აშშ-ის სახაზინო მდივანმა, სკოტ ბესენტმა განაცხადა, რომ აშშ-ში სასარგებლო წიაღისეულის შესახებ შეთანხმებასთან დაკავშირებით უკრაინის დელეგაციის ვიზიტს ელოდებიან.
„ბლუმბერგთან“ ინტერვიუში ბესენტმა განაცხადა, რომ უკრაინული დელეგაციის ვიზიტს მიმდინარე კვირის ბოლოს ან მომდევნო კვირის დასაწყისში ელოდებიან.
„ვფიქრობ, უკრაინიდან გუნდი უკვე ამ კვირის ბოლოს ან მომავალი კვირის დასაწყისში ჩამოვა. ჩვენ არ გვსურს დროის დაკარგვა, რადგან მიგვაჩნია, რომ ეს შეთანხმება ძალიან მნიშვნელოვანია ამერიკელი ხალხისთვის, უკრაინელი ხალხისთვის და სამშვიდობო პროცესისთვის“, – აღნიშნა ბესენტმა.
