სამხრეთ ტეხასის ამომრჩევლებმა დიდი უპირატესობით დაუჭირეს მხარი წინადადებას, რომ SpaceX-ის გაშვების ადგილის გარშემო შეიქმნას ცალკე ქალაქი, სახელწოდებით Starbase, რომელსაც კომპანიის მენეჯერები უხელმძღვანელებენ. ამის შესახებ Bloomberg კვირას, 4 მაისს, იტყობინება.
კენჭისყრა კამერონის ოლქის ქალაქის, ბოკა ჩიკას, დაახლოებით 500 მცხოვრებელს შორის ჩატარდა, რომელთა უმეტესობა Starbase-ის თანამშრომლები არიან, მათ შორის თავად მასკი.
ახალი ქალაქის მერად ერთადერთი კანდიდატი SpaceX-ის ტესტირებისა და გაშვების ვიცე-პრეზიდენტი ბობი პედენი იყო.
