გეოპოლიტიკური არასტაბილურობა სულ უფრო მეტად მოქმედებს საქმიან მოგზაურობებსა და კომპანიების ოპერაციულ გადაწყვეტილებებზე, თუნდაც უშუალოდ კონფლიქტის ზონების გარეთ – ამის შესახებ ნათქვამია რისკების მართვაზე სპეციალიზებული კომპანიის, Healix International-ის, ანგარიშში Risk Radar 2027.
ანალიტიკოსები წერენ, რომ გეოპოლიტიკური საფრთხეები დღეს არა მხოლოდ რუკაზე კონკრეტულ ადგილებში ვლინდება, არამედ ტრანსპორტის შეფერხებების, კიბერსაფრთხეების, მიწოდების ჯაჭვის შეფერხებების და პერსონალის კეთილდღეობისთვის რისკების სახითაც.
გამოკითხვის თანახმად, ორგანიზაციების 92% ან ოპერირებს რთულ გარე გარემოში მყოფ რეგიონებში, ან აგზავნის თავის თანამშრომლებს იქ. თითქმის ორმა მესამედმა განაცხადა, რომ ბოლო ორი წლის განმავლობაში გეოპოლიტიკური კონფლიქტების გამო მნიშვნელოვან ან სერიოზულ ოპერაციულ სირთულეებს წააწყდა.
მოგზაურობის მენეჯერებისთვის ეს რისკები დაგეგმვის აუცილებელ ფაქტორებად იქცა: მოგზაურობის სტანდარტული მომზადება ახლა მოიცავს არა მხოლოდ ბილეთების დაჯავშნას, არამედ ევაკუაციის სცენარების შემუშავებას, კიბერუსაფრთხოების ზომებს, ოპერაციული მდგრადობის შეფასებას და გლობალური სატრანსპორტო ქსელების შეფერხებებისთვის მომზადებას.
ბოლო წლის განმავლობაში, ორგანიზაციების თითქმის ნახევარს (48%) საქმიანი მივლინებების შეფერხებები შეექმნა, ხოლო 36%-ს - თანამშრომლების უსაფრთხოებასთან დაკავშირებული ინციდენტები. დაახლოებით მესამედმა (32%) თანამშრომლების ევაკუაცია ან სასწრაფოდ სხვა ადგილას გადაყვანა მოახდინა.
ვრცლად buyingbusinesstravel – ზე
