უვიზო მიმოსვლის შემდეგ ევროპაში მოგზაურობა 20%-ით გაძვირდა

access_time2017-06-28 11:30:30

ვიზალიბერალიზაციის მიღების შემდეგ საქართველოდან ევროპის ქვეყნების მიმართულებით მგზავრთა ნაკადი გაიზარდა. როგორც გაზეთი "რეზონანსი" წერს, სხვადასხვა ტურისტულ კომპანიას სხვადასხვა მონაცემი აქვს, თუმცა ყველა აღნიშნავს, რომ ეს მაჩვენებელი შარშანდელთან შედარებით საკმაოდ გაზრდილია. ისინი ტურისტული პაკეტების გაძვირებაზეც საუბრობენ. შარშანდელთან შედარებით სხვაობა დაახლოებით 15-20%-ის ფარგლებშია.

 

 

მოთხოვნის ზრდა ყოველთვის განაპირობებს მომსახურების გაძვირებას. შესაბამისად, ავიაბილეთებზე ფასის მატება ლოგიკურია. ამ მოსაზრებას ტურისტული კომპანიებიც ადასტურებენ, თუმცა უნდა ითქვას ისიც, რომ გაძვირების მასშტაბები აშკარად გადაჭარბებულია.

 

 

ტურისტულ კომპანია "აი ემ ჯორჯიაში" ადასტურებენ, რომ აპრილიდან მოყოლებული დატვირთულ რეჟიმში მუშაობენ. ბილეთის ღირებულებისა და ტურისტების ნაკადის ზრდა დღითი დღე თვალში საცემია. მათი ინფორმაციით, ტურისტების რიცხვი 70%-ით გაიზარდა, ზაფხულის ტურები თითქმის გაყიდულია.

 

 

"ვიზალიბერალიზაციის შემდეგ, ჩვენს კომპანიაში ევროპაში მოგზაურობის მსურველთა რაოდენობა 70%-ით გაიზარდა. ყველაზე პოპულარული ქვეყნები იტალია, ესპანეთი, ავსტრია და ჩეხეთია. კომბინირებული ტურები გვაქვს, მაგალითად, იტალიაში, რომელიც რამდენიმე ქალაქს მოიცავს და საშუალო ღირებულება 550 ევროა.

 

 

ვადასტურებთ, რომ უვიზო მიმოსვლამ ტურისტული პაკეტები გააძვირა, რადგან მოთხოვნა საკმაოდ მაღალია. ამას ველოდებოდით კიდეც, რადგან ბუნებრივი მომენტია. აქტიურად იგეგმება ზაფხულისა და შემოდგომის ტურები. ბილეთები თითქმის გაყიდული გვაქვს და ფასებიც მოთხოვნის შესაბამისად მაღალია", - განაცხადა "აი ემ ჯორჯიას" ტურ-ოპერატორმა.

 

 

ტურიზმის სფეროს სპეციალისტი მანანა ალადაშვილი ქვეყნიდან ვიზალიბერალიზაციის ფარგლებში გამსვლელთა რაოდენობასთან დაკავშირებით ოფიციალური მონაცემების მოშველიებით საუბრობს. მისი ინფორმაციით, ევროპაში წამსვლელთა რაოდენობამ 11%-ით იმატა. ალადაშვილის ამ ტენდენციას მოსალოდნელსა და რეალურს უწოდებს.


 

 

"პირადად მე მაქვს ტურისტული სააგენტო. ჩვენი კომპანიის მონიტორინგი გავაკეთეთ რამდენიმე დღის წინ და საკმაოდ გაზრდილია ქვეყნიდან გამსვლელთა რაოდენობა. ბოლო 2 თვის მონაცემებით მხოლოდ ჩვენი კომპანიის მიერ ევროპაში გაშვებული მგზავრთა რაოდენობამ 5%-ით მოიმატა.

 

 

რაც შეეხება ქვეყნიდან ვიზალიბერალიზაციის პირობებში გაზრდილ რიცხვს, ოფიციალური მონაცემის მიხედვით 11% შეადგინა. რასაკვირველია, ვიზალიბერალიზაციამ ევროპის ქვეყნებში გამსვლელთა რიცხვი მკვეთრად გაზარდა და მოსალოდნელიც იყო, ეს რეალურია", - აღნიშნა ალადაშვილმა.

 

 

ვიზალიბერალიზაციის შემდეგ ქვეყნიდან გამსვლელთა რაოდენობის ზრდას ადასტურებს "ჯი თრეველის" დირექტორი ნათია მირიანაშვილი. მისი თქმით, მოთხოვნასთან ერთად გაიზარდა ფასებიც, თუმცა, ამის მიუხედავად, მსურველთა რაოდენობა, შემცირების ნაცვლად, მატულობს.

 

 

"ქართველები ყოველთვის ახერხებდნენ, გარკვეული სიხშირით ადრეც ემოგზაურათ და მათთვის საინტერესო ქვეყნები მოენახულებინათ, თუმცა ვიზალიბერალიზაციამ ნამდვილად გაზარდა მათი რაოდენობაც და შესაბამისად, იმატა დატვირთულობამაც. ძირითადად მიდიან საბერძნეთში, უნგრეთში, რადგან ამ ქვეყნებში შედარებით იაფია მგზავრობა.

 

 

მოთხოვნამ, რასაკვირველია, ფასიც გაზარდა და წინა წლებთან შედარებით ბილეთები ორმაგი და სამმაგი ჯდება. მიუხედავად ამისა, ყველა პაკეტი გაყიდული გვაქვს და ზაფხულის ტურები თითქმის ამოწურულია", - განუცხადა "რეზონანსს" მირიანაშვილმა.

 

 

ვიზალიბერალიზაციის შემდეგ, მოთხოვნის მატებსათან ერთად, გაიზარდა ბილეთების ღირებულებაც. ერთ-ერთი ტურისტული კომპანიის მენეჯერი მარიამ როხვაძე "რეზონანსთან" საუბრისას აღნიშნავს, რომ შარშანდელთან შედარებით სხვადასხვა ავიაბილეთის ფასი გაორმაგების ნაცვლად, გაოთხმაგდა, რადგან მსურველთა რაოდენობა ძალიან დიდია. უკვე გაყიდულია ზაფხულისა და შემოდგომის ტურების დიდი ნაწილი. ამ მოვლენას ვიზალიბერალიზაციის შემდგომ პერიოდს უკავშირებენ.

 

 

"რეისი რაც უფრო დატვირთულია, მეტად იზრდება ბილეთის ფასიც. ამიტომ ვიზალიბერალიზაციის შემდეგ, მოთხოვნამ საგრძნობლად იმატა. რა თქმა უნდა, ავიაბილეთებიც გაძვირდა. გაორმაგების ნაცვლად, მისი ფასი თითქმის გაოთხმაგებულია. ეს არ აღმოჩნდა შემაფერხებელი გარემოება მოგზაურთათვის. ზაფხულის ტურები უკვე გაყიდული გვაქვს და შემოდგომის რამდენიმე პაკეტი დაგვრჩა, რომელსაც აუცილებლად ისეთივე წარმატებით გავყიდით, რადგან მოთხოვნა ნამდვილად მაღალია", - აღნიშნა მარიამ როხვაძემ.

 

 

"რეზონანსის" გამოკითხვის შედეგად დადგინდა, რომ ვიზალიბერალიზაციის შემდეგ ევროპის მიმართულებით ტურისტული პაკეტების ღირებულება 15-20%-ით გაძვირდა. ამის მიზეზი ავიაბილეთების მაღალი ფასია. მართალია, სასტუმროსა და სხვა ტიპის მომსახურების ფასი უცვლელია, მაგრამ ბილეთების მკვეთრმა გაძვირებამ პაკეტის საერთო ღირებულება მაინც გაზარდა.

 

 

 



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები