ამერიკული OpenAI-ის წმინდა ზარალი 2025 წელს თითქმის რვაჯერ გაიზარდა, რადგან მან ათობით მილიარდი დოლარი დახარჯა ხელოვნური ინტელექტის ტექნოლოგიების ბაზარზე თავისი პოზიციების გასამყარებლად IPO-ს გამართვის წინ, იუწყება The Financial Times.
კომპანიის ფინანსური მონაცემების თანახმად, რომელთა სიზუსტე გაზეთს ინფორმირებულმა წყაროებმა დაუდასტურეს, OpenAI-ის ხარჯებმა 2025 წელს 34 მილიარდი დოლარი შეადგინა, რაც მნიშვნელოვნად აღემატება 2024 წლის მაჩვენებელს.
მათ შორის, დაახლოებით 19 მილიარდი დოლარი დაიხარჯა სამეცნიერო კვლევასა და განვითარებაზე და დაახლოებით 6 მილიარდი დოლარი გაყიდვებსა და მარკეტინგზე.
OpenAI-ის ხარჯების მონაცემები იძლევა წარმოდგენას ხელოვნური ინტელექტის ბუმის ეკონომიკურ საფუძვლებზე და ბაზრის ლიდერის ინვესტიციების მასშტაბზე ახალი მოდელების შექმნაში, მონაცემთა ცენტრების დაფინანსებასა და საუკეთესო ნიჭის მოზიდვაში, აღნიშნავს FT.
კომპანიის შემოსავალიც მნიშვნელოვნად გაიზარდა. OpenAI-ის გასულ წელს შემოსავალმა დაახლოებით 13 მილიარდი დოლარი შეადგინა. წლის ბოლოს კომპანია თვეში 2 მილიარდ დოლარს გამოიმუშავებდა - ორჯერ მეტი, ვიდრე 2024 წლის სრულ კვარტალში.
OpenAI-ის წმინდა ზარალი 2025 წელს 39 მილიარდ დოლარამდე გაიზარდა, წინა წლის 5 მილიარდი დოლარიდ.
