საფრანგეთის მოსახლეობის უმრავლესობა განიხილავს ამერიკული ბრენდების ბოიკოტს აშშ-ის პრეზიდენტის დონალდ ტრამპის ადმინისტრაციის პოლიტიკის წინააღმდეგ პროტესტის ნიშნად. ამის შესახებ Politico წერს.
Ifop-ის კვლევის თანახმად, ფრანგებში შეერთებული შტატების პოზიტიური აღქმა ბოლო 40 წლის განმავლობაში ყველაზე დაბალ დონეზე დაეცა.
ამრიგად, ფრანგების 57%-მა განაცხადა, რომ მზად არის ბოიკოტი გამოუცხადოს აშშ-ის საქონელსა და მომსახურებას უახლოეს თვეებში, ხოლო 62% მხარს უჭერს ბოიკოტის იდეას.
ბოიკოტის ძირითადი მიზეზები ფრანგული კომპანიების მხარდაჭერა და ამერიკელი მაგნატების დასჯაა, რომლებიც მხარს უჭერენ ტრამპს.
„დონალდ ტრამპი კვებავს საფრანგეთის ცნობილ ეკონომიკურ პატრიოტიზმს“, - აღნიშნავს გამოცემა.
გამოკითხულთა დაახლოებით მესამედმა (32%) განაცხადა, რომ ისინი უკვე ბოიკოტს უცხადებენ ამერიკულ ბრენდებს, განსაკუთრებით Coca-Cola-სა და McDonald's-ს. თუმცა, ეს რიცხვი შეიძლება კიდევ უფრო დიდი გახდეს. ფრანგების 26%-მა განაცხადა, რომ უახლოეს თვეებში „აუცილებლად“ გამოუცხადებს ბოიკოტს ამერიკულ პროდუქტებს, ხოლო 31% „ალბათ“ გააკეთებს ამას.
ბოიკოტის მთავარი სამიზნეები იქნება ილონ მასკის Tesla და სოციალური ქსელი X, ასევე Jeep და თეთრეულის ბრენდი Victoria's Secret.
