კლიმატის ცვლილება საფრთხეს უქმნის მსოფლიოში ყავის მიწოდებას და მომხმარებლებისთვის ფასებს მკვეთრად ზრდის, ხოლო სირთულეების წინაშე მყოფი ფერმერები მოუწოდებენ თავიანთ მთავრობებს, დაუყოვნებლივ იმოქმედონ.
მეცნიერებისა და კომუნიკაციების სპეციალისტების დამოუკიდებელმა ჯგუფმა, Climate Central-მა, გააანალიზა 2021 წლიდან 2025 წლამდე ტემპერატურები და შეადარა ისინი ჰიპოთეტურ ნულოვანი ნახშირბადის გარემოს.
მეცნიერებმა აღმოაჩინეს, რომ ადამიანის მიერ გამოწვეული კლიმატის ცვლილება მსოფლიოს ძირითად ყავის მწარმოებელ რეგიონებში ტემპერატურას „ყავისთვის მავნე ზღურბლზე“ – 30°C-ზე მაღლა წევს.
კლიმატის ცვლილების გამო, ყავის ხუთი უმსხვილესი მწარმოებელი - ბრაზილია, კოლუმბია, ეთიოპია, ინდონეზია და ვიეტნამი - ყოველწლიურად საშუალოდ 57 დამატებითი დღე ექსტრემალური სიცხის წინაშე დგანან. ამ ქვეყნებზე მსოფლიო ყავის მარაგის 75 პროცენტი მოდის.
როგორ მოქმედებს კლიმატის ცვლილება ყავაზე
როდესაც ტემპერატურა 30°C-ზე მეტად იწევს, ყავის ხეები განიცდიან სითბურ სტრესს, რამაც შეიძლება შეამციროს მოსავლიანობა, გავლენა მოახდინოს მარცვლების ხარისხზე და გაზარდოს მცენარეების მგრძნობელობა დაავადებების მიმართ.
