ამერიკულმა Intel Corp.-მა, კომპიუტერებზე მოთხოვნის შემცირების ფონზე, ისტორიაში ყველაზე დიდი კვარტალური ზარალი განიცადა. ამის შესახებ The Wall Street Journal-ი წერს.
კომპიუტერული კომპონენტების მსოფლიოში წამყვანი მწარმოებლისთვის ეს მეორე წამგებიანი კვარტალია.
Intel-ის წმინდა ზარალმა შეადგინა 2,76 მილიარდი დოლარი, ანუ 0,66 აშშ დოლარი ზარალმა თითო აქციაზე, წმინდა შემოსავალთან შედარებით, რომელიც 8,11 მილიარდი დოლარი, ანუ 1,98 აშშ დოლარი, იყო თითო აქციაზე.
International Data Corp.-ის მონაცემებით, კომპიუტერების მიწოდება, რომლებიც უზრუნველყოფენ Intel-ის შემოსავლის დიდ წილს, პირველ კვარტალში 29%-ით შემცირდა, წინა წლის ანალოგიურ პერიოდთან შედარებით. პანდემიის დაწყებისას მომხმარებლები ჩქარობდნენ კომპიუტერების, სმარტფონების და სხვა ელექტრონიკის შესაძენად. ვითარება შეიცვალა 2022 წელს, როდესაც ხალხი ჩვეულ ცხოვრების წესს დაუბრუნდა, წერს გაზეთი.
Intel-ის კვარტალური შემოსავალი 1,6-ჯერ შემცირდა $11,72 მილიარდამდე, საშუალო პროგნოზი $11,03 მილიარდი იყო.
Client Computing Group-ის (კერძოდ, კომპიუტერებისთვის პროცესორების წარმოება) განყოფილების შემოსავალი, რომელიც ყველაზე დიდია კომპანიისთვის, 38%-ით - 5,8 მილიარდ დოლარამდე შემცირდა.
Intel-ის აღმასრულებელმა დირექტორმა პეტ გელსინჯერმა თქვა, რომ „სიგნალები ასტაბილურებს კომპიუტერების ბაზარს“. მისი თქმით, პროდუქციის მარაგის შემცირება მოლოდინს შეესაბამება.
