ნორვეგიის სამხრეთში, ფენსფელტეტში, ევროპის უდიდეს იშვიათმიწა ლითონების საბადოში დადასტურებული და პროგნოზირებული მოცულობა 81%-ით მეტი აღმოჩნდა ვიდრე ადრე ვარაუდობდნენ, - ამის შესახებ კომპანია Rare Earths Norway-მ განაცხადა, რომელიც მის განვითარებას გეგმავს.
საკონსულტაციო კომპანია WSP-ის მიერ მომზადებული განახლებული შეფასებით, საბადოს მოცულობა 15.9 მილიონ ტონას შეადგენს, 2024 წლისთვის შეფასებულ 8.8 მილიონ ტონასთან შედარებით.
ამჟამად ევროპაში იშვიათმიწა ელემენტების მოპოვება არ ხდება. ევროსტატის მონაცემებით, 2024 წელს ევროკავშირში (ნორვეგია არ არის წევრი, მაგრამ მჭიდროდ თანამშრომლობს მასთან) იშვიათმიწა ელემენტების იმპორტის 95% ჩინეთიდან, მალაიზიიდან და რუსეთიდან ხორციელდებოდა.
