ტაილანდურ პროვინცია ლამფუნში დედამიწაზე ერთ-ერთი უძველესი ადამიანი იპოვეს. მისი დაბადების მოწმობაში მითითებულია 1900 წლის 5 სექტემბერი (ბუდისტური კალენდრის მიხედვით 2443 წელი), იტყობინება ტაილანდური გაზეთი Daily News.
გუიჩე ჩიცაკუნვატი ცხოვრობს ნამბონოის სოფელში, რომელიც მდებარეობს ჩრდილოეთ ტაილანდში, ჩიანგ მაის მახლობლად. ის მხოლოდ კარენის ენაზე საუბრობს, რაც მასთან კომუნიკაციას ართულებს.
ქალბატონი ჩიცაკუნვატის დაბადების მოწმობა 2009 წელს გაიცა. გაცემის დროს მისი დაბადების თარიღის დადასტურების შესახებ ინფორმაცია არ არსებობდა. დოკუმენტის თანახმად, ასწლოვანი ქალი დაიბადა 1900 წლის 5 სექტემბერს, მე-19 საუკუნეში. პენსიონერი აცხადებს, რომ მეფე რამა IX ნახა.
გუიჩე ჩიცაკუნვატს მხოლოდ ერთი შვილი ჰყავდა, რომელიც 40 წლის ასაკში გარდაიცვალა. თუმცა, მას სამი შვილიშვილი დარჩა, რომელთაგან უფროსი 37 წლისაა. ქალი თავის დღეგრძელობას ვეგეტარიანელობასა და სულიერებას მიაწერს. ის ასევე ამტკიცებს, რომ ბედნიერებას ბუნებასთან ერთიანობაში პოულობს.
