გერმანულმა საფინანსო ორგანიზაცია Allianz Group-მა რუსეთში ბიზნესი გაყიდა და ბაზრიდან გავიდა. კომპანიის ახალი მფლობელი Interholding-ი გახდება, რომელიც რუსულ სადაზღვევო კომპანია Zetta Insurance-საც ფლობს.

აქტივის გასხვისებასთან დაკავშირებით განაცხადი გერმანულმა კომპანიამ ჯერ კიდევ გასულ წელს შეიტანა, თუმცა აქამდე რუსული მარეგულირებელი ორგანო ტრანზაქციის დადასტურების პროცესს აჭიანურებდა.

Allianz-ის განცხადებით, რუსეთის ბაზრიდან გასვლით კომპანია დაახლოებით 440 მილიონი დოლარის ზარალს მიიღებს.