სლოვენიამ მიიღო ახალი კანონი, რომელიც ფარმაცევტებს უკრძალავს უარი თქვან მედიკამენტების გაყიდვაზე თავიანთი მორალური ან რელიგიური შეხედულებების გამო – ამის შესახებ „ევროპულსი“ წერს.
გადაწყვეტილება მას შემდეგ მიიღეს, რაც ქალაქ ლენდავაში ფარმაცევტმა უარი თქვა ქალისთვის ჩასახვის საწინააღმდეგო აბების მიყიდვაზე თავისი რელიგიური შეხედულებების მოტივით. ამ შემთხვევამ გამოიწვია ბევრი კამათი და დისკუსია პაციენტების უფლებებზე.
ადრე სლოვენიელ ფარმაცევტებს შეეძლოთ უარი ეთქვათ მედიკამენტების გაყიდვაზე პირადი მიზეზების გამო, მაგრამ აფთიაქს უნდა უზრუნველეყო, რომ პაციენტს მაინც მიეღო საჭირო წამალი - მაგალითად, სხვა ფარმაცევტის მომსახურებით.
ახლა დეპუტატებმა გადაწყვიტეს, რომ ასეთი უარი შეიძლება გახდეს პრობლემა, განსაკუთრებით მაშინ, როდესაც საქმე ეხება სასიცოცხლო მნიშვნელობის პრეპარატებს.
