კანადურ-ამერიკულმა Restaurant Brands International Inc.–მა (RBI), რომელიც სწრაფი კვების რესტორნებს ფლობს, მეორე კვარტალში წმინდა მოგება 33%-ით შეამცირა, ამავე დროს შემოსავალმა მოლოდინს გადააჭარბა.
პრესრელიზის თანახმად, 2025 წლის აპრილ-ივნისში კომპანიის წმინდა მოგებამ, რომელიც მართავს Burger King-ის, Firehouse Subs-ის და Popeyes Louisiana Kitchen-ის ქსელებს, ასევე Tim Hortons-ის ყავის მაღაზიებს, 189 მილიონი აშშ დოლარი, ანუ აქციაზე 58 ცენტი შეადგინა, გასული წლის ანალოგიურ პერიოდში მიღებულ 280 მილიონ აშშ დოლართან, ანუ აქციაზე 88 ცენტთან შედარებით. კორექტირებული მოგება აქციაზე 86 ცენტიდან 94 ცენტამდე გაიზარდა.
შემოსავალი 16%-ით გაიზარდა და წინა წლის ანალოგიური პერიოდის 2.08 მილიარდ დოლართან შედარებით და 2.41 მილიარდ დოლარს მიაღწია.
FactSet-ის მიერ გამოკითხული ანალიტიკოსების საშუალო შეფასებით, კომპანიის კორექტირებული მოგება აქციაზე 97 ცენტად შეფასდა 2.34 მილიარდი დოლარის შემოსავალზე.
LSEG-ის რესპონდენტები, შესაბამისად, 97 ცენტსა და 2.32 მილიარდ დოლარს ელოდნენ.
