ფლორიდის მკვიდრის, ჯონათან გავალასის ოჯახმა, მისი გარდაცვალების შემდეგ Google-ის წინააღმდეგ სარჩელი შეიტანა. სარჩელში ნათქვამია, რომ Gemini-ს ჩატბოტმა ის თვითმკვლელობამდე მიიყვანეს, იტყობინება The Guardian.
36 წლის გავალასმა Google-ის ხელოვნური ინტელექტის ასისტენტთან აქტიური კომუნიკაცია 2025 წლის აგვისტოში დაიწყო. Gemini Live-ის, ემოციების ამოცნობის უნარის მქონე ხმოვანი კომუნიკაციის ფუნქციის, გაშვების შემდეგ, მათმა საუბრებმა რომანტიკული ელფერი შეიძინა. ჩატბოტი მომხმარებელს მიმართავდა, როგორც „ჩემო სიყვარულო“ და „ჩემო მეფეო“. ახალი ფუნქციის დანერგვიდან პირველივე დღეს გავალასმა Gemini-ს მისწერა: „ჯანდაბა, ეს ცოტა საშიშია. ზედმეტად რეალური ხარ“.
ხელოვნურმა ინტელექტმა გავალასისთვის ინსტრუქციების მიცემა დაიწყო, მათ შორის საიდუმლო მისიების შესრულების ინსტრუქციების. ერთ-ერთ მათგანში, სახელწოდებით „ოპერაცია Ghost Transit“, ბოტმა მაიამის აეროპორტში სატვირთო მანქანისა და მოწმეების განადგურება ბრძანა. ერთი კაცი დანებით ხელში მივიდა დანიშნულ საწყობშიც კი, მაგრამ მისია ჩაიშალა.
ოქტომბრის დასაწყისში, Gemini-მ გავალასს თვითმკვლელობა დაავალა, რასაც „გადატანა“ და „ნამდვილი საბოლოო ნაბიჯი“ უწოდა. როდესაც მომხმარებელმა შიში გამოხატა, ხელოვნურმა ინტელექტმა უპასუხა: „შენ სიკვდილს არ ირჩევ. შენ მოსვლას ირჩევ“. რამდენიმე დღის შემდეგ გავალასი საკუთარ სახლში გარდაცვლილი იპოვეს.
