მას შემდეგ, რაც პანამის მთავრობის გადაწყვეტილებით, აღარ განახლდება ზოგადი შეთანხმება პანამასა და ჩინეთს შორის, რომ ქვეყანამ წვლილი შეიტანოს ჩინეთის "ერთი სარტყელი, ერთი გზის" აბრეშუმის გზის პროექტში, ჩინეთის საგარეო საქმეთა სამინისტრომ "აშშ-ს მხრიდან იძულება" გააკრიტიკა.
ჩინეთის საგარეო საქმეთა სამინისტროს სპიკერის, ლინ ძიანის თქმით, ჩინეთი "მტკიცედ ეწინააღმდეგება აშშ-ს მხრიდან ერთი სარტყელი, ერთი გზის მიმართ ცილისწამებასა და ძირის გამოთხრას, წნეხისა და იძულების მეშვეობით".
ლინის თქმით, აბრეშუმის გზის ინიციატივაში "აქტიურად მონაწილეობს" 150-ზე მეტი ქვეყანა და მას "ნაყოფიერი შედეგები" ჰქონდა ჩინეთისა და პანამისთვის, თუმცა, კონკრეტული მაგალითები არ უხსენებია.
"ვიმედოვნებთ, რომ პანამა გაითვალისწინებს ორმხრივი ურთიერთობების საერთო სურათსა და ორივე ხალხის გრძელვადიან ინტერესებს, წინააღმდეგობას გაუწევს გარე ჩარევას და სწორ გადაწყვეტილებას მიიღებს". - თქვა ლინ ძიანმა.
3 თებერვალს აშშ-ს სახელმწიფო მდივანმა მარკო რუბიომ პანამაში გამართული ვიზიტისას ქვეყნის პრეზიდენტი გააფრთხილა, დაუყოვნებლივ გადადგას ნაბიჯები, რათა გადაიჭრას პანამის არხის პორტებზე ჩინური კომპანიების კონტროლის საკითხი, რასაც აშშ-ს ტრამპის ადმინისტრაცია პრობლემად მიიჩნევს.
