დაბალბიუჯეტიანი ავიაკომპანია Ryanair-ი ვარშავაში მომხმარებელთა მომსახურების ცენტრის გახსნას გეგმავს, რომელიც პასუხისმგებელი იქნება მგზავრების ინფორმირებაზე შეფერხებების შესახებ, ოპერატიული ინფორმაციის მიწოდებაზე და ასევე ალტერნატიული რეისების შერჩევაზე ფრენის გაუქმების შემთხვევაში, მაგალითად, არახელსაყრელი ამინდის გამო. მოსალოდნელია, რომ წლის ბოლომდე ცენტრში დაახლოებით 200 ადამიანი დასაქმდება.
კომპანიის წარმომადგენლების თქმით, პროექტი განხორციელდება მოწინავე ციფრული ინსტრუმენტების გამოყენებით, მათ შორის ხელოვნურ ინტელექტზე დაფუძნებული გადაწყვეტილებებით, რაც, Ryanair-ის თქმით, უზრუნველყოფს მგზავრებთან ეფექტიან კომუნიკაციას.
ერთ-ერთი ასეთი გადაწყვეტა შეიძლება იყოს ჩატბოტი, რომელიც ამჟამად Amazon-ისმონაწილეობით მუშავდება.
ცენტრის მიზანია კლიენტთან კომუნიკაციის საშუალო ხანგრძლივობის 3-4 წუთამდე შემცირება.
როგორც Ryanair ჯგუფის ნაწილის Buzz-ის აღმასრულებელმა დირექტორმა, მიხალ კაჩმაჟიკმაგანმარტა, გადამზიდავი სექტემბრისთვის 100 თანამშრომლის დაქირავებას გეგმავს, თვეში 25 კაციანი ჯგუფების დაკომპლექტებით.
კაჩმარშიკმა აღნიშნა, რომ ახალი თანამშრომლები იქნებიან გუნდის წევრები, რომელსაც ექნება პირდაპირი წვდომა Ryanair-ის სისტემებზე. მანამდე, მისი თქმით, მომხმარებელთა მხარდაჭერას უზრუნველყოფდა მესამე მხარის კომპანია, რომელსაც ასეთი წვდომა არ ჰქონდა.
Ryanair-ის წარმომადგენელმა ასევე განაცხადა, რომ ავიაკომპანიის ფლოტი პოლონეთში „აუცილებლად გაიზრდება“, თუმცა დეტალები არ დაუკონკრეტებია.
მან დასძინა, რომ Ryanair-ის რეისები პოლონეთიდან მთელ ცენტრალური და აღმოსავლეთ ევროპის რეგიონს მოიცავს. მან ხაზგასმით აღნიშნა, რომ პოლონეთის ბაზარი მნიშვნელოვან როლს ასრულებს, რის გამოც კომპანია აქტიურად აგრძელებს ინვესტიციების ჩადებას ქვეყანაში ოფისების განვითარებაში.
