკმაოდ დიდია და ასევე, ვიყენებთ დაცვით მექანიზმებს“, - აღნიშნა ანდრო ხუხუნაიშვილმა.

 

 

ავტორი: თეონა კენჭიაშვილი

 


„ჰუალინგ ჯგუფის“ ახალ პროექტს, ჰუალინგი თბილისის ზღვის პლაზას, საქართველოში ყველაზე სრულყოფილი ხანძარსაწინააღმდეგო სისტემა გააჩნია

person access_time2017-09-25 13:10:52
„ჰუალინგი თბილისის ზღვის პლაზას“ საქართველოში ყველაზე სრულყოფილი ხანძარსაწინააღმდეგო სისტემა გააჩნია.შენობაში დამონტაჟებულია ცეცხლის ქრობის ავტომატური სისტემა, არის 17 საევაკუაციო კარი და 18 საევაკუაციო კიბე. ყველა სართული აღჭურვილია ავტომატური სახანძრო ფარდებით, რომელთა ცეცხლმედეგობა 45 წუთია და რომლებიც, ხანძრის შემთხვევაში, უზრუნველყოფენ სექტორების განმხოლოებას. ყველა კარი ცეცხლგამძლე მასალით არის დამზადებული. თბილისის ზღვის პლაზას გააჩნია კარგად მომზადებული და გაწვრთნილი...

Bloomberg - კობა გვენეტაძე: 2018 წელს ქვეყანა ინფლაციის მიზნობრივ მაჩვენებელს - 3%-ს მიუახლოვდება

person access_time2017-09-25 13:15:59
მიმდინარე წელს, მოსალოდნელია, რომ საქართველოს ეროვნული ბანკი მონეტარული პოლიტიკის განაკვეთს უცვლელად დატოვებს, 2018 წლიდან კი დაიწყება პოლიტიკის ეტაპობრივი შერბილება - განაცხადა ეროვნული ბანკის პრეზიდენტმა, კობა გვენეტაძემ Bloomberg-თან ინტერვიუში. წელს განაკვეთი უკვე ორჯერ გავზარდეთ, მაგრამ ჩვენი პროგნოზს თანახმად პოლიტიკის განაკვეთი ეტაპობრივად შემცირდება მის ნეიტრალურ დონემდე, რომელიც 5 პროცენტის ფარგლებშია.“ საქართველომ 6 სექტემბერს...

S&P: ბაქო-თბილისი-ყარსის რკინიგზის მართვისთვის საქართველო და აზერბაიჯანი ერთობლივ კომპანიას დააფუძნებენ

person access_time2017-09-25 12:30:31
ბაქო-თბილისი-ყარსის რკინიგზის ამოქმედებით, უახლოეს პერიოდში, „საქართველოს რკინიგზაზე“  მნიშვნელოვან პოზიტიურ გავლენას  არ ელის Standard and Poor’s-ი.   სააგენტომ საქართველოს სარკინიგზო ოპერატორს რეიტინგი В+/В დონეზე დაუდასტურა, თუმცა რეიტინგის პროგნოზი „სტაბილურიდან“ „ნეგატიურამდე“ შეუმცირა.   სააგენტოს ექსპერტებს რკინიგზის მოდერნიზებისთვის საჭირო მაღალი კაპიტალური ხარჯები და ამავე დროს...

ხმაურის გადაჭარბებაზე აგვისტოში 37 ჯარიმა დაიწერა

person access_time2017-09-25 10:40:10
აკუსტიკური ხმაურის დასაშვები ნორმების გადამეტების გამო, საპატრულო პოლიციამ ორ კვირაში საქართველოს მასშტაბით სულ 37 ჯარიმა გამოწერა. ჯარიმების ეს რაოდენობა ხმაურის შესახებ კანონის ამოქმედებიდან, 15 აგვისტოდან 31 აგვისტომდე დაფიქსირდა. „ადმინისტრაციულ სამართალდარღვევათა კოდექსის“ 77’-1 მუხლით ყველაზე მეტი 24 ჯარიმა თბილისში დაიწერა, შემდეგი არის აჭარა, სადაც სამართალდამცველებმა 10 ჯარიმა გამოწერეს, ხოლო ქვემო ქართლში, მცხეთა-მთიანეთსა და...

38 მილიონი 6 თვეში - კომერციული ბანკების შემოსავალი მოსახლეობისთვის დაკისრებული ჯარიმებიდან

person access_time2017-09-25 09:00:35
საქართველოს ეროვნული ბანკის სტატისტიკური მონაცემებით, კომერციულმა ბანკებმა 2017 წლის 6 თვის განმავლობაში საურავებიდან და კლიენტებისთვის მიცემული სესხებიდან ჯარიმის სახით 37 982 147 ლარის შემოსავალი მიიღეს.  კომერციული ბანკების ანგარიშგებების მიხედვით, 2017 წლის პირველ კვარტალში სესხებიდან ჯარიმის სახით 20 935 179 ლარის შემოსავალი მიიღეს. მეორე კვარტალში კი ამ შემოსავალმა 17 046 968 ლარი შეადგინა.   კომერციული ბანკების ანგარიშგებაში ვკითხულობთ, 2017 წლის ორ კვარტალში...

სასტუმროების საფასო პოლიტიკა საქართველოში

person access_time2017-09-24 17:00:14
რომელი ქვეყნებიდან სტუმრობენ საერთაშორისო ვიზიტორები საქართველოს, რა მიზნით ჩამოდიან ტურისტები ქვეყანაში და რა ტემპით ვითარდება საქართველოში სასტუმრო ბიზნესი, - თემების მიმოხილვით გადაცემაში ’’საქმიანი დილა“ Cushman & Wakefield Georgia-ს რეგიონალური დირექტორი ნინო რუხაძე საუბრობს.  -ქალბატონო ნინო, დღესდღეობით საქართველოში როგორც საერთაშორისო, ისე ქართული ბრენდების სასტუმროების მშენებლობის ბუმია, როგორ ფიქრობთ, რამ განაპირობა და რატომ...

გაზრდილი ექსპორტის მიუხედავად ყურძნის ფასი ისევ დაბალია

person access_time2017-09-24 15:00:07
იმის მიუხედავად, ქართული ოცნების დამფუძნებელი ჯერ კიდევ 2012 წელს აცხადებდა, რომ ყურძნის ფასი არ შეიძლება იყოს 1 ლარზე ნაკლები, დღემდე რქაწითელსა და მწვანეს ფერმერები 70–80 თეთრზე ძვირად ვერ ყიდიან. ამასთან, წელს რთველი ისე მიმდინარეობს, რომ მთავრობა სახელმწიფო სუბსიდიას აღარ გასცემს.   თამარ დიღმელაშვილი გურჯაანის მუნიციპალიტეტში ცხოვრობს.   “ხვალ უნდა დავკრიფო მწვანე,  რქაწითელი და საფერავი. “კახურმა ტრადიციულმა...

რამდენად დამაკმაყოფილებელია საწვავის ხარისხი საქართველოში

person access_time2017-09-23 15:00:18
მიმდინარე წელს გარემოს დაცვის სამინისტრომ საწვავის ხარისხი 14 ავტოგასამართ სადგურზე შეამოწმა. ამის შესახებ PALITRANEWS-ს მთავარმა სახელმწიფო ინსპექტორმა ნელი კორკოტაძემ განუცხადა.მისი თქმით, შემოწმებულ ობიექტებზე ხარისხობრივი ნორმების დარღვევის ფაქტი არ გამოვლენილა. „წლის განმავლობაში ქვეყნის მასშტაბით 14 ავტოგასამართ სადგურზე შემოწმდა საწვავის ხარისხი. საუბარია, როგორც ბრენდირებულ ისე არაბრენდირებულ გასამართ სადგურებზე. შემოწმება შემთხვევითი შერჩევის პრინციპით განხორციელდა...

დავით საგანელიძე: ``ვცდილობთ, ჩინელი ინვესტორები ორი დიდი პროექტით დავაინტერესოთ``

person access_time2017-09-23 13:00:55
მილიარდ ნახევრიანი ქვეყანა, რომლის ეკონომიკა ძალიან მზარდია, ორი ქვეყნის თავისუფალი ვაჭრობის ხელშეკრულება, ჩინეთს აძლევს იმის შანსს, რომ საქართველოს სავაჭრო პარტნიორების სამეულში კიდევ უფრო წინ წაიწიოს , - ამის შესახებ საპარტნიორო ფონდის ხელმძღვანელმა დავით საგანელიძემ ჩინეთის ქალაქ შანხაიში ქართველ ჟურნალისტებს განუცხადა, რომლებიც მედიატურის ფარგლებში ჩინეთის 4 ქალაქში იმყოფებოდნენ. როგორც დავით საგანელიძემ აღნიშნა, ჩინეთში 3 ქართული დელეგაცია იყო. პირველი დელეგაცია...

პეკინში ვარაუდობენ, რომ 2017 წელს საქართველოდან ჩინეთში ქართული ღვინის ექსპორტი 10 მილიონ ბოთლს გადააჭარბებს

person access_time2017-09-23 11:00:27
პეკინში, ქართული ღვინის პოპულარიზაციის ცენტრში ვარაუდობენ, რომ 2017 წელს საქართველოდან ჩინეთში ქართული ღვინის ექსპორტი 10 მილიონ ბოთლს გადააჭარბებს. საქართველოში ჩინეთის საელჩოს, ჩინეთის საგარეო საქმეთა სამინისტროს, და საერთაშოროსო მედიაჰოლდინგის საქართველოს წარმომადგენლობის Gbtimes Georgia-ს ორგანიზებით გამართული მედიატურის ფარგლებში, ჩინეთის დედაქალაქ პეკინში არსებულ ქართული ღვინის პოპულარიზაციის ცენტრს ქართველი ჟურნალისტები ესტუმრნენ. ჩინეთის საკვებისა და ფერმენტული...

მსგავსი სიახლეები